السلام عليكم ورحمه الله وبركاته
كيفكم يابنات
اعرفكم على نفسي اولا انا بنت الاشراف كنت متابعه لمنتداكم من فتره طويله من 6 الى 7 شهوروتصفحت كثير وقرأت للكثير واستفدت من البعض وتعجبت من البعض وجربت للبعض
فقررت من فتره اسجل واشارككم واليوم حبيت اعرض عليكم تجربتي وهذا الموضوع يعتبر اول موضوع لي بهذا المنتدى الغالي
نبدأ بسم الله:)
اولا انا اكبر اخواتي احنا ماشاء الله 7 بنات وكلنا ورا بعض بيننا من سنه الى سنتين
تزوجوا خواتي اللي اصغر مني كلهم ماباقي غيري !
وهذا الشي سبب لي نوعا ما من الحرج والحزن الشديييييييييييييد:44:
بعدين انتبهت للمشكله اللي عندي ماكان لي اي اهتمام بنفسسسي ابدا ابدا
كنت بدينه وزني كان ثمانين تقريبا وطولي تقريبا 157 واكيد بالنسبه لطولي كنت بدينه جدا:icon33:
بشرتي بيضاء لكن كان عندي حب شباب واثاره من سنوات حتى سوت علامات بوجهي
كذلك بعض التصبغات خاصه بالمنطقه حول الانف والذقن والرووس السوداء بوجهي كانت مشوهتني كثير
شعري حلو بس مشكله خفيف ولونه باهت ومافيه اي حيويه
جسمي طبعا مره مافيه عنايه ظهري كله حبوب وفيه اماكن غامقه عن اماكن
وكانت نفسيتي تحطيم وطبعا النفسيه زودت شكلي بؤس
وكنت اشوف خواتي كله اهتمام وعنايه وحلاوه وانا محلك سر بس متحطمه ومتشائمه
طولت عليكم بس لي سبب بذكره لكم بنهايه الموضوع
وانا اتصفح المنتديات واشوف صور ملكات الجمال والممثلات والازياء وووو قررت اني اهتم بنفسي
اول حاجه فكرت فيهاااا اني انزل وزني وطبعا كان صعب علي اي نوع من انواع الريجيمات
بحكم انه في بيتنا دائمااكلنا من المطاعم ومدمنين جلسات وحلويات ومعجنات وشاي
فما قدرت اسوي ريجيم ابد :mad:
لكن توصلت لطريقه نزلت وزني بشكل سريع وهي
اعتمدت اعتماد كلي على السوائل مويا عصير شاي قهوه
واشرب منها طول اليوم فاللي صار لما يجيبون الاكل او الحلا او لما نجلس جلسه فيها اكل مااكل كثير
لان بطني مليان مويا فالنتيجه نحفت مررررررررررررره وفوق ماتتصورون في خلال اسبوعين خسرت اكثر من عشره كيلوا
بدون مااحس ابدا بالجوع او الحرمان ولله الحمد والحين تعودت على هذا النظام بدون لاريجيم ولا تعب ولا حرمان
ووزني ولله الحمد في نزول غير كذا تحسنت مناعتي وبشرتي وجسمي لاني اشرب كميات كبيره من المويا
بالنسبه لوجهي اول شئ سويت لي اسكينول بيدي وهو عباره عن قشور الليمون مع قشور البريقال (( القشور فقط ))
وحطيتها بمويا وغليتها لمده عشر دقايق بس بعدين تركتها لين تبرد وحطيتها بعلبه اسكينول واضفت لها تقريبا ملعقه
شاي صغيره مره مطحونه فصرت كل يوم انظف فيه وجهي مره بالصباح ومره قبل النوم وهذي صورته
http://forum.hawaaworld.com/<img title='' alt='khkh' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/313bab41c521dd68fa9c1857684e178c.jpeg'/>
وطبعا تعرفون فوائد المره لحب الشباب واثاره في فتره وجيزه حسيت الحبوب خفت واثارها
وارطب وجهي بكريم بانثينول مره رائع ترطيب وتصفيه للوجه
هذي صورته
http://forum.hawaaworld.com/<img title='' alt='kry' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/4016b967576d1315e73ad00a97ec1651.jpeg'/>
والصابونه استخدمت صابونة ديتول راائعه للبشره الدهنيه
الجسسم سويت خلطه بصراحه يابنات مجنونه كوبين زيت زيتون اصلي مع كوب عصير ليمون ونص كوب ملح خشن اطحنيه ناعم
حطيهم بعلبه مويا صحه ورجيهم زييييييييييييييييين وخلي العلبه بغرفتك وهذي الصوره انا حطيتهم بعلبة فاضية حقت غسول للجسم
http://forum.hawaaworld.com/<img title='' alt='khkhkhkhh' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/b9a1e95cfd8d0b8eba13321a7ef789e9.jpeg'/>
كل يوم قبل النوم دهني جسمك كلللللللللللله
والبسي بجامتك ولو تخصصين لك بجامه خاصه للنوم احسن نامممممي ولما تصحين جيبي ليمونه وحطي عليها سكر خشن وافركي فيها جسسمك
كله وركزي على الاماكن الغامقه وبعدين اغسلي جسسمك بالليفه وصابونه طبيعي زي البابايا او الغار
انا استخدمت البابايا 5*1 واحيانا استخدمت ديتول وركزي على الاماكن الغامقه وبعدين نشفي جسمك كله زيييييين ورطبيه بزيت جنين القمح
او فازلين لتوحيد لون البشره
واللي تعاني من الخطوط البيضاء ترطب جسمها بفازلين كريم ريينيوول البنفسجي من فازلين
انا اضمن لك هذي الطريقه تفتح جسمك في اسبوعين الى ثلاث اسابيع وبتلاحظين ان جسمك نظيف حيييل وناعم
والاماكن الغامقه زي الركب والاكواع والمنطقه الحساسه راح يتغير لونها مع الوقت
بالنسبه لشعري استخدمت فاشكول بالثوم وخطلت زيت خروع وزيت لوز مر وزيت زيتون بكميات متساويه ووضعتهم بعلبه وهذي الصوره
http://forum.hawaaworld.com/<img title='' alt='khkhkhkh' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/9f3d891c5b795131e8162eecbee2a4b4.jpeg'/>
فصرت اسوي بالاسبوع مرتين حمام زيت لشعري وطريقته
اخذ ملعقه كبيره من الفاشكول واضيف له ملعقه من الزيت اخلطها مع بعض وادهن شعري كله
والفه بفوطه واتركه ساعتين او ثلاث ساعات قبل الاستحمام وبعدين غسليه باي شامبوا تحبينه واذا سرحته استخدمت كريم برشوت واحيانا فاتيكا
ولاحظت ان شعري مع الوقت ولله الحمد صار كثيف وزاد طوله شوي وطبعا الزيوت تسوي لمعه للشعر وحيويه وربي تغير شكله حيييييييييييل في مده قصيره
وجدولي هو
اغسل وجهي بصابونة ديتول انظف بوجهي بالاسكينول وبعدين احط كريم بانثينول واحط خلطه الزيتون والملح واللليمون بجسمي كله وانام ولمن اصحي اخذ ليمونه واحط بوجهها شويه سكر خشن وادعك فيه جسمي زين وبعدين بصابونة ديتول والليفه ادعك جسمي كله واغسل وجهي زين بالصابونه بعدين اتنشف زين وارطب وجهي اولا بالاسكينول ثانيا بكريم بانثينول وارطب جسمي مره بزيت جنين القمح ومره بالفازلين وبسسس
يوميا ومن الاسبوع الثالث بتشوفين نتيجه ترضيك :27:
ريجيم السوائل تبعي
طبعا الصبح على الريق اشرب كوبين مويا والافضل انها تكون بارده
تدرون ليش لان المويا البارد يكمش المعده بعكس الحار يخليها تتمدد
وبعدين خلي عندك شي اساسي قبل اي وجبه اشربي كوبين مويا شوفي قبل مو بعد اتبهي لهالنقطه
وشوفي معي اذا على الريق كوبين مويا وقبل الوجبه كوبين وانتي تاكلي وجبتين بتكوني شربتي 6 اكواب مويا
وخلي مع الفطور كوب كبير الى كوبين عصير اي نوع
بين الوجبات اشربي شاي اخضر شاي احمر قهوه اعشاب عصيرات كل ماحسيتي انك جوعانه روحي اشربي
وحبذا لو تسوين بالغداء او العشاء شوربه واشربي منها كثير وبعدين روحي للوجبه الرئسيه
بعد هالنظام مستحيل تاكلي اكثر من لقم بسيطه على الوجبه
غير كذا السوائل مفيده وفيه كل المعادن والفيتامينات اللي تفيد الجسم وتخليك على طول شبعانه ومالك نفس بس مشكلتها كل ساعتين لازم تروحين التواليت بس مو مشكله اهم شي الصحه
بس بعد العشا لاتشربي اي سوائل بس اشربي حليب دافي عشان ماتصحين لدوره المياه الله يكرمكم
والحمدلله مع الوقت تغير شكلي كثير واسترجعت ثقتي بنفسي وتحسنت نفسيتي فوق ماتتصورون
وهذي النقطه اللي ابي اوصلها النفسيه يابنات لها دور كبير في تغيير شكلك واستجابته لعنايتك وربي حتى ملامحك تتغير
وبعد ماصرت اشين وحده بخواتي صرت الحين مضرب للجمال والكل يمدحني وصار الخطاب يدقون بابي بس ارفض
لاني احلم ارتبط بشخض غالي علي من قرايبي وواثقه بالله عز وجل انه يحقق لي حلمي
هذا الشي اللي استخدمته وتغير كل مافيني هديه لكم لوجه الله وماابي منكم الا تدعون لي ان الله يجمعني مع الشخص اللي ابيه
واعتذر لاطالتي:35:
بنت الاشرااف @bnt_alashraaf_1
عضوة فعالة
يلزم عليك تسجيل الدخول أولًا لكتابة تعليق.
**الدره الثمينة**
•
الله يوفقك ويحقق امانيك
الله يوفقك ويحقق امانيكالله يوفقك ويحقق امانيك
امين يالغلا شرفتيني
بس مدري ليه ماتطلع الصور :(
بس مدري ليه ماتطلع الصور :(
الصفحة الأخيرة