السلام عليكم

اذا كان عندك اولاد ظغار أهم شي تعوديهن انو ممنوع الأكل برات المطبخ أي شي عصير تشبس كوكيز كلو على طاولة المطبخ
وحاولي يكون كل شي ببيتك إلو مكان معين يعني بالنسبة للألعاب اشتري بوكس كبير وسلات ظغيرة وصنفي الألعاب بالسلال وجوات الببوكس او الخزانة وخلي الأولاد اول ما ينتهوا من اللعب يرجعوها لمحلها

وعليكم السلام ورحمة الله وبركاته....محتاجين شوية معلومات اختي عشين ننسق مع بعض جدول يناسبك انتي بالذات....يعني مثلا...بيتك كم طابق وكم غرفة....كم عندك اطفال ..هم تحت سن المدرسة او في المدرسة....لحالك ولا مع اهل زوجك...ضيوفك كثير ولا قليل ...موظفة او ربة بيت..عندك خدامة او لا..اهم شي عندكم .هل هو الطبخ او النظافة او الترتيب ...يعني بصراحة اش الاولويات عند زوجك خاصة وعندك وعند اولادك....وان شاء الله نتساعد سوا في تفصيل جدول ممتاز تستفيدي منه

مشكورين جزاكم الله خير
بيتي شقه مكون من غرفتين نوم ومجلس ومدخل وصاله ومطبخ وحمامين
اطفال 2فالمدرسه وتوم بنات سنتين لوحدي ساكنة يعني ضيوف قليل ماني موظفه ماعندي خادمه أحس بيتي كله يهمني نظافته

أتمنى تكون وضعي واضح

وزعي الاعمال بينك وبين اللي بالمدرسة

الاحد غرف النوم تنظيف وترتيب
الاثنين غسيل الملابس
الثلاثاء الكوي
الاربعاء المجلس والصالة ترتيب وتنظيف
الخميس الحمامات غسيل عميق وتعطير
الجمعة مرور عالبيت كامل وترتيب سريع
السبت عمل واحد عميق مثل الابواب او الجدران على قولتك
مثل تنظيف الفرن او ترتيب دولاب او اثنين حسب الوقت
يعني كل سبت تمسكين دولاب

والطبخ والمطبخ يوميا

والجدول للتنظيف العميق وباقي الاسبوع لو توصخ يصير تنظيف سريع او مجرد مسح للي توصخ

السلام عليكم....اولا الله يبارك لك في عيالك وبيتك وزوجك....ثانيا..لو اولادك من النوع المتعاون خير وبركة ...اما اذا كانوا العكس الله يعينك..نصيحة حاولي تختصري في كل شي .الاثاث الملابس الالعاب..حتى مواعين المطبخ..جيبي صناديق بلاستك من عند ابو ريالين .المتوسطة ب15 ريال والكبيرة توصل 40 ريال...سوي فرز للغرف وامطبخ والحمامات الله يعزك..ابداي غرفة غرفة ...مثلا ابداي بغرفتك.اعطيها كم يوم.اول يوم افتحي الدولاب طلعي كل اللي فيه من ملابسك..اختاري لك ملابس لشغل البيت ما تزيد عن 3.ممكن قمصان بيت او ترنقات .حسب ما انتي متعودة .واختاري كم لبس للبيت تلبسيه في حضور زوجك.طقمي لك خمس طقوم .ممكن تنورتين وخمس بلايز او بنطلون..وطقمي لك طقمين فخمة للضيوف سواء احد جاكي او انتي رحتي زيارة...البسي وقيسي وشوفي المراية .وبعدين اختاري .وراعي ان الملابس اللي اخترتيها تكون مريحة لك نفسيا وجسميا.ضروري..وطقمي لملابس الخروج اكسسوار مناسب والجزم المناسبة.وعطريها وغلفيها بنايلون وعلقيها..وكذلك ملابس البيت طقميلها الاكسسوار المناسب .ونظفيها واكويها وعلقيها.ملابس الشغل طبقيها.وجهزي ايضا قميصين نوم مرتبة وروب وبجامتين..عطريها وبخريها وعلقيها...الملابس الداخلية في شنطة قماش صغيرة في الدرج او شنطتين..الشراريب والهلهوبات والليقنقز والاشاربات كلها لبقي منها على الملابس المختارة .والباقي خليه على جنب...الان خذي الملابس والجزم والملابس الداخلية وكل اللي بقي .جيبي لك صندوق كبير وكيس كبير...وكيس ثاني...افرزي الملابس اللي محتاجتها .في الصندوق ..واللي مو مناسبة لك او ما حبيتيها بس تكون كويسة في كيس للصدقات .واللي دمار للزبالة.وخصوصا الملابس الداخلية.ما انصح احد يتصدق فيها...خذي الملابس اللي عاجبتك اغسليها واكويها ورتبيها فب الصندوق او عدة صناديق اذا ما يكفي واحد...الجزم نظفيها وحطيها في كراتين جزم او في صندوق بلاستك كبير...ورصي الصناديق فوق بعضها...الفائدة...الدولاب يترتب ويصير يفتح النفس ..تكوني عارفة اش بتلبسي ويسهل الاختيار...تكون ملابس الاستقبال لو جوك ضيوف فجاة جاهزة ..وهذا فيه اختصار كبير للوقت وراحة نفسية.وثقة في النفس...لا تنسي العبايات والطرح نفس الطريقة...لو مرت مدة ومليتي من ملابسك.افتحي الصندوق وبدلي وغيري...انا الطريقة هذي ريحتني مررة..بكرة انتقلي للتسريحة ..شوفي العطور والمكياج ..العطر اللي ما تحبيه .على جنب والمكياج شيلي المكسر والقديم واللي ما تستخدميه ..اختاري لك اشياء للنهار ومكياج للسهرة .وحطيه في شنطتين مكياج صغيرة.والعطر اختاري اللي اكثر شي تحبيه .وكمان الكريمات وغيره اختصري مرة .الاشياء اللي تعرفي نفسك ما تستخدميها .حطيها على جنب..والباقي نظفيه ولمعيه بعد ما تكوني نظفتي التسريحة ورتبيه بشكل حلو.ويا ليت تاخذي لك منظمات للدروج .تساعد كثير..الباقي شي ممكن تهديه اذا هو مرتب او تصدقيه او ترميه..حسب نظرتك..اليوم اللي بعده افرزي دولاب زوجك .ويا ليت يكون بحضوره خليه يختار معاك واستخدمي نفس الاسلوب...اذا كان عند زوجك او عندك او اولادك اوراق ومعاملات وفواتير.جيبي من المكتبة ظروف بلاستك ووزعي الاوراق حسب نوعها.زي مثلا شهادات الميلاد الاوراق الثبوتية جوازات السفر.في ظرف..شهادات المدارس في ظرف لكل شخص.الفواتير في ظرف .اوراق العمل حق زوجك في ظرف...وكل الظروف في شنطة وفي الدولاب..حطي علبة شيك فوق التسريحة لما زوجك يدخل من برا يحط فيها مفتاح السيارة والنظارة واي مستلزمات صغيرة .يعني يتعود يضعها دائما في العلبة عشين يلقاها بسهولة ..وعلبة ثانية للاوراق وخلافه تفرزيها مرة في الاسبوع وتعيدي ترتيبها في الظروف..للتعطير حطي في كل دولاب شمعة معطرة كبيرة بس لا تولعيها ...كل ما فتحتي الدولاب الريحة حلوة وفايحة...اشتري فواحة كهربائية من سنتر بوينت وكم زيت عطري من بدي شوب او زهور الريف..لتعطير جو الغرفة بشكل امن احسن من فواحات الشمع .اللي احيانا تحترق..وفيها خطورة...خلي عندك كم طقم للسرير جاهزة ونظيفة ومعطرة ..غيري اكياس المخدات كل يوم احسن وانظف .اما الطقم فكفاية مرة في الاسبوع.....بعد كذا ..انتقلي لغرف العيال وارفرزي ملابسهم بنفس الطريقة.وانصحك بالنسبة لعيال المدرسة .خلي لهم سبعة ثياب وسبعة اطقم داخلية وشماغين لكل واد وطاقيتين ..تكفيهم طول الاسبوع واليوم السابع غسليها وارسلي الثياب للمكوجي وعلقيها استعداد للاسبوع القادم.الغتر .يلبسو وحد لمدة ثلاث ايام والثانية نفس الش بعدين تنغسل .عشين ترتاحي من الغسيل كل يوم.طبعا لا ننسى بدل الرياضة والجزم والشراريب.الشراريب حطي كل زوج في بعض وجمعيها في كرتون جزم وفي اسفل دولابهم او في درج وحطي سلة في الغرفة اي شراب يفصخوه على السلة.عشين ما تضيع....وبعدين افرزي ملابس التوام الله يحفظهم..ترنغات للبيت .ملابس للخروج.والباقي مثل الاول..المهم لا تكثري في الدواليب.اختصري قدر الامكان...هذا بالنسبة للغرف..الخطوة الثانية..كل يوم بالاضافة للعمل اليومي سوي لك شغلة زيادة..مثلا يوم نظفي مكيف بكرة امسحي السقف بعد النجف والباجورات.بعده الشبابيك.بعه الجدار والباب..ثم انتقلي للغرفة اللي بعدها..ايضا ممكن تعيدي نفس اترتيبات الاولى للدواليب والملابس الخ..بيكون المرة الثانية اسهل...والوقت اقل...المرحلة الثانية .المطبخ...كل يوم دولاب او درفة طلعي اللي فيها غسليه جيدا وافرزي وخلي اللي تكوني متاكدة انك بحاجتة والباقي في صندوق او كرتون للصدقة.نظفي الدرفة ورتبي مواعينك فيها...خذي لك علب بلاستك من ابو ريالين حطي فيها كل البهارات واكتبي عليها .نصيحة علب المربى والعسل والصلصة غسليها جيدا وجففيها وخليها في دولاب او درج مخصوص.اي بقايا طعام فبها وعلى الثلاجة..مرة حلوة الفكرة.اول شي انها زجاج ما تتفاعل مع الاكل .غطاها محكم ما تطلع الروايح على بعض.تختصر المساحة في الثلاجة ويكون شكل الثلاجة مرتب.شفافة تشوفي اللي فيها..مقاسات متنوعة العلب الصغيرة للكميات القليلة والعلب الكبيرة للكميات الاكبر.ما ..اذا عندك فريزر حطي فيه علبة كبيرة وارمي فيها بقايا الطعام اللي يبقى في السفرة بدل ما تنكب في الزبالة ..ونهاية الاسبوع خلي زوجك يروح يرميها في صحراء او بحر .تاكلها الحيوانت والطيور .الخبز الزايد حطي له كرتون او صندوق وخليه لما يجف واعطوه لرعاة الغنم....نجي لمواعين الضيوف نظفيها وجففيها جيدا..وغلفي كل قطعة بالنايلو الرول او اللي يسموه سلوفان .حق تغطية الطعام.وجمعيها في صناديق بلاستك وخلي لها دولاب مخصوص..لما يجوك ضيوف بس شيلي النايلون واستخدميها ما تحتاج غسل ولا شي.واول ما يروح الضيف ارجعي نظفيها وغلفيها .لا تؤجلي ...بعد كذا ..الله يعزك الحمامات.نفس الشي افرزي واختصري..والباقي يتخزن لوقت ثاني او تعطيه لاحد...اهم شي الترتيب ولا تخلي شي ما تحتاجيه يغثك.ويملا عليك المكان...

الاعمال اليومية....اول مايطلع الاولاد وابوهم الله يحفظهم لك ...روحي صلي الضحى وادعي لنفسك ولاهلك وزوجك وعيالك..شغلي القران..وحطي على وجهك قناع.,ممكن زبادي...حليب ..عسل...استعيني بالله..خذي سلة واجمعي كل الملابس الوسخة ووديها بسلة الغسيل .دوري على الغرف افتحي الشبابيك عشين تتهوى الغرف...اعطي لكل رفة خمس دقايق ترتيب بس لا تزيدي عشين ما تملي رتبي بسرعة ...نظفي الحمامات...سوي لك عصير طازج اشربيه في فترة راحة ربع ساعة...قومي للمطبخ نظفيه في نص ساعة وجهزي الغداء وحضري لك فطور..افطري .اكنسي وامسحي كل الارضيات...روحي سوي الغداء واحرصي تخلصي الغداء قبل الظهر.عشان تصلي الظهر وانتي مرتاحة...نسيت التوام .بين اوقات العمل .الله يعينك تصحيهم وتفطريهم وتحميهم ...بعد ما تطفي على الغداء اغسلي وجهك وضي سوي كريم مرطب.روج وكحل او ماسكارا كفاية في النهار.وغيري ملابسك..لو تقدري تستحمي يكون افضل. بس اشك مع البنتين الله يحفظهم...بس ممكن تشطيف سريع جدا .وعطر خفيف.وشغلي الفواحة في غرفة النوم ..وكل يوم زودي شغلة من اللي قلت عليهم سابقا.ولازم يوم راحة في الاسبوع..اللي هو يوم الاجازة .خليه لك ولزوجك وعيالك..لا تسوي الا الضروري من الشغل.وبالتوفيق.