شكرا للجميع على التفاعل ...... وأنا عن نفسي أحاول أمشي قبل الفطور ولكن مو في الأسبوع الأول ... لأني من النوع الي يعاني من الصداع بسبب ترك القهوة .. وأحس انه انسب وقت مثل ماقالوا الأخوات الساعة 2 ليلا ...... وهل المشي قبل الفطور يخفض السكر في الدم .. ؟؟

اليوم وانا بموعدي عند اخصائيه التغذيه قالت حاولي يكون موعد مشيك ثابت

يعني لو تمشين الساعه 9 حاولي يكون قريب من هالوقت لان الوقت يساعد


معلومه جديده عندكم فكره عنها؟

كل عام وانتم بخير....
رمضان اللي فات كنت امشي قبل موعد الفطور بساعتين واحياناً بساعه ونصف
المهم كنت اتوقف عن المشي قبل الاذان بنصف ساعه على شان استحم وبعدها افطر
وكنت امشي على السير الكهربائي واول كم يوم مشي كنت بدوخ بس بعدها تعودت
ونزل وزني ولين الحين الحمد لله مازاااااااااد

بنــــــــــــــــــــــــات حــــــــــــــواء


يارب تضعفون واللي يبغي يمتن يارب يمتن...وانتم بصحه وعافيه


ادعولي الله ييسرلي وامشي في رمضان الاراده عندي صفر

وتصبحون على خير *_*

Day after Day
بصراحه شجعتيني أنا ودي أنزل بعون الله قبل العيد خمس كيلو بس .... والله يقدرني
بس حبيت اسألك كم السرعه ؟ وكم مدة المشي ؟

كنت امشي من نصف ساعه الى ساعه والسرعه كانت من4.0الى 5.0
بس نصيحه لوجه الله تدرجي في المشي والسرعه لان اول الايام صعبه
ولاتضغطين على نفسج وحاولي تستفيدي من وقت المشي
مثلاً لم اكون لوحدي في الغرفه اللي فيها السير الكهربائي وانا امشي اذكر الله واستغفر واسبح وصدقني بتحسين بطاقه واذا حد معاى التلفزيون لازم يشغلونه ولا مسلسل او حديث بهذي الطريقه ما بتملين بس انا افضل اكون وحدي كان الوقت يمر بسرعه احسن من التلفزيون كنت احس بتعب من يشتغل المهم سوي اللي يريحج
بس انا سويت هذا الشي في اخر اسبوعين من رمضان كنت افطر بثلاث اوتمرتين وكاس ماءوكوب كبير شاى اخضر وبعد الصلاة المغرب كنت اكل سلاطه مع دجاج او لحم
وعصير كيوي مع انناس
واخر الليل حليب وشابوره او سليس اسمر
تعذيب صح كملت تقريباً ست ايام على هذا الحال بس اصفريت ووتعبت
فزت من كميت اكلي بس بشي معقول وماطافاً الاسبوعين الا انا نازله 7 كيلو
بس شي اساسي قبل ماتاكلين اشربي شاي اخضر واشربي ماء على قد ماتقدرين
ولو كنت بتلخبطين وايد لاتحسسين نفسج بذنب حاولي تستمتعين وتمضغين على راحتج
بهذي الطريقه صدقني مابتكلين وايد
ولاتخبرين حد انج تمشين والخمس كيلو ان شاء الله بتخسرينهن في رمضان