حبيبتي الله يسعدك انتي كذا بتهدمين بيتك انا نفسك اول ماحملت السناب جد انقهرت من طلعاتهم وصرت اتضايق واتمشكل مع زوجي عشان سبب تافهه والحين الحمدلله ارتحت وماصرت انزل شي واقتنعت بحياتي اهم شي الراحه والله .. ياكثر مانسمع بالحسد بسبب التصوير عيشي حياتك واهم شي انك مرتاحه ومبسوطه ماعليك منهم

اغلب الحريم اللي كذا حياتهم مع ازواجهم تعيسه لاتغترين بسناباتهم
اعرف وحده سناباتها كله هياط وحياته مع زوجها كله مشاكل تشتكي لصديقتها المقربه
اذا تتاثرين احذفي هالحسابات وخليك ع الحسابات للعامه المفيده والله افضل لك نصيحه منى

• الله يهديك
• اخر شي اهتم فيه فلانه سافرت وعلانه راحت

مشكلة شعبنا العزيز المظاهر
ذبحتهم المظاهر
قبل السناب وبعده كنت أسافر برا ولا أحب أصور أحب أستمتع أكثر من التصوير
أخلي ولدي يصور أو زوجي وتادراً ما أصور أنا
ما أدري أحس كثرة التصوير تشغلني عن المتعه
حتى بالطلعات مع زوجي أو اخواتي يصورون وانا أبلع 😜
كيف قادرين يستمتعون بحياتهم واهم كل همهم يظهرون جانب ممكن يكون كذب بحياتهم
وين المتعه الحقيقه إني أتجاكر مع صحباتي أو قريباتي من حياته أفضل !
خلاص أقنعت اللي حولي أنو حياتي أكثر رخاء و رفاهيه من أوبرا وينفري
وبعدين ؟؟؟
وين الحلاوه بالموضوع
مشكلتك مثل ما قالت لولو
تبدأ عندك وتنتهي عندك ولا أنصحك تلغين السناب
لإنو مو حل انتي عايشه في مجتمع مظهرجي وعاشق للقشور في كل جوانب حياته
في الدين وفي المتعه وفي طريقة حياتهم ككل
طبعاً مو الكل لكنها شريحه لا بأس بها
خلي عندك قناعه وخليك إيجابيه بحياتك وانظري للجوانب المشرقه فيها
واطمحي للافضل بطريقه ذكيه مو بحسره
الله يشرحلك صدرك 🌺🌺

حبيبتي ...القناعه كنز لايفنى
والرضاء سر السعادة....
لذلك فإن أصحاب الرضا والقناعة هـــــــــم السعـداء ..
فليش اتعب نفسي وانظر
لما هو موجود عند غيري ..
وليش اجعل من حياتى واسرتى مرأء للجميع وكأن حياتي كتاب مفتوح للكل.. ...
لا طبعا هذي خصوصياتي وحدي فقط
روحاتي جياتي تخصني وحدي ...والله اني اضحك على ناس تفكيرهم بهذا الشكل ..
اهم شي انتي اقتنعي بحياتك..وحبيها.
🌹🌹🌹🌹🌹🌹🌹🌹