السعوديات اللي ساكنه بعيد عن اهلها تدخل لضروره

السلام عليكم ورحمة الله وبركاته

شلونكم اخواتي هذا اول موضوع لي بالمنتدى بس من متابعتكم من زماااان


المهم علشان مانطول بالكلام




ياحبيباتي انا اختكم من الكويت ساكنه بمنطقه واهلي بمنطقه ثانيه انا في شمال الكويت واهلي في اقصى الجنوب ومن تزوجت صارلي خمس سنين وانا اسبوع اروح واسبوع لا
يعني اروح هالاسبوع الخميس واجي السبت والخميس اللي وراه ما اروح مع ان الطريق بالبضبط ساعه الا ربع واحيانا خمس وثلاثين دقيقه بس....:time:


ابصراحه حدي مضايقه واحيانا اقول ليتني مابعدت عن اهلي ومرات كثيره ابكي يعني كم مناسبه طافتني حتى خالاتي قاموا مايدقون علي يعزموني يدرون اني محدد وقت جيتي وخواتي كل يومين عند اهلي يحز بخاطري لما يقولون لي اني قاطعه فيهم:06::06:

مرات ابصراحه احس انها نعمه اقول يمكن لو اهلي قريبين كان صارت مشاكل وماكان فيه احترام متبادل بين العايلتين نفس ماهو الوضع الحين ويمكن يتعرفون ع بعض اكثر وتكثر المشاكل يعني الحين بعيدين وغاليين

بس مرات لما اشوف حريم حمواني كل ما اشتهت وحده تروح لهلها راحت وانا اقعد بروحي تخنقني العبره ومرات اقول لو اهلي قريبين انزل عيالي عليهم وقت ما ابي اذا مثلا ابطلع لمكان
ولو اهلي قريبين كان خففت ع امي وساعدتها وكل ما احتاجت اكون عندها:44:




يالله .... الكلام بخاطري كثيييير وماني عارفه شقول وشخلي



المهم اليوم وانا اتصفح المنتدى طرا ابالي بنات السعوديه اللي يسافرون لهلهم سفر شلون متحملين وشلون قدرتوا تتاقلمون وبرايكم افضل لو اهلج بعيدين والا تتمنينهم قريب منج؟؟





يمكن تشوفون الموضوع بسيط بس يعنيلي الشئ الكثيييييييير:44:




تحياتي