حبيبتي تالا ربي يسعدك يالغالية على هالدعوات الطيبة و أسأل الله العظيم رب العرش العظيم لك مثله و زيادة أضعافا مضاعفة آمين

بالنسبة للمعجنات ما عمري جربت افرزنها و عموما نادر ما اعملها لكن انصحك تشوفي هنا في مواضيع مميزة لتفريز المعجنات

بالنسبة لي جربت تفريز ورق العنب محشي و جاهز يطلع روعة تصفية بالقدر و تزيدي عليه مرق الدجاج و اطبخيه روعة لكن جربت تفريز محشي الكوسا و الملفوف طلع فاشل


جربت اعمل حمسة المكرونة البيضا الي بالكريمة طلعت روعة طريقتها تحمسي بصله صغيره ناعم مع فصين ثوم مع قطع صدور دجاج (لازم صدور عشان ما يطلع دسم ) ضيفي عليه شرايح مشروم طازج او معلب بس الطازج احلى ثم ضيفي فلفل اسود صويا سوس و شوي مرق حوالي نص كوب برديه و على الفريزر ....لو احتجتيه طلعيه من الليل يفك في الثلاجة ثم ارفعيه على النار و ضيفي له الكريما و خليه يطبخ شوي و اخلطيه مع المكرونة المسلوقة



رولات التوست جربتها مجمدة روعة تطلع


الكنافة مستوية بالكااامل بس بدون القطر ارفعيها في الفريزر لو احتجتيها طلعيها تفك في الثلاجة دخليها الفرن تسخن على نار خفيفة و اسقيها بالقطر البارد ...او خليها باردة بدون تسخين و اسقيها بالقطر الساخن


انواع الخبز و الصمون و المعجنات الجاهزة ارفعها بالفريزر تطلع كأنك لسه عاملتها



اهم شي طلعيها تفك براحتها

ماشاء الله عليك تبارك الرحمن 
جزاك الله خير ولك دعوات بالغيب ياقلبي 
ورق العنب اذا فرزنته اخليه يفك بره الثلاجه واصفه بالقدر والا وهو مجمد احطه بالقدر وعليه المرقه ؟؟
الكوسه محشي حتى انا جربتها مفرزنه ماعجبتني 
لكن الكوسه والباذنجان اقليهم بالزيت شرايح وافرزتهم للمقلوبه روووعه 

يعتمد ذلك على احتياجاتكم عزيزتي وطبيعة معيشتكم امسكي ورقة وقلم وادخلي غرفة غرفة وشوفي وش كنتوا تستخدمون سابقا وألغي اللي ماله أهمية ، مثلا أنا أحب الأكلات الصحية فالنواشف هذي والأجبان والقشطة والزيوت نادر أستهلكها ، معتمدة على الخضار والفواكه والحبوب واللحوم ، الزيت فقط زيت زيتون نادك ، وبطلت أقلي ( ممكن تشترين جهاز فليبس بديل ممتاز للقلي ) .. وأحيانا تشويح فقط لبعض الأشياء ..

الدجاج برضو ما آكله فمانستخدم إلا ربع دجاجة لزوجي يعني تخيلي اسبوع كامل دجاجه وحده فقط لأن أحيانا يصير معزوم ويتغدى برا ..


مثلا المنظفات على كثرها عندي نادر أستخدمها فقط الصابون لأن بعض المنظفات رائحتها ما استحملها ومن باب الصحة برضو ..

الملابس دائما تكون أقرب للنظيفة عند غسلها فما أستخدم صابون كثير ملعقة فقط لإزالة الروائح وللحفاظ على الأقمشة مادام مافيها بقع قوية والله كرتون إريل يجلس شهور ماخلص ..

ملابس زوجي طبعا. عند الغسال ..

الحمام أغسله بصابون والبقع الصعبة رشاش كلوركس 409 لكن ريحته قوية جدا

الصنابير وتلميع الأشياء المعدنية والفرن بخاخ جيف
وممكن استخدام بخاخ الزجاج يفي بالغرض جدا

عموما أول شهر بتكون متطلباته أكثر وبمرور الوقت تقل لإن أغراض الشهر الفايت لسا ما خلصت


واقتراحي لك لا تشترين الا شي رئيسي جدا جدا في البداية ولما تحتاجين شي فيما بعد سجلين في ورقة للشهر المقبل حتى تتكون لديك قائمة مرتبة وممنهجة وعلى فكرة لا تنسين الفواتير ..