الزوجه الثانيه والناس..تكفون ردوا

يا بنات انا عندي مشكله وابي رايكم فيها.. مابي تجريح او توبيخ من احد.. لان لا فات الفوت ما ينفع الصوت..
انا من 5 سنوات تعرفت على شاب يكبرني ب10 سنوات.. و كان اول شخص غريب اعرفه و اول غريب دخل بحياتي.. لا تقولون كيف تعرفتي عليه و ما تخافين الله و و.. اذكركم ان الرسول صلى الله عليه و سلم ما اتزوج خديجه رضي الله عنها بالطريقه اللي معتاد عليها في مجتمعنا و سميتوها الطريقه الصحيحه والشرعيه.. اعجب فيها و طلبها.. و شتان الفرق بين اطهر الخلق و هذا الشاب.. و ادري انكم بتقولين ان الشباب هاليومين غير.. و الاساليب صارت غير.. بس الشي حاصل.. و ما ارتكبت معه اي شي يغضب المولى.. وللعلم انا من عائلة ملتزمه جدا جدا..
المهم ان قبل ثلاث سنوات تزوج من بنت عمه تلبيه لرغبة ابوه.. و جاب منها بنت سماها باسمي.. طبعا انا بعد ما تزوج حاولت ابعد عنه واتركه باي طريقه لان ضميري مانبني و مابي اللي يصير في مرته يصير فيني.. حاولت و كل مره احاول افشل.. قلتله ما ابيك و كان دايم يقعني ان احنامو قاعدين نسوي شي غلط وانه يعرفني قبلها.. للامانه عمره ما ذكرها بالشين بس يحلف كل ما يشوفها يتمنا تكون انا..
المهم ان بعد محاولات كثيره فاشله قرت اني ادوس على قلبي واطنشه خصوصا ان حتى الانسانه الوحيده اللي اسرها قالتلي انا صرت اشوفك حقيره لما اتكلمينه.. دست على قلبي كنت اطنش كل مكالماته رسايله كل شي و انا بداخلي اتقطع واحترق ما تمر علي ليله الا ولازم ابكي فيها..
بعدها اتفاجات انه جا يخطبني جا و معه اخوه الكبير و قابلوا ابوي و كلموه.. ما اخبي عنكم اني طرت من الفرح توقعت ان خلااص مافي هموم ولا بكا.. راح عن بالي انه متزوج و عنده بنت وان مجتمعنا و اهلي ضد فكرة الزوجه الثانيه اهلي من نفسهم من دون ما يسالوني ردوه.. يقولون وش ناقصها بنتنا تزوج واحد متزوج .. جمال و جسم وقريب شهاده..
حطمووني صدق حطموووني صديقتي تقول من جدك تزوجين واحد متزوج و عنده بنت.. تقبلين احد ياخذ منك زوجك.. كانها ما تدري ان زوجته اللي خذته مني وانا اعرفه قبلها.. :44:

هو للحين ما ياس واهلي مستمرين بالرفض من دون ما يسالوني..
واللي يرحموالديكم دلوني شسوي.. و للعلم ان بحياتي ما عرفت غيره :(