النقط اللى فاتت دي تقدري تعمتديها فجدولك اليومي هتسهلك كتير
مثال لجدول يومي يمكن يساعدكم وارجو انكم تتفهموا زي ما قولنا كدا ان مافيش جدول ينفع يطبق ويكون مثالي تماما لبيتين مختلفين حاولت ان الجدول يكون متوازن لكن احتاج لافكاركم وانتقاضاتكم و لا تنسوني من صالح دعائكم (محدش يدعي عليا) الجدول دا جدولي الخاص يعني فيه حاجات خاصة ببيتي واولاد استبدليها حسب ظروفك الجدول بدون توقيت طبقيه حسب وقتك

*طبعا اول كل شئ الصلاة فهي عماد الدين

*هل يحتاج ابنك لتغيير البامبرز؟؟

(نصيحة ممنوع الصوت العالي)

*هل يحتاج رضيع لشرب ماء الان ؟؟

*(اكثري من ذكر الله و الصلاة على النبي)

*افطار ابو العيال و العيال اعداد ساندوتشات المدرسة

*تناولي ملعقة عسل

*غسل صحون الافطار لا تنسي تنظيف تربيزة الافطار

*البسي العفريتة

*افتحي الشبابيك لتهوية ودخول الشمس

*شغلي غسالة الملابس(دا للي عندهم غسالة اتوماتيك)اما لاصحاب الغسالات النص اتوماتيك اعتقد بيحددوا يوم او يومين فالاسبوع للغسيل

*اعدي خطة للغداء اقصد بكدا اتأكد ان عِنْدي كُلّ شيءُ وهو خارج الفريزر إذا ضروريِ)

*وضبي السراير اجعلي لها منظر جذاب و التسريحة والشوفونيرة والكومود

* رتبي الملابس اللى تركها زوجك واولادك بعد خروجهم لاتنسي تلميع خشب الدولاب (هذا الجزء مش يوميا ولكن حسب الظروف لاني فمنطقة جديدة والبيوت حولي لسه بتتبنى الله يعنا)

*رتبي المخدات اكنسي الارض رتبي العاب الاطفال ان كان هناك مفروشات تحتاج للتشميس طلعيها تتشمس

*اكنسي الريسبشن بالمكنسة

*نضفي الحمامات التنظيف اليومي السريع يعني حطى منظف فى قعدة الحمام وانتم بكرامة و لمعي مراية الحمام على ما يكون المنظف اشتغل نظفي القعدة و الحوض ثم ارضية الحمام

*اكوي ملابس زوجك يكفي طقم واحد فقط يوميا حتى لا تملي
*مرور سريع على الصالة والصالون
*(لا تنسي التسبيح)
*قدمي فاكهة لاطفالك الصغار او كوب لبن على حسب مزاجهم
*مارسي خمس دقائق رياضة و ضعي اى قناع بسيط لا يحتاج لحوسة وليكن بعض اللبن

*ايه اخبار الملابس اللى فالغسالة واين موقعه من الاعراب الان

* امتى اخر مرة كلمتي مامتك او حد من اقرايبك واصحابك لو رغاية يبقى كفاية رسالة موبيل

*يترى شكل شعرك ايه؟؟ روحي سرحيه

*هل دخلتي المفروشات اللى بتتشمس؟؟

*قومي باحد مهام الجدول الاسبوعي

*اعدي الغدا اتأخرتي قوي

*ثم نظفي البوتجاز و امسحي ارض المطبخ

*بعد انتهاء الغدا اقضي وقت مع ولادك على ما والدهم يجي والافضل يكون في حاجة مسلية لعب او تلوين صور (الواحة العلمية و الواحة الترفيهية فيها افكار ممتازة للالعاب خصوصا للاطفال الصغار)
*لا تنسي تغيير البامبرز ان كان فيه لزوم

*تناولت الغدا مع اطفالك ولا منتظرة زوجك ؟؟ غدي اطفالك و اغسيلي الاطباق وراهم ومائدة الطعام

*ان كان لك اولاد خارج البيت (فالنادي او المدرسة على حسب )اول ما يرجعوا خليهم يتشطفوا و يتغدوا و فضي شنطهم تأكدي انهم اكلوا سندويتشاتهم

قدمي فاكهة لاطفالك بعد الغدا

نظمي اركان الغرف تخلصي من الورق والكراتين

*لمي القمامة فكيس واحد وخرجيها بره الشقة

*تأكدي من مواعيدك اليومية

*ادعي لزوجك واولادك واكثري من اللهم اجعله لي سكنا واجعلني له سكنا واجعل بيني وبينه مودة ورحمة

*هل ارتاحتي قليلا ليس اكثر من ربع ساعة

*بخري البيت وعطريه قبل عودة ابو العيال

وجهزي عصير الافضل يكون طبيعي

اوعي تستقبليه بالعفريتة بل استقبليه كالضيوف بملابس جذابة وجميلة واتمكيجى واتعطري افتحي نفس الراجل بدل ما يقول قاعدة الشغل احسن باشوف ستات زي اللوز

مري على الريسبشن حتى يكون جاهز لاستقبال اىي ضيف مفاجئ


شيلي اي شئ مرمي على الارض

كيف تستقبلي زوجك؟؟

ان كنتي هتخرجي غدا جهزي ملابسك و اجمعي الاشياء اللى هتخديها معاكي قرب الباب

حددي افطار الغد وجهزي الاكواب و الاطباق الخاصة بذلك

ادهني قدميك قبل ان تنامي وادهني رموشك واظافرك بزيت الخروع

مشطي شعرك وتعطري

دللي نفسك بملابس رقيقة وانثاوية

هناك بعض الاسئلة اليومية تحتاج الى اجابة عليها لتحديد جدولك اليومي
*قدمي عصير لافراد اسرتك

*هل تخلصتي من الشعر الزائد قريبا ؟؟

*هل استمعتي مؤخرا لمحاضرات دينية ؟؟

هل رخامة مطبخك مدججة بكثير من الاشياء وهل انتي بتستخدمي الحاجات اللي عليها ؟؟

*هل قدمتي رضعة اعشاب لطفلك الصغير اليوم؟؟

هل لديك زرع يحتاج للري؟؟

*تعقيم ادوات ابني الصغير متى كان ذلك؟؟

هل اطفالك يحتاجوا لدش سريع؟؟

هل انهى اطفالك واجبهم المدرسي؟؟

هل قمتي مع زوجك وابنائك بدردشة عائلية مفيدة ومرحة؟؟

هل قدمتي لاطفالك حلوى من صنع يديكي

هل مارستي هوايتك او عملتي عمل فني تحبينة عملتي ابداع حلو فبيتك؟؟ تعلمي من الفن والاشغال اليدوية

هل عملتي تدليك لجسمك بليفة طبيعية ؟؟ جربيها مفعولها رائع

هل جربتي مفعول عصير الليمون البارد على قدميك ؟؟ تحفة

هل هناك ما يخجلك ان يراه ضيوفك في احد الغرف ؟؟ هتتخلصي منه امتى؟؟

هل كل شئ ناشف ومرتب فمطبخك؟؟

هل هناك اشياء مرميه على الارض

أولا الموضوع اكثر من رائع كل لما بقرأه لو دقيقتين بيجلى حماس رهيب وبقوم

انظف واشتغل

ودا برضو كان تاثير الموضوع الاول عليا

ولما كنت قرأته من حوالى اربع شهور تقريبا نظمت حياتى كثيرا

أولا عملت نورته يومية لكل اللى ورايا بس الحق مش كل يوم باكتب فيها بس

مكن فى ورقة صغيرة المهم اتعودت الفكرة

اتفقت مع جوزى امسك مصروف البيت وفعلا نظمت كثير وبقيت اجيب اغلب

طلبات البيت بالشهر وذودت اعتمادى على الفريزر فبقا الاكل ميدخش ساعه

وبسرعه اخلص وباليل احط الاطباق فى الغسالة وانظف الطبخ وانام والحوض ذى

الفل باستثناء بعض الايام اللى كنت باكون تعبانه اوى

وفعلا عملت جدول يومى واسبوعى وشهرى ولزقته على التلاجه علشان اشوفه

كل شويه وحتى لو فاتنى حاجه فى يوم اعيدها تانى يوم المهم اكون فاكرة

وفعلا بدأت تبان اثار الترتيب

وعجبتنى فكرة الترتيب

(ذى فاتن بتاع اعلان فيرى لما عجبها فكرة التوفير(
بقيت اعمل جدول لكل حاجه واتغيرت كثير الحمد لله

اللى لسه صعب ان عبد الرحمن ربنا يحفظه شقى جدا يعنى محتاج عناية طول

ما هو صاحى والى يقع من الكنبة او التربيظه او يوقع حاجه عليه او يكسر

باب غسالة الهدوم ذى ما بيحاول او يوقع التفزيون ههههههههههههههههه

وبالتالى طول الوقت قاعده معاه لو دخلت المطبخ وسبته مع باباه يفضل يعيط

لحد ما يرجع ويزرق حتى لو بس دخلتت 5 دقائق

المهم هأقولكم جدولى وان كان عجبنى جدول

وغالبا بأذن الله هاطبعة اومشى عليه

نبدأ باليومى:

طبخ
ترتيب الريسبشن
مسح التراب من الغرف
تهوية وتعطير البيت
غسيل ملابس ابنى
تريتب السراير
وفى الآخر...كتاب اعمال بكرة
تخضير حاجات غدا بكرة

نجى للاسبوعى

مقسماه 5 ايام والباقى يوم عند مامتى والتانى استجمام من شغل البيت

الاحد:تنظيف الحمام والمطبخ
الاتنين: تنظيف الصالة بعمق+تلميع الموبليا
الثلاثاء: غسيل ابيض+غسيل البوتجاز+الشفاط
الابعاء:تنظيف الثلاجاء +الاجهزة الكهربائية+غسيل الوان
الخميس: مكوى+ترتيب الغسيل+ تغير الملايات والفوط(احيانا باغيرهم مرتين فى

الاسبوع)+عمل جدول اكل الاسبوع

الشهرى
تنظيف مراوح
النجف
الابواب
مفاتيح النور
الحوائط
الستائر
تريب دولاب الملابس
ترتيب دولاب المطبخ
الشابيك
تنظيف المكنسة
تنظيف بقع السجاد والانترية(وطبعا فيه خلطات اخدتها من المنتدى تحفة)
كتابة طلبات البيت الشهرية
تنظيم الفريزر

بس كدا دا تقريبا الجدول مش هاقول بيطبق 100%بس بنسبة معقولة تضمن بيت

نظيف ومنظم الحمد لله

وليا رجعه طبعا

pelican

انا ليا سؤال هو العملاق المنظف دا موجود فى مصر هو 409؟

او جف

ثانيا حطيى الروابط اللى قلتى عليها بتاع التنظيف علشان كلنا نستفيد

ماشوفتهمش غير في هايبر ماركت اسمه سبنيس جف موجود منه منتج اسمه سف والعلبة بتاعته ب 10 جنيه اما 409 يحاجة و30 جنيه معرفش ان كان عندك ولا لأ

حددي الرابط اللي عاوزاه او موضوعه وانا فالخدمة:icon28: