الشكوى لغير الله مذله .. لكـــن لابد مــــن طلب المشوره

السلام عليكم ورحمة الله وبركاته ..
كيفكم خواتي عساكم بخير في هذه العشر المباركه ..
ما أطول عليكم ..
لكـــن كما هو في العنوااان ،، أنا هنا ما أشتكي لكن أطلب المشوره كيف أتصرف مع,,,,, زوجي العــــزيز الله يهديه ويصلح بالله ويسخـــره


زوجي أنسان طيب ومومقصر علي بأي شي من أغراض المنزل .. ولا على بناته
وكريم جدا مع أهله وأخوته ،، وهذا شيئ جميل

لكــن المشكله ربما تشوفونها بسيطه لكــن أني عجزت أفهمه ،، زوجي بسراحه غير مبالي بمسألة الجو الأسري بيني وبينه ، يعني مافيه لمه على السفره ، مافيه بيننا عشاء في مطعم أو سهره حلوه تجمعنا ..
والله يبنات لي ثلاث سنين ماقد أستمرينا على روتين أسري معيا
يعني بأختصار زوجي أغلب الوقت برا البيت ،، أو عند أهله بالدور اللي تحت ..
وسبق وشرحت الوضع معه وقال انه هو عاجبه كذا .. وبالغصب أنا أسوي معه جو أسري وأحاول بشتى الطرق أجذبه للبيت ،،
وهذه السنه تركت العيد عند أهلي من أجله حتى أهله سافروا وماباقي غير أنا معه في العماره وتوقعت أني راح أعيش الأجواء اللي أبيها وتجمعنا سفره وحده و راح ير حمني لاني وحيده بالبيت وراح يطلعني ولكن لاحيات لمن تنادي

المهم أنا دائما ما أقصر معه حتى حافز لو بغى يأخذ ،، وهالمره سافر للعمره واخذ البطاقه وسحب الرصيد ماعدا 400 ريال
ولما أستلم الراتب قلت خليني أطلب منه عيديه والمح له أني طفشانه ودي أتسحر برا أنا وهو
وياليتني لم أطلب شيء

ياليتني سكتت ،، زعل وطلع برا البيت وصار له فتره نايم برا مع أني وحيده لحالي بالعماره

والله بيني وبينكم أنا زعلت على فعلته هذي رغم أني حريصه على أني ما أغضبه حتى مايغضب ربي علي

وكل يوم يدق علي قبل المغرب يسأل عن الفطور ويجي البيت بس عشان يأخذه ويفطر عند أخوه وعيال عمه

بيني وبينكم إلى الأن أستناه يتراجع عن موقفه هذا ويجي يراضيني بهديه أو عيديه

أو أذا مايبي يراضي يجيني يسأل عن أحوالي ووش محتاجين البنات للعيد ولله إلى الأن لاسأل ولا يبي يسأل

بس يتصل يسأل الفطور جاهز ويرجع البيت يأخذه وماعاد أشوف وجهه غير اليوم الثاني

هل أنا أخطأت خطأ يستحق كل هذا الهجر