الصديقه اللي مثل كذا ؟

بنات انا شخصيتي جدا عصبيه
والله لما اعصب ماعرف ايش اقول دايم دايم
اجرح اهلي او اللي حولي واخر شي اندم ممكن شهر
ع كلمه وفيه سنين ندمانه على مواقف تهاوشت فيها
وعصبت وقلت كلام ماينفال لامي ولاختي
وللحين مع انهم هم ناسين لكن انا وقت العصبيه
ماعرف اتحكم بنفسي وهالشي بيجلطني
الحين عندي صديقه هي تهبل طيبه ولا تقصر
لكن فيها طبع من قبل نشبه بس زمان كانت
ماتزوجت فمانشبت مره يعني كل اسبوع اسبوعين
ترسل بطلع ولا بجيك ىلا تعالي
واصرفها مثلا اقول عندي طلعه
او ماقدر او اهلي صعبه اطلع كل يوم
ماتفهم ماتستوعب ترجع بكرا تعيد نفس السوال
لما تزوجت قبل ٨ شهور جننتني قسم بالله
احس بوصل مرحله انفجر فيها واخاف اندم
كل يومين اقسم بالله العظيم بدون كذب انها كل يومين
تنشب فيني زوجها يطلع ويسهر وطول وقت بالاستراحه
وتجي تطلع حرتها عندي بجيك ىلا تعالي لي ولا نطلع
اول شهر خفت شوي انشغلت ثاني شهر بدت
البنت خلقه ماتحب تجلس بالبيت بس كان ايوها ماسكها
والحين طاحت بواحد مايبي يجلس ببيته
طول وقته بالاستراحه ع كلام صديقتي تقول اهله الاستراحه!!
وهي تجني يعني مادري ايش فكرها لما كل يومين
ترسل لي نفس الكلام اول شي كنت اسلك لها
واضغط ع نفسي ع حسابها اقول يمكن طفشانه ويمكن ويمكن
اكثر من مره بدون شعور اعصب واقول اهلي يتضايقون دايم
موب حلى كل يومين مرسله لي !!
والله يابنات لو انها زوجي بقابلها كل يومين
اصلا حتى مافي سوالف صرت اذا طلعت معها
مافي شي نقوله الجلسه بكبرها ممله
مع كل هذا ماتتوب
لدرجه صرت احس البنت ماعندها كرامه!!
اكثر من مره اعتذر لها باسلوب لبق ماتفهم
اكثر من مره اقولها ابيها تفهم ماقدر صعبه امي لحالها
وصعبه مايخلوني كل يومين طالعه
ومضغوطه ولا عندي بس انتي ترا
لكن ماتفهم كاني اتكلم على جدار
اكثر من مره اعصب واقولها يابنت الحلال ماقدر
موب حلى ترا
انا موب فاضيه كل يومين
عندي اهل عندي مشاغل
اقسم بالله العظيم لو الجدار يحس هي تحس
ترجع من بكرا ترسلي وش عندك؟
تعببببببببت منها
يعني كل الاساليب جربت معها
ولا تتغير
ولا تحس ولا تمل ولا تتعب اقول لاهلي امس
مادري وش ينفع صراحه معها
انا ماعندي مانع اطلع معها لكن ع الاقل
كل اسبوع اسبوعين مره من عيوني والله
مستعده كل يوم كل يوم اكلمها
بس ماله داعي كل يومين نطلع ولا اجيك ولا تجيني
ولا حديقه الواحد ماله نفس كل يومين هي ماشاء الله
مدري من وين لها نفس لو تطلع كل ساعتين طلعه
ماتقول لا ولا تمل ولا تتعب من الطلعات اقسم بالله
اول ماقالت بتزوج فرحت من كل قلبي
قلت الحمدلله بتلهى
وتخفف شوي انها تنشب طلع العكس 😭
وانا صراحه جربت كل الاساليب
ولا ودي اجرحها بشكل واضح لان اذا عصبت اصلا
على طول انا اتكلم واجرح ولا احط ببالي
وش اقول واندم وهذا اللي اخاف منه اخاف اغلط بشي
كبير عليه بدون شعور