كاتي كلام سليم بس ما اقدر امدح اخاف يجي يوم يسونى لي مشكله ويقولي انتى اكيد غلطانه يامى مدحتيهم عندي لانهم بصراحه مالهم امان وش السوات؟
الباقي تمام التمام ما شاء الله عليكي

سوي خيرلهم و لاتنتظرين مقابل وغير كذا خليك فحاالك من كثر لغطه كثر خطأه

حبيباتي اهل زوجي هم اهلي احبهم ويحبوني ولا يرضون علي واذا فيه مشكله بيني وبين زوجي وقفو معاي ضده لدرجة اني في يوم حصلت بيني وبينه مشكله كبيره ورحت لاهلي ويوم عرفو بلمشكله جا ابوه وامه لبيت اهلي واخذوني انا وبنتي الصغيره وقالولي ماراح ترجعين بيتك لين ناخذلك حقك منه والله مااكذب عليكم يابنات هذا اللي صار معي وتبغوني مااحبهم واحترمهم واخواته زي اخواتي مانجامل بعض ابد واخوه الصغير اذا درى ان زوجي في العمل لان دوام زوجي شفت يعني كل اسبوع يتغير يجيب لي اكل ويحرص انه يجيب اللي احبه
اذا رحت عندهم اساعدهم وما اسوي شي الا واعطيهم وماابيهم يزعلون مني ابد
وانا ضد الوحده اللي تتجاهل اهل زوجها وماتعلمهم بشي وتتجنبهم خلي لسانك معاهم حلو وحبيهم بيصيرون زيك ويحبونك
وزوجي اخلاقه زينه وكله الا زعل امه وابوه انا يزعل مني يقعد ايام زعلان لين اروح انا واراضيه لاكن امه وابوه اذا زعلهم مايخذ دقيقيه الا ويروح يسلم علا يدينهم وروسهم وانا ماقد قلتله ليش وايش معنى انا ماتسوي معي كذا
الا انا ازعل انه زعلهم وهولي اهله جنته وناره
ادري اني طولت بس لاتحسدونا على المحبه قولو ماشاء الله
وربي راح يخليلكم من ذريتكم من يطيعكم صفو نيتكم وخلو قلوبكم بيضاااااااااااااااااااااااء
مايدري الانسان في اي ارض يموت000000

شوفي حبيبتي عشان تأمنين شرهم ويحبونك
العلاقة رسمييييييييييييييييييييه يعني زيارة عصريه او مغربيه وكفاها الله ليش الجلوس للغدا او العشا ماااااحب هالطبع
مو كل عزيمة تلبينها وطيران لهم لا خلك ثقيلة
خالتك وهذا المهم اكسبيها اعزميها لوحدها في بيتك لانك اذا ضمنتي الخالة ضمنتي العائلة كلهم واهديها بين فترة ةفترة
وبس

حبيبتى
اول شىء مخافة الله فيهم
يعنى
لا تحشين فيهم عند احد ولو غلطانين
ما ابغى اقولك خالتك اعتبريها مثل امك لانه مافيه مثل الام لكن الشخص الكبير له احترامه مهما كان وهذى اول وتالى ام زوجك وجده اولا دك يعنى
واذا عندك مرت اخو شوفى انت كيف تحبين انها تعامل امك
اكيد انك تحبين انها تقدرها وتحترمها
كيف تحبين انها تعاملك
بكذا عاملى خواته
طبقى كل شىء على نفسك اللى ترضيه على نفسك ارضيه عليهم
وبعدين
اذا رحتى لهم مدى يدك معاهم وخالتك اذا شفتيها تسوى شىء عنك ياخاله ارتاحى انا اسويه ولو مجامله
والله انك تكبرين فى نظرها بين فترة وفترة هديه لها ولو بسيطه
خواته كونى لهم اخت
ومو كل شىء يحصل بينكم على طول عند زوجك فى شىء ينقال وفيه شىء ما ينقال
اذا انت بعيده عنهم بين فترة وفترة دقى عليهم واطمنى على اخبارهم لا تقطعينهم
وتقولين كفايه ولدهم يكلمهم لا
اذا رحتى لهم خليك بشوشه مبتسمه
مو نافخه براطمك كانك جايه غصبا عنك لا سمحى نفسك وخليك بشوشه ودوده

صدقينى بعد هذا كله راح يحبونك ويحترمونك حتى لو فى البدايه ما يتقبلونك مصيرهم يرجعون
واذا كانوا حقين مشاكل وهواش ادعى الله كل يوم يسخرهم لك

واهم شىء


يكون فى بالك دائما

انك اليوم مرة ولدهم بكرة انت يصير عندك زوجات اولا د وشوفى ايش ترجين منهم