لحلول السمنه والتخلص من الكرش ام لؤي

اول شي سوي ديتكوس الكبد والقولون واشربي عصائر خضار بروكلي وخيار وجزر وكزبره وبتلاحظيين التغييير واشتري جهاز الغزال الطائر وراح تنحفين وادعي لي بس العصاير لازم تكثرين منها يعني 6او 5اكوال منها يومياً واذا تقدرين تطلبين من النت عشبة القمح مجففه واشربيها مع الموي

لا تتبعي حميات في رايي حاولي تعدلي نظامك الغذائي انت تقولين انك من سنين وزنك زايد لدرجة الدورة تنقطع فاتوقع ان وزنك فوق المعدل بزيادة كبيرة مو شي بسييط
شوفي انت اكيد حركتك محدودة و ما تشتغلي كثير
اول شي الاكل بالتدريج حتى لو اخذ منك سنة او سنتين نفس الكلام قلته لوحدة هني في موضوع ثاني التعديل البطيئ احسسن و اضمن لاستمرار النظام لمدى الحياة للاشخاص اللي ما عندهم ارادة زيي مثلا و اتوقع انت بعد تتركين الدايت بعد كم يوم
شوفي لا تبدي بشغلات انت ما تحبي تاكليها اول شي حاولي تقللي الكميات و لا تقللينها كثير في البداية قللي شوي بطريقة غير ملحوظة و اذا حسيتي تمام قللي زيادة لين تصل نص الكمية اللي تاكلينها و لا تعدلي شي ثاني هذي اول خطوة
ثاني خطوة بعد ما تتاكدي انك تعودتي تماما على تقليل الاكل و ما عاد ياثر عليك و انا ما اقصد عدد الوجبات او اوقاتها لا بس مجرد كل ما تاكلي قللي
الشي الثاني بعد انك تحاولي تنظمي وقت الوجبات لا تقللي عددها يعني اذا تاكلي 5 مرات او 6 انت لاحظي نظامك حاولي تعدين كم مرة تاكلين باليوم عرفتي كم مرة خلاص على طول حاولي انك تضعي خمس اوقات او ع حسب عدد وجباتك تاكلينهم في مواعيد معينة يعني مثلا انت تصحي الساعة 8 او 6 تاكلين الفطور بعد نص ساعه لا تغيري مواعيد صحيانك من النوم عشان الوجبة عدلي مواعيد الوجبات على حسب نومك و بس كل يوم حاولي تاكلي الوجبات في نفس المواعيد ما تتغير ابدا بعد فترة من التعويد و تحسي امورك تمام
و خلاص تعودتي ع المواعيد
حاولي تنظمي وقت العشاء يكون قبل النوم ب 2 ساعتين
اتعودتي ع هالشي زيديها ساعه تصير قبل النوم ب 3 ساعات
معليش انا طولت بردي بس الناس اللي وزنها زايد سنيييين و وزن كبير يحتاججون نظام بطيء لان المشكلة في عاداتهم و هالشي ما يروح بريجيم ابو شهر او اسبوعين
بكمل ...
نظمتي وقت العشاء الحين شوفي اي نوع وجبة مثلا حلو او دهون او غيره تحسين اذا ما اكلتيه ما يفرق معاك او نشويات يعني اللي اقصده في ناس تتخلى عن الخبز في ناس تتخلى عن السكر في ناس تقدر تخلي المقلي نهائي
شوفي شو اكثر شي تقدري تستغني عنه و قللي كميته لين ما تتخلي عنه نهائيا
بعد هالخطوة خلاص تحسي جسمك تعود مو تجبرينه انه يتحمل ارجعي قللي كمية الوجبات تدريجي لاقسام صغيرة بالتدريج البطيء
لا تقللي عدد الوجبات عن اللي متعودة عليه يعني لو تاكلي 3 مرات في اليوم ممتاز لا تغيري لو 6 لا تغيري
خلاص وصلتي هالمرحلة حيكون نقص من وزنك كثير جدا
الحين تحاولي تتركي شغلات مالها داعي في الشراب تتركي الغازيات العصائر لا تشربي شاي غير موي حتى الشاهي و الكوفي اتركيه طبعا هذا بالتدريج و خصوصا الحليب يسمن بشكل خيالي
تعودتي
الحين تشوفي اي شي مو مزبوط باكلك حاولي تتركيه بس تشوفي بديل صحي له يعني لا تجوعي نفسك

و عموما ابي اقولك الخضار و المشوي دجاج او سمك يضعف جدا المشكلة في المقلي سيء جدا و المشروبات كلها سيئة اتركيها لان كلها بسكر و حتى الشاهي فيه نسبة كافيين تستنزفك اتركيه

الحين الشي الثاني الرياضة نصيحة لا تبدي تتريضي مع التغيير في النظام الصحي من اول يوم لان جسمك يمكن ما يتقبل التغيير مرة واحدة بعد ما ينزل وزنك 5 كيلو او لاحظتي بعد شهر او شهرين نزلتي شوي ابدي مشي خفيف 10 دقايق و زيديها بالتدريج حسب ما يتعود جسمك لساعة او 45 لا تزيدي عليها لا ياخذك الحماس

و بس هذا اللي عندي اتمنى انك تنحفي من غير شر و انا وياك بعد آمين

رفع