انا معاكم لسه طبعا
بس عندى سؤال ابنى مش مخلى عندى وقت نهائى انضف امتى ونومه قليل جداااااااااااااااااا

يدوب ينام الفجر ويصحى الصبح على 11 بالكثير 12 ومفيش نوم بالنهار نهائى

اعمل ايه؟؟؟

2006zayna ما شاء الله ربنا يكرمك ننتظر جدولك ان شاء الله

فيروز الصغيره مشكورة لمرورك تابعي معايا

ابيسة يا الف اهلا وسهلا يا مرحبا فينك يا بنتي الحمد لله ان الموضوع شجعك عقبال الكل ان شاء الله برافو عليكي انك محافظة على العفريتة طيب والنوتة وديتيها فين ؟؟؟!!! منتظرة عودتك

راس المال مشكورة لمرورك:26:

مدام وائل ابنك بينام متأخر ويصحى متأخر وقت ما هو نايم اعملي شغلك و بعدين حاولي تعدلي جدوله ينام بدري و يصحى بدري وبعدين شوفي حاجات تشغله بلاش التلفزيون لانه مش كويس على فكر الاطفال عموما قبل ما تنامي سبحي 33 مرة احمدي الله 33 مرة و الله اكبر33 مرة ولا اله الا الله يصبحو مائة تجدي نفسك فغير حاجة لاي معين و ان شاء الله ربنا يعينك

لكل اللى ردوا فين الواجب محدش عمل جدول يومي لنفسه ؟؟؟!!!!

الى كل اللى داخلين يقروا الموضوع قبل ما تقعدوا وتريحوا

ايه اخبار اخبار حوض المطبخ (المجلى) يترى بيبرق و يشف ويرف ولا ...
إذا كان لأ فا ليه داخلة ومستعجلة تعرفي الجديد اذا كنتي ما نفذتيش اللي فات

ما تزعليش مني انا بنصحك لمصلحتك

الشاطرين اللى نضفوا الحوض و ممتازين يا ترى عندكم عفريتة زي اللي عند ابيسة
مين شاطر زي ابيسة وبيحافظ على هدومة و لابس هدوم الشغل ؟؟
كله تمام ؟
الجدول بقى اللى اتفقنا عليه شغال ولا مسنيين حد يجي البيت عندكوا يشرب قهوة وشاي يمشي وراكي يقولك بيتك عاوز كذا وكذا ؟؟
اقري الجدول من على الموبيل او النوتة (للتفاصيل ارجعي للموضوع القديم )
امبارح وضحت الاساسيات فالجدول و ازاي تحددي اولاويات يعني ايه ممكن يومي وايه اسبوعي

عارفين الجدول الثلاث خانات المهام و تم ولا لأ و المستوى ايوة الجدول دا اعملي منه نسختين واحدة الذقيها على حائط حوض الحمام والثانية على الثلاجة كل ما تعدي من قدامهم هيفكروكي ان في حا جات وراكي و يا سلام لو نسخة كمان على شاشة الكمبيوتر بدل ما انتي قاعدة تضيعي وقت كدا

بيجي علينا وقت نسمع صوت داخلي جوانا بيقولك ما تعمليش ما فيش فايدة لازم تجيبي شغالة اقعدي خمسة قصاد الالكمبيوتر شوفي الفيلم دا كلمي فلانة فالتليفون لسه بدري على ما جوزك يجي نامي شوية كل دي اصوات هدامة ركزي وثقي فنفسك اكتبي فنوتة بتاعتك كل جمل الاطراء اللى سمعتيها لم حققتي نجاحات افتكري شكل زوجك لما يجي يلاقي بيتك رائع او افتكري بيت فلانة اللى زرتيها و حسيتي انها ست بيت لهلوبة وانك لازم تبقي احسن منها

الدنيا ما اتبنيش فغمضة عين لا ربنا بناها في سبع ايام وليه حكمة فكدا
ما تطربقيش الدنيا على نفس
شوفي انتي تقدري تعملي ايه فدقيقتين و ليكن انك تقومي تلمي الاوراق والفواتير وتحطيهم في ملف يبقى سهل توصليله

ها حاجة سهل قومي ماتكسليش

تمام حلو قوي النقطة اللى بعدها

روحي للدولاب و خرجي لك طقم مش مكوي ليكي او لزوجك انت حرة فاختيارك واكويه المسألة مش هتاخد وقت لما ترجعي سجلي انت قضيتي وقت قد ايه بتكوي دا هيساعدك على تحسين مهاراتك