بكل مكان في سمنة

في هولندا حاليا يقولون ان 40 بالمية من النساء الهولنديات يعانون من كم كيلو زيادة (ليست سمنة مفرطة)

لكني الاحظ ان القليل جدا فيه سمنة كبيرة ...لانهم يتحركو كثير ويستعملوا الدراجة كثير في خروجهم من المنزل.
وطبعا اكلهم يختلف تماما عن الاكل العربي ..اكلنا ماشاء الله عليه دسم .

من نظرتي الشخصية أشوف انه معظم الاوروبيين وأمريكا منهم سمان أنتوا بس لاحظوا يوم تزورون بلادهم شوفوا الأكثريه سمان أما الدول العربيه والاسلاميه أقل سمنه

لكن لو شفتوا دول الخليج قليل ما تشوفون حريم متان يمشون معظم الخليجيات جسمهم حلو ومتناسق مع قلة الحركه واعتمادهم على الرز والخبز في الأكل وعندهم عيال

لكن أنا من المتان للأسف

اش رايكم نسوي استفتاء نشوف فيه شو الأكثريه متان في الدول العربيه
واذا بغينا نخصص الدول العربيه والخليجيه كل وحده على حده ها
اش رايكم
وبهذا نقدر نعرف الحقيقه

لا يمكن ان يكون نساء السعوديات الاسمن في العالم يوجد الكثير من النساء رشيقات وهنالك سمينات بحثنا عن الرشاقة واستطعن أن يصلن وهل كيلوا زيادة على الوزن يعتبر سمنه مخيفة
هنالك انواع للسمنة ؟!!!!!!!!!!!!!!!!!!!!!
اريد ان نعرف كيف هذا التصنيف وكم من النساء اللاتي خضن الاختبار

السمنة في كل مكان ولا تعتقدون انه اي موضوع ينكتب في السعودية انهم مستقصدينهم
ويقدر الشخص الي يسوي الاحصائية انه يجي يدور في الشوارع والاسواق ويشوف الاوزان ويحكم بعدها
او يستفيد من سجلات بعض المراكز الطبية الي فيها نوادي
واهم اسباب السمنة عندنا الكسل
فيه وحدة سمينة من كثر كسلها ماتطلع لغرفتها فوق وصارت تنام تحت واي شي تبيه من ملابس وغيره توصي الخدامة تجيبه لها

هذا غير ان الوحدة اذا كانت فوق ونزلت الدرج وتذكرت تجيب معها شي من فوق تكمل تنزل وتوصي اي احد يجيب الغرض لها !!
والدرج هو احسن وسيلة للحركة وحرق السعرات

واعتقد ان السمنة مو شرط تكون باوزان كبيرة
يكن المقصود فيها ان الشخص تعدى الوزن الطبيعي وزادت عنده الدهون حتى لو خمسة كيلو