السلام عليكم الرجاء يلي بتعرف طبخت ششبرك لا تبخل علي مشكورين

مرحبا رون هادا انا كمان مره،كنت كتبت طريقة الشيشبرك سابقا في المنتدى وعملتلك قص ولصق وان شاء الله بالعافيه
طريقة الشيشبرك
العجين
2 كاسة طحين
ملح للعجين حسب الرغبه
حليب للعجن وانا من تجربتي وجدت انو عجن اللعجين بالحليب افضل من الماء حتى ما يفتح العجين بعد الحشي
تريح ساعه
الحشو
لحمه مفرومه
بصله ناعمه
شوية كزبره خضرا مفرومه
يقلى البصل تضاف الكزبره ثم اللحم والملح والفلفل
الطريقه
يمد العجين بالشوبك ثم يقطع الى دوائر صغيره بفنجان قهوه مثلا ثم تحشى كل دائره بقليل من الحشو وتغلق الدائره الى شكل نصف دائره وتضغط الأطراف جبيدا حتى ما تفتح ثم تؤخذ اطراف هذه النصف دائره وتلصق ببعضها لتشكل متل شكل طاقيه
الآن نطبخ اللبن كالآتي
يخفق البن بالخلاط جيدا مع بيضه نيه
يضاف اليه ملح و ملعقتين كورن فلاور مذابه على البارد بقليل من الماء والكميه هي تقريبا 2 ملعقه لكل كيلو لبن
يوضع اللبن على النار ويحرك باستمرار باتجاه واحد حتى يغلي
عندما يغلي اللبن تسقط طواقي الشيش برك فيه وتحرك بلطف وكل فتره وفتره حتى لا تلتصق ببعضهااو بقعر الإناء وتترك حتى ينضج العجين حالي 10 الى 15 دقيقه واخيرا يضاف للبن سن او سنين ثوم مدقوق مع شوية كزبره خضرا مفرومه .

1 حتى لا تفتح طواقي الشيش برك اثناء الطهي انا ادخلها الى الميكرو ويف حراره قصوه كام دوره وبعدين بقلبها وكمان بعمل كام دوره الهدف انها تتنشف بس مو تنطبخ وهكذا يمكن تحضيرها قبل بيوم اذا في عزيمه وحفظها بالبراد دون خوف عليها و كذلك حفظها بالفريزر ولكن في هذه الحاله افرديها على صينيه وحطيها بالفريزر حتى تجمد وبعين حطيها بكيس.وانا اعمل نفس حركة الميكرو ويف بالكبه االبنيه كمان اذا خفتي تفتح في اللبن.
2 بعد ما يغلي اللبن وقبل ما تسقطي الشيشبرك زيدي اللبن ماء يعني تقريبا لكل كيلو شي كاسه ونصف ماء وخلطيه وخليه يغلي من جديد وبعدين نزلي الطواقي فيه لأن اللبن مع العجين بيسمك كثير.وكمية الماء حسب الرغبه في ناس بيحبوا اللبن سميك وناس لأ. وبالهناء والشفاء

:27: السلام عليكم :27:
مشكوره كتير كتير ياأختي belle على الطريقه وانشاء الله غدا بدي اساويها وجزاكي الله كل خير ومره ثانيه اشكرك على مرورك الكريم وطلتك البهيه اختك rone
:24:

العفو rone وانا متلك بكره ان شاء الله عامله شيشبرك ،ان شاء الله الف صحه وهنا على قلبك وقلب عائلتك..:26: :26:

:26: السلام عليكم أختي belle
مشكوره كتير كتير ساويتها اليوم الشيشبرك وطلعت طيبه كتير ولذيذه بشكل وانا بحب أكل البن في الصيف
:26: واقدم شكري مره ثانيه :26:
عندي سؤال بتعرفي تساوي شنكليش :cook:
:26: وأهديكي ورده معطره بأريج الاخوه والموده والاحترام :26:
أختك rone

الف صحه وهنا وآسفه على التأخير بس كان عندي ضيوف بقيو اكثر من اسبوع وكانت معمعه:09: اما عن الشنكليش والله آسفه انا بعرف بينعمل من القريشه بس الطريقه ما بعرفها كل ما نزلت عالشام عندي صديقه حمويه بتجبلي شوي لازم تسألي اهل حماه اذا في حولك حمويه قد يفيدوك سامحيني مره تانيه على التأخير وبالتوفيق انشاء الله :26: :24: