الزوج ابو وجهين او المنافق.

السلام عليكم ورحمة الله وبركاته ان اول مره اسجل في المنتدى وانا فيه موضوع دايم شاغلني وافكر فيه وانا متزوجه واعاني من هذا الشي ليش بعض الرجال بوجهين يعني مايحب زوجته الا وقت الحاجه او المصلح تلقينه طول النهار يسب فيه ويستهزاء ومايعطيها وجه واذا جا اليل ونامو الاولاد قام يوطي صوته ويصير رقيق ويسال وش تبين اجبلك عشاء والمسكينه تفرح انه قام يعطيها وجه ومجرد ماتخلص المصلحه رجعت حليمه لعادتها القديمه طيب ليش مايعاملني طول الوقت معامله زينه ليش اغلب الازواج مصلحجين يعني الي من هذا النوع ينخاف منه ماله امان ولو تمرضين او تتعبين على طول يقلب عليك ويسود عيشتك وانا جربت هذا الشي بنفسي كان مايطقني وانا حامل او نفاس ليش نضرته للحياه الزوجيه محدوده ونضرته ضيقه لابعد حد الايه الكريمه تدعو الزوج لمعاشرت زوجته بلمعروف مفروض يعتبرني زوجته وام عياله ويخاف الله في كل تصرفاته كل شي عندهم له مقابل اذا عشاك في مطعم لازم بمقابل اذا وداك للسواق هم بمقابل ماو علشان يشوف السعاده بوجهك او علشان يفرح عياله تخيلو بعض المرات يمر اسابيع ماتطلعين من البيت واهو كل اسبوع رايح للبر ولا مع اخوانه ولم يجي يوم الجمعه يبي وحده تكشخله ولا تضحك له بوجهه ويبي حقوقه طيب منوين يكون لك نفس تتكشخين ولا تلبسين اهو مافكر فيك وطول الوقت مبسوط مع اخوياه طيب ليش مايفكر انه يطلعك الخميس ويبسطك وصحقوني لما الزوج يبسط زوجته هي بعد بتبسطه وانا اخوي متزوج يقولي ماحب اشوف زوجتي متنكده لانها اذا تنكدت بتنكد علي واذا ابسطت بتبسطني يقول اذا جيت بطلع يوم الخميس يقول اوديها يوم الاربعاء يعني قبلها بيوم المكان الي تختاره علشان اذا جا يوم الخميس وقلتله بطلع مع ربعي اروح واهي راضيه ومبسوطه يليت كل الجال مثله يجعل عيني ما تبكيه وسلامتكم.