الشعر الطويل 😻😻😻😻💔

والله بعاني من نفس المشكلة
صار متل الحلم اللي مستحيل يتحقق
وخلص استسلمت للأمر الواقع وبطلت جرب شي

اه ياقلبي الله يحققه لنا بإذن الله 👍💔😢

معليش كتبت الموضوع هنا بالغلط 😢💔

اختي استمريتي طيب ع الزيوت ؟؟؟عندك افضل شي الحناء وزيت جوز الهند

حنيه كل أسبوعين مرة يعني خميس حنيه وخميس لا وخلي الحناء على راسك فترة أقل شي أربع ساعات أو خمس ساعات وإذا جيتي تغسلين شعرك عن الحناء أغسليه بالماء فقط حاولي تنظفينه كويس بالماء عن الحناء ثم خلي المنشفة على راسك ونشفي شعرك فيها ثم خليها ملفوفة على راسك ربع ساعة تقريبا ثم وخري المنشفة وخلي شعرك ينشف بس بمكان دافي وتجنبي تيارات الهواء والمكان البارد يكسر الشعر وبعدين مشطي شعرك وأنت تمشطينه على خفيف خفيف أحذري تشدين الشعر بقوة تكسرينه فككي الإشتباك بين الشعر شوي شوي وإذا جف شعرك تماما حطي عليه أي زيت شعر إذا شعرك خشن أستخدمي زيت السمسم الطبيعي مثلا وحاولي يكون طبيعي وتجنبي الزيوت المغشوشة أو أي زيت شعر طبيعي وحاولي يكون أصلي لأن فيه زيوت مغشوشة مو طبيعية إذا شعرك قليل أستخدمي زيت الخروع سمعت إنه يكثره إذا حطيتي زيت الخروع ماتوقع تقدرين تمشطينه لأنه يخليه متلبد (فقط بالفترة إلي يكون فيها الزيت على الشعر) إذا الزيت غير زيت الخروع مشطي شعرك وجمعيه مع بعض واربطيه فوووق أو حطيه كله ورى واجدليه أو افرقيه اثنين وحطي جديلتين خلي الزيت على شعرك فترة عالأقل ساعة وإذا تبينه يوم كامل عادي
(بس أنتبهي من الزيوت إلي تمنع وصول الماء عشان وأنت توضين أنا ماعرفها بس أنت أسألي العلماء)
الزيت يكون بعد الحناء ضروري جدا لأن الحناء يجفف الشعر شوي مرات والزيت يخلي الشعر مايتكسر بعد الحناء
صح أنا قلت لك خميس حنيه وخميس لا؟ بالخميس إلي ماتحنينه فيه حطي عليه زيت بنفس الطريقة إلي قلت لك فوق لو مرات كنتي مشغولة مو لازم
وترى فيه بعض الزيتوت أول ماتستخدمينها تساقط الشعر بعدين ينبت من جديد بس مو كله يتساقط المهم يكون فيه تساقط
شي ثاني بالأيام العادية إلي ماعندك فيها مناسبات أرفعي شعرك فوق وأربطيه لاتخلينه مفكوك او اجدليه الجديلة تطول الشعر بس انتبهي تشدين الشعر بقوووووووة يسبب صلع
وكل شهرين قصي من أطراف شعرك الأطراف فقط مو تقصين شي كبييير قصي القليل من الأطراف
والإستشوار إذا مافيه مناسبة خلي شعرك يجف بنفسه من خلال تنشيفه بالمنشفة وأحذري تجلسين على المكيف وشعرك ماجف تماما إذا عندك مناسبة وجمعة ناس أستشوري عادي وبالشتاء ممكن تستشورين كل بعد غسل لشعرك
أي بعد نسيت أقولك لاتغسلين شعرك الا مرتين بالأسبوع فقط خلي يوم إلي هو يوم الخميس مثلا إلي يكون بعد الحناء والزيت (طبعا الزيت إلي تحطينه بعد الحناء أغسليه بشامبو عادي)
ويوم أختاريه أنت لكن كثرة غسل الشعر تكسره وتخربه
أغسلي جسمك عادي بس شعرك أرفعيه فوووق لايجيه ماء ولاتغسلينه الا مرتين بالأسبوع فقط الا إذا كان دهني إذا حسيتي شعرك طلع دهن من نفسه اغسليه
هذا إلي أتذكره حاليا إذا ذكرت شي جيت وكتبت
أيه شعرك لاتخلينه اربع وعشرين ساعة مفكوك اذا تبينه يطول عليك بالربط اربطيه ورى فوووق او اجدليه أو أربطيه فووق مرة وبعدين لفيه
وياسلام لو جت مناسبة وفكيته تحسينه منتعش بس لامانع من إنك تكفينه بعض المرات وأيضا لامانع تفكينه أثناء النوم أنا ماحب شعري يكون مربوط وقت النوم وإنت حرة بس إذا شعرك طال بتضطرين عالاقل تجدلينه لأنه بيضايقك بالنوم بتخافين يلف على رقبتك ويخنقك ههههههه
أي وبعد مو دايم تحطين على راسك طرحة او شي يمنع وصول الهواء له خليه يتنفس