الرجل الخفي يصبح حقيقة!عالم ياباني يبتكر سترة تخفي مرتديها عن الأنظار
"الرياض" - خاص:
ابتكر عالم ياباني سترة (كوت) يجعل مرتديه خفيا غير مرئي.
والسترة من تصميم البروفيسور سوسومو تاشي الذي مازال في المراحل الأولى من ابتكاره الذي يأمل أن يجعل في النهائية الأجسام غير مرئية.
وهذا الخداع البصري الذي تراه في الصورة حيث تظهر الأجسام والأشياء عبر السترة والشخص الذي يرتديها جزءا من تجربة عملية لتقنية التمويه البصري اجريت في جامعة طوكيو.
وتم التقاط الصورة بكاميرا تدمج الصور المتحركة خلف الشخص الذي يرتدي السترة مع صورة الشخص نفسه لتعطي الانطباع بشفافية السترة.
ويأمل البروفيسور سوسومو في أن تفيد تقنيته الجراحين الذين يصابون بالإحباط عندما تحجب أياديهم ومعداتهم الجراحية رؤية جميع أجزاء موضع الجراحة، وكذلك الطيارين الذين يتمنون أن تكون أرضية مقصورة القيادة شفافة تمكنهم من رؤية الأرض اسفلهم من أجل هبوط آمن
----------------------------------------------------------
السلام عليكم...كيف الحال.. شو الاخبار..انا ابدخل في السالفه على طول الموضوع وبلحاله وش طوله ..
شفتوا هالخبر نازل في جريدة الرياض قبل اكثر من شهر ونص..
وفي ذاك اليوم اللي نزل فيه وأظن انه جمعه.. رزه اخوي اللي يهتم بهالأمور في وجهي ..وقال:شفتي الناس وين وصلوا ..
وأنا وذكائي الخارق..أول ما شفت الصورة حسبت الياباني منكب على كوته (جاكيته) مويه.. و أقول وش وصلوله ..
اخوي :يا منيب قايل ( مشهورة عندنا ) ركزي في الصورة زين..
وعقب تركيز وتمحيص وتدقيق .. اكتشفت إن الرجال صار شفاف
.. وباقي اكثر من الشوي بشوي ويختفي ..(بس طبعا الصورة مركبه ما تمشي علي).. المهم عقب ما قريت الخبر ..خذتني الهواجيس في عالم ثاني.. وبديت أتخيل لو إن عندي هالكوت.. ومن نفس نوعه عباية .. وبعد وشاح .. وفيهم زر أرصه ولاي مختفية ...
يا سلام والله وناسه.. ياهي بتصير مغامرات.. ونحشات .. ورعب ..
بس وين ألبسه.. وين وين .. مممم ....
جتني افكاااااار كثيره .. ومواقف اكثر من اللي مع الدوده.. ( فسروها
) .. واغلبها في المدرسه .. بحكم اني مازلت اداوم فيها كطالبه
..ومنها :-----------
-البسه وانا داخله المدرسه ..عشاني ماشاء الله علي دايم اروح بدري .. ولا قد مريت من سير الخطر
حق المتأخرات .. ولا قد تهزأت .. ولا تفشلت .. ولا سويت دعاية معجون << لزوم التصريف >> ... -البسه ان ان نزلتنا المراقبه غصب في الفسحه<< الموضه نحل واجبات اول ثلاث حصص والباقي ننقشه في الفسحه >> عشان اقدر ارقى وانفذ من عند العرايف ( قديمه صح.. ذكريات )..
-البسه الى بغيت اصيح
وما ابي احد يشوفني..<<بنيه :27: لازم تبتسي >>..-البسه ان كان عندنا عزيمه .. وجهزوا القهوه عشان اقهوي المعازيم ..وانا مالي خلق .. والا فيني النوم
<<== خوش عذر ماتنلامين...-البسه ان كنت ودي اطلع للحوش ودودي في الصاله
.. وماودي تنشب فيني << مع انها وش حليلها توسع صدري في الدوران ما ادور لحالي >>..------------------------------------------------------------------------------
وغيرها تسثييير ( كثير )...
بس مافيه وقت وراي مدرسه ..
واحس اني طولت عليكم ..
عاد ابيكم تشاركوني بافكاركم لان بنزيمي خلّص ...
وكل وحده وش هقوتها بتسوي ان كان عندها هالكوت .. ووش المواقف اللي تحتاجه فيها...
وانا احتري ردودكم ..
وتسلمون ....
.........ماتهــــاب..........
يا حليلك.. أجل ( تلبسينه إذا جيتي تصيحين علشان ما أحد يشوفتس) ...
ههههههههههه
أنا عن نفسي ... طوالي على السوق ... وأدخل لمحل الملابس .. وأرفع (الهدوم)_الملابس_ وأنزلها ..
وأهبل بالهندي المسيكين
و اخليه يطلع من المحل ويحلف أنه ما يأكل (حبحر)>>>اللي هو الفلفل
أبدددددددد ..