كيفكم بنات
حياكم الله على هالطريقة السهلة والحلوة لعمل تسالي للضيوف مع الشاي او مملحات
شوفو الصورة بتعرفون قد ايش روعة وسهلة بعد
شفتو الحين نبي نتكلم عن الطريقة الطريقة بعد سهلة وتملكين فيها خيرات متعددة حسب المتوفر او حسب النكهة الي ترغبين
نحتاج جبن كمكون اساسي ونوع الجبن يرجع لرغبتك ممكن تخلطين نوعين من الجبن او اكثر جبنة فيتا ورومي ولبنة او زبادي او كيري والبقرات الثلاث كل ما نوعتي تحصلين عل نكهات اكثر
يخلط معة نكهات مختلفة ممكن اعشاب عطرية مثل الشبث والبقدونس
او بهارات ايطالية اورجينو وروز مارى
او زعتر
او سماق وممكن خلطة بالمكسرات كالجوز واللوز
والفستق او حبة سوداء للي يحبونها مثلي
وممكن تضيفين قطرات من شطة التباسكو اذا بغيتيها حراقة
او قلييل من الكتشب او المايونيز
او الخردل
وانتي وشطارتك في مزج النكهات......(( مو منهامن كثر ما شفات وعادت في راتاتوي.....))):):)
هالحين حضرتي خليط الجبن اعمليه على شكل كور بحجم صفار البيض
وحسب نكهتة غلفي الكور ة بالتغليف المناسب اما سماق او بقدونس لو لوز او ...الخ..الخ مع مراعة تنويع الألوان اصفر اخضر احمر وهكذا ...
و صفيها في صحن التقديم (( ممكن تحطين كذا نوع من كور الجبن))مع صفوف من الخيار او البطاطس شبس او ترودوس او بيوقلز
او بسكويت مملح اوبنكهة الخضار
مع سكين تساعد على دهن القطع بمزيج الجبن
وصدقوني هي سهلة وفكرة جديدة وبعد انيقة وتواجه والي يحبون الحركتات بيستانسون على هاالطريقة
حلوة لجمعات الصديقات والجلسات الرومنسية
مشكوره ياالغاليه راح اسويها لما اعزم صديقاتي