السمنه عقدتني :(

مرحبا بنات
بدخل بالموضوع ع طوول

انا كان وزني ١١٨ بعدين شاء الله وجاء لي ابن حلال وتقدم لي بعد اعطيناهم الموافقه شديت على حالي كثير رياضه ودايت ونزل وزني ماشاء الله لغاية ١٠٤ كيلو

تزوجت ومرت الايام "طبعا بحكم اني عروسه جديده ما اقدر اعمل رياضه ولا اسوي دايت" وكنت كل بين فتره وفتره اذا رحت لأهلي اقيس وزني هناك وكلن للأسف في إزدياد طلع لـ 106 بعدين 108 آخر مره وزنت البآرح كان 112

لي الحين 7 شهور من تزوجت وللحين ماقدرت انظم وارتب وضعي الجديد لا نوم زي الناس ولا رياضه ولا تنظيم اكل مدري كيف انظمه

وكل اللي حولي يقولون لي لو تحملين على وزنك ذا بيجيك السكري ويقعدون يشرحون لي السكري ومضاعفاته وووالخ! يعني وش اسوي آكل حبوب منع حمل لين انحف ولا وش ؟
ماودي اجيب المرض لنفسي وبيدي ..

وغير كذا .. زوجي كذا مره يلمح لي انو انحفي انحفي
يتحسس مناطق عندي زي الكرشه والأفخاذ من ورا ويقول ياااااااليتها تختففففي

بنات احس اني ثقيله ونفسيتي تعبانه ومالي خلق اي شيء بالحياه .. احس اني ما اعيش بفترة الشباب مافيه بحياتي الا التحلطم والهم .. والله يابنات مهما ضحكت ومهما سويت نفسي اني عايشه جوي وعايشه حياتي طبيعي تبقى بداخلي ناااارررر ماتنطفي الا اذا نزلت وزني

والمصيبه اعرف كل اللي ينحفني واللي يسمني وادري ان الرياضه تشد الجسم وتنحته واغلب وقتي فاضيه لا شغل ولا مشغله ومع ذلك مايمديني ابدأ الا خبصت !!!! وش الحل

تكفون ساعدوني واكسبوا فيني اجر
وادعوا لي تكفووووووووون