الشباب والرومانسيه ..((لاحد يفوته الموضوع خطير مره))

ياربيييه مقطعتهم الرومانسيه تقطيع >>>> ما يمديكم

ويبدا المشوار .........



@ الواحد أول ما يخطب .. أو يملك @

ما يسمعها الا هذي الكلمات وأحلى ..

" الو هلا حبيبة قلبي .. اشتقت لك حيل "

" ما عمري شفت احلى منك .. لا مو مصدق عيوني .. .. شعرك .. وابتسامتك ..................... "

" يا بعد حيي الله لا يحرمني منك "

" عمري وش رايك كذا ............. ولا كذا ............... "

" اللي يريحك .. اهم شي راحتك عيوني "

" يوووووو مو مصدق متى يجمعنا بيت واحد "

" ياعمري سولفي .. تكلمي ابي اسمع صوتك "

انواع رسايل الغرام .. والهدايا .. مره ورد .. مره ساعة .. مره عطر .. مره جوال ،،

ما يعرف ينام قبل لا يسمع صوتها ،،

يحب يشاورها بكل شيء ،،


البنت تعيش بعالم من الاحلام الورديه ..




@ بشهر العسل .. والشهر اللي بعده أو الثلاث شهور اللي بعده بالكثير @

انواع الدلع والرومانسيه ..

" آمري تدللي " .." اطلبي اللي تبين " .. والبنت تستحي وما تطلب شيء .. ،،

اذا تعبت بس شوي .. " بسم الله عليك ياقلبي ارتاحي لا تتحركين .." يجيب لها الاكل لينما السرير ،،


البنت لازالت عايشه بالحلم الوردي ،،




@ بعدين ........................... @

اذا جلست تسولف له .. ما يسمع لها ،،

اذا قالت تعبانه ما اقدر اطبخ ولا ما اقدر اروح لعزيمة اهلك ولا ........ ولا .......... قالها " يلا قومي بلا دلع " ،،

البنت تعيش بحالة

وش صار له؟؟!!

تتزين له وتلبس احلى شيء وتتعطر ..... ولا يعلق !!


تحاول تطلف الجو .. تجيب باقة ورد احمر .. وتشتري له عطر وتغلفه بالورود وتكتب احلى الكلمات وارقها ،،

هو " وش المناسبه؟ " .. هي " انك اغلى شيء بحياتي " ,, يبتسم ويآخذ الهديه ويشكرها ،،




@ مرت سنه على زواجهم .. تبي هذا اليوم يكون رومنسي .. وتستعد بكل شيء @

يدق عليها : " بتعشى مع الشباب ويمكن اتأخر "

تحاول تلمح له وشو اليوم ..

طبعاً هو مو يم سالفه .. تحلم انه يفهم ؟؟

تتحطم .. وتقولها صريحه .. يرد عليها بكل برود وبشبه ضحكه :"هه كبرنا على هذي الحركات "

تسكت بحزن .. وتجلس تنتظره لينما يرجع ..

اذا دخل البيت


"هلا حبيبي .. تتذكر يوم كنت توكلني بالمطعم .. يوم كنت تمسك يدي كل ما ركبت معاك السياره ...

يوم ويوم ويوم "
>>>> تحاول تحننه لهذيك الايام ،،

وهو يرد بكل برود : " خلاص كبرنا " .. وينام ،،

تعصب منه ومن بروده (( <<< ودها وهو نايم )) وترمي بالزباله (( الله يكرمكم )) الهديه والشموع واللبس .. كل شيء جهزته له ،،

البنت صحت من الحلم الوردي ،،

<<<< معد فيه عصافير بالموضوع

أسمع أغلب المتزوجات

دايماً يشكون :" يذبحني مهما تزينت له وتعطرت ما عمره علق "

" من بعد ما تزوجنا ما اتذكر انه تذكرني بهديه .. ما ابي شيء لو ورده بس احس باهتمامه "

" اذا رحنا لمطعم اول يوكلني .. الحين يآكل من صحني "



ابي اعرف الرومانسيه وهذيك الايام وين راحت .. !!!

هل كانت كذا مو من قلب؟؟ ولا طفش وما تحمل يكون رقيق؟؟

ولا الحين يكابر ؟؟

ولا الحب يموت؟؟

ولا الزواج عشره وتحمل مسؤليه وما فيه شيء اسمه حب ؟؟

ولا وش السالفه؟؟


عاد الحين اللي يقرا الموضوع مو يجلس 24 ساعه يقول حبيبتي <<< مصدقه أحد بيتأثر

خير الامور الوسط .. يعني فيه اوقات لازم يبين الزوج حبه واهتمامه ،،



هامش :

* مممممممممم

كتبت الموضوع وانا مره مستحيه .. ومغطيه وجهي ..

واذا معد رجعت لا تستغربون ،،

حسيت ان الموضوع مهم .. أغلب المتزوجات يشتكون من نفس المشكله .. طبعاً هم ما عندهم وقت يدخلون منتديات

فجت مسؤلية طرح الموضوع على راسي خخخخخخخ ،،