حبيبتي معليش انا كتبت الموضوع وبعدين شيلته لاني فيه معلومه ودي اصلحها لكي

اهلين
معليش الكمبيوتر شويه مخرف عشان كده اتاخرت
ومسح كل الي كتبته بس عشان خاطرك يالغاليه رجعت اكتبه
بنسبه للنوعيه اذا لقيتي الدراجه الي بالمغنطيس هيا احسن شي
لانه الي بالحبل تخرب بسرعه لانه انا كان عندي وبعد فتره صارت تتعتع يعني مره تصير خفيفه ومره ثقيله اثناء التمرين
بنسبه للصناعه الصناعه الامريكيه احسن شي لاكن اذا لايوجد اسئلي صاحب المحل ايش احسن شي بعده
وشتري الي تستطيعي عليه لانه كلها اجهزه لاكن النوعيه الجيده تعيش اكثر وستخدامها احسن
بنسبه لمدة التمرين عشانك لسه في البدايه خليها ربع ساعه او على حسب الاستطاعه بس لاتتعبي نفسك عشانك اول مره
طريقة التمرين اول شي اعملي تليين للعضلات مثلا اوقفي وافتحي رجلك وحاولي تلمسي الارض او تلمسي رجلك كرري العمليه كذه مره
بعد ذالك اطلعي على الدراجه ويكون في نفس الدراجه معيار للخفيف والثقيل
ابدئي بالخفيف وبعد كل خمسه دقائق زودي المعيار لاكن اذا تعبتي خفيفيها على طول
بعد ماتنتهي قومي ايضا بالتليين كي لاتتشد عليكي عضله
ودي اقولك على شي عشان اول مره تمارسي الرياضه بعد التمرين بيوم سوف تشعري بالام في العضلات فقط لمدة يومين لانه عضلاتك ضعيفه
بعد الانتهاء قومي بالاستحمام عشان تتنشطي
بنسبه للدرجه خاصه لشد الارداف لاكن تقوم بتحريك عضلات الجسم زي لما تطلعي الدرجه عضلاتك كلها تتحرك
مناطق اخرى اذا كان قصدك شد البطن صدقيني البطن ما تتشد اذا لم تمارسي التمارين الخاصه بها ولا ما كان يوجد تمارين للبطن
خاصه اذا حملتي من قبل لانها منطقه صعبه جدا وتاخد وقت زي الارداف
حتى لو ما رستي الجري اواي رياضه هي ممكن تخف اكيد لاكن ما تتشد وهناك فرق بين الاثنين وانا كتبت عن هذا الموضوع من قبل
حبيبتي اي سؤال انا جاهزه واسفه على التاخير

هلا
خودي راحتك على الاخير
حبيبتي انا عندي جهاز بس ما ادري اذا نزل في السعوديه هو عباره عن عجله لها قبضه من اليمين واليسار
اوقفي على ركبك وامسكي القبضتين وحركي العجله الى الامام بحيث انك تكوني قريبه من الارض يعني لازم تنزولي مع العجله وتكون يدك مفروده ثم ارجعي الى الخلف كرري العمليه الين ما تتعبي وتحسي عضلاتك اتشدت
ان شاء الله اكون شرحتها مزبوط على العموم اذا لقيتيها ممكن اشرحلك تاني
بس حبيبتي لازم تسوي تمارين البطن الي شرحتها قبل كده لانها معروفه من زمان وممتازه مره بس على راحتط لاتروحي تبطلي خليني ساكته
وترى فيه اجهزه ثانيه عند محلات الرياضه بس انا ماجربتها اسئلي عنها
اي سؤال ثاني

هلا عيوني
على موضوع التمرين انا دحين بتمرن ان شاء الله لما اخلص على طول ارد عليكي
استني مني الجواب يا عسل

هلا
دحين فضيتلك يا حلوه
بنسبه للسير برضه ممتاز مافيها كلام بس لازم عشان تستفيدي يا تمشي مشي سريع او هروله او جري المشي العادي محا تستفيدي منو بنسبه للمده 30الى 45دقيقه بس زي ما ذكرتلك عشانك في البدايه سوي الي تقدري عليه وبعدين زودي
السير يشد منطقة الساق الي هيا البطه ما ادري ايش تقولي عليها وتشد الفخد والارداف
حبيبتي الدرجه ممتازه لشد الارداف لانه انا عندي في البيت
ولاحظت كثير حريم عندنا في امريكا يستخدموها اكثر من الرجال لانه عندنا منطقه الارداف ضعيفه جدا فالدرجه
تساعد على ترجيع الارداف الى شكلها الطبيعي