صبـــــــــاح / ومســــــــاء الخير
شخباركم ان شاء الله طيبين
جبت لكم اليوم شيش برك يدووخ طعمه لذيذ خاصه لليحب الاكل الحامض
في يوم من الايام اشتهيته وقررت اسويه واصوره لكم <<<<< ياليت اقدر اصور الطعم:32:
في البدايه نسوي الحشو
سوي اي حشوه تعجبك ومعتمدتها لحم او دجاج
انا سويت دجاج شوحت بصل وفلفل بعدين حطيت دجاج مفروم مع ثوم مفروم
وتشكيله بهارات وكاري وببريكا وكركم علشان اللون وملحتهم وفنجال قهوه مويه
وخليتهم لين نشف واستوى
بعدين نسوي العجينه سهله
عباره عن طحين وشوي ملح وماء وتعجن لحد ما تصير عجينه متماسكه وما تلزق في اليد
علشان اقدر افردها واقطعها طبعا الكميه على حسب حاجتك
انا اسوى كميه كبيره وبعد ما احشيها اخذ الكميه الي بطبخها والباقي اجمده لوقت الحاجه
وهنا صور العجين وخطوات الحشو
انا اسوي حجم صغير يطلع احلى
وبعدين اسوي الخلطه الي راح اطبخ الشيش برك فيها
وهي 4 علب زبادي 2 ملعقه نشاء و 2 علبه زبادي ماء ومكعب ماجي
اخلطهم مع بعض واحطهم على النار ولازم استمر في التحريك الى ان يغلي علشان
ما يتكتل ويخرب بعدها اسقط الشيش برك حبه حبه واحرك حتى ما يتلزق على بعض
واقيس بالنظر الكميه الي احطها لان اذا استوى راح يتضاعف حجمه فما اكثر
واخليه على نار هاديه تقريبا نص او ثلث ساعه واحرك بين كل 5 دقايق واذا شفت السائل بدا ينشف
ازيد ماء اهم شي ما اخليه ينشف لازم يكون فيه كميه تكفي تغطيه
واخليكم مع الصور
هذا شكل الصوص اول ما حطيته على النار
بعد ما غلى سقطت الشيش وزي ما شفتو ما اكثر
هذا شكله قبل لا يستوي
وهنا حجمه بعد ما استوى
وبعد ما يستوي ويكبر حجمه ويصير الصوص سميك
احمي زيت تقريبا ملعقتين زيت زيتون واقلي فيه ثوم مدقوق مع ملعقه كزبره ناشفه
وبعد ما يتحمر احطه فوق الشيش برك
معلش نسيت اصور هذي الخطوه:22:
وهذا الشكل النهائي
وصحتين
ولا تنسون تدعون لي و لأهلي و لزوجي بالجنه والصحه والعافيه والذريه الصالحه