كيفكم ياحوائيات مع الكرف برمضان اليوم حبيت اسوي الشيش برك بس كميه قليله تكفي
شخصين الى اربع اشخاص لان غالبيه المواضيع تكون كميات كبيره فقلت بجرب اسوي
كميه تكفي عائلتي الصغيره واصورها لعيون عالم حواء خليكم معاي الشرح مدعم بالصور
اول شيء العجينه مقاديرها
كاس طحين
نص بيالة زيت
رشة ملح
ماء للعجن
هذي صورة العجينه
نتركها ترتاح على بال مانجهز الحشوه
وهي عباره عن بصله صغيره
3 فصوص ثوم
ربع مفرومه
والبهار ملح وفلفل وكمون
نسوي الحمسه العاديه ونبهرها وتكون جاهزه هنا
نجيب الشوبك عشان نرق العجين
وشوية طحين عشن العجينه ماتلزق لما نفردها
وكاس عشان نقطع دوائر او اللي عنده قطاعات تستخدمها
نفرد العجين بالصينيه
بعدها نبدء بتقطيع الى دوائر
وهنا بعد ماخلصنا من العجينه كامله وصارت جاهزه للحشو
نضع الحشوه بالمنتصف
نقفلها بحيث تصبح نصف دائره
وهنا خلصنا كامل الكميه
ندخلها الفرن شوي الين تحمر من تحت ممكن الاستغناء عن هذه الخطوه
بهذي الاثناء نجهز اللبن بمقلاة عميقه او قدر صغيره نجهز ثوم مقطع وكزبره وزيت زيتون ونحمسهم الين يحمر الثوم
نخلط كاس ونص لبن ونص كاس ماء وملعقة نشاء ونصبهم فوق حمسة الثوم
نتركهم على النار نضيف الفلفل والملح
ثم الكمون
وهذي حبات الشيش برك بعد ماتحمرت من تحت
نسقطها بالبن
نتركها على نار هاديه مدة 10 دقايق
ونقدمها بعد كذا
وبالعافيه على قلوبكم
دعواتكم بالشفاء لي ولولدي وبتيسير الامور