الصرقعه وفروعها

محاضـره عن الصرقعـه


اللــــــــــــــه يحييكم..
فرحت بدخولكم موضوعي فرحه اكبر من جبهتي من الشمال الى الجنوب ومن الشرق الى الغرب
<<<ملعب كره مهي جبهه

مالكم بطويلة المهم

السلام عليكم ...




في البدايه حبيت اشكر شركة الالبان المصريه (الشمعدان) .. وشاي لبتون .. وحفاظات بامبرز .. لراعيتهم هذه المحااضره ...





بسم الله الرحمن الرحيم




طق .. طق .. طق .. طق .. معليش قاعد اجرب المكرفون .. اقول حلوالصوت تسمعوني عدل ..

تمام يعني .يالله بدلو بدلوي . المهم .. اسمعوني يا اعضاء .. اليوم راح نقدم محاضرة عن الصرقعه وطرق التصرقع .. وقبل ما ندخل في صلب الموضوع ..
احب اوضح كلمة (صرقعه) لبعض الاعضاء...


الصررقعه :

وهي كلمة اغريقية .. اخذت من الكتب الرومانية .. وتداولتها الحضارات حتى وصلت إلى العالم العربى ..

ويقال صرقع يصرقع صرقعانا وتندرج تحتها الصعارير الي تنتج عن فلقات وطخات
والمصرقع انسان ددااااج ماعنده سالفه مو زيي رزه وأتكيت ويحب الروقاان
قمه الصرقعه عند المصرقع تصطره وفطس ذحك وهااك من التعليقاات وانت تنقههر وتسبدك تفرك
وودك تخمس بوجه وهو ولاعلى باله وبعض الاحيان يقول (الي على بالي ولاعلى بالك حير بالي
وارتااح بالك)

خل اقولكم يوم الاربعااء كانت واصله معي ومالي خلق وننفسيتي زفت الكلام ذا بالمدرسه وحايمه تسبدي وواصله اتش تو بي(h2b) والي يكلمني ياويله جلست بالربعه انا وصديقاتي وشرينا ورق عنب وجالسين نبلع وجت الطلعه والعالم طلعو ولا حنا عند الدرج جت وحده من صديقاتي قالت المديره الحين بتمر لبست عباتها قلت والنيه قالت صوري معها قالت تستهبلين قلت طيب شسويلها قالت انا اعلمتس يوم هذا مرت المديره وفي حديده بالطريق ابد ماحطيناها وتكرفست المديره ومصطت بالارض انا ابد ما ضحكت <<<نصابه الاتمزعت تسبدتس من الضحك وتقوم المديره وتغزلي ذيك النظره بعدها تعالت الاصوات بالضحك وسكت الجميع عقبها والمديره تضف عفشها الي طااحوتلملم وجها وعباتها وانا اقولها تبيني القط معتتس <<تقصد وجهها
قالت المديره لاشكرا تحسبني بلقط عفشها معهانرجع لمحور حديثناااااا

وهذه الكلمة يقدرها الناس اللي بايعه مخها واللي لو تفتح مخها ما تلاقي مخ .. راح تلاقي لطخة مايونيز مكان المخ ..


وهذا تعريف كلمة الصرررقعه .. إذا ندخل في صلب المحاضرة .. مع اني ادري اني قاعد انفخ في قربة مشقوقه ..
هذا ان كان فيه قربة من الاساس ..


بالله يا جماعة اقعدوو الله ياحييكم .. واقفين كذا ليه كنكم سكيرتي في فندق ردسون ابو ساس..



وبعدين انت يا اللي هناك ابعد عن المكيف

.. والصحافة تكفون اقعدووو .. مش عايزين تصوير دلوقتى .. تراكم عميتونا بالفلاش يا مرسي انت ومصطفى ترا عيني حمراء لها اسبووع والسبب الفمتو ..

اقعدوو .. طالعين كنكم طقم اقلام واحد سايل والثاني ناشف .. لا وبعد واقفين جمب بعض ..



بـــدايـــــة المحاضـــــرة ..


اعزائي الاعضاء .. احب اشكر وزارة الداخليه على تيسير امور هذه المحاضرة ..
من وضع رجال الامن على الابواب .. ورجال مكافحة الشغب في القاعة .. اللي احس ان عددهم اكثر من الاعضاء .. اللي معنا ..



اخوااااااااااااااني اخوااااااااااتي مره ثانيه لحد يقاطعني .. يعني الي بايع عمره يقاطعني ..


ـــــــــــــــــــــــــــــ

أول ســــؤال يتبادر للذهن .. ؟



كيف تصبح مصرررقع ... وفاصخ عقلك .. ؟

أول شي كل واحد فينا عايش في الحياة

وطبعا تمر علينا مواقف .. وحركات غبية .. يشيب لها الراس .. وتجيب صلع وتساقط في شعر الحواجب ..
المواقف هذي .. كل واحد فينا يجي يجسدها في قسم التسليه والترفيه .. وهذا الشخص يحصل على التميز ..
ويصبح له منصب كبير بعد عدة مواضيع .. عشان كذا نطالب بكل شخص انه يعطينا قريحة افكارة يعني خلااصة مخه ..
مش عايزين شغل الخباثه (انتم تعرفوناا ماايحتاج اوضح) كأن حنا قاعدييييين في حصة رسم ..




الان نستقبل للاسئلة :

طبعا انا قدامي .. عدة اسألة من الاعضاء وراح القيها لكم .. ونجاوب عليها قدامكم ..


السؤال الاول : من المرسلة (نقل القاهره 935)

طبعا هذا مش اسم .. هذي لوحة سيارة مصريه ..

تقول :

انا لي زوج يضربني .. ويمنع عن اولادي المصروف .. ويخليني انام في المطبخ جمب سطوانة الغاز ..
شوفولي حل؟؟

ايه ده يا معد المحااضره ايه هالاسئلة الله يخليك .. جايب لي اسئلة برنامج مشاكل الاسبوع ..
وبعدين هذي اسئلة اجوبتها في منتدى مجلس حريم مو اهنيييييه ..



أحم .. احم .. معليش يا اعضاء لا تطيرون عيونكم .. هذي غلطة مطبعية ..
وتم السيطرة عليها ..


ـــــــــــــــــــــــــــــــــــــــــــــ ــــ
سؤال ثاني :

من الاخت .. (..مسطرة ... ) .. من دولة السودان بالتحديد من القاهرة ..
بالتحديد ساكن في شقة على شارعين واحد فرعي والثاني رئيسي .. ملاحظة .. الشقه للبيع ..


تقول:

انا اواجه صعوبة في فهم لغتكم .. بين قوسين ( تقصد لهجتنا الخليجية المصرية اللبنانية المغربية ) .. وتتمنى ان الاعضاء يظبطوون كلامهم ..
او يحاولون يحطون تحت مواضيعهم توضح معاني الكلمات يعني بعد الموضوع يحط خط وبعدين يفسر كلامه ..


يا اختي ( ..مسطرة...) احب اقولك ان وجهة نظرك وصلت للاعضاء .. وانشاء الله راح نكلمهم ..
وراح يوقفون معنا الاداره .. وخليك على اتصال معنا دايم ..

على كم وصل السووم على شقتك .. ؟؟


ـــــــــــــــــــــــــــــــــــــــــــــ ــ
ولان ما عندنا سؤال ثالث راح ننتقل للسؤال الرابع..

السؤال الرابع

من الاخت (...فوزية طق الشباك..)

تقول :

.. مواضيع منتداكم طويلة .. وانا بصراحه عشان اقرى موضوع لازم اشتري اشتراك ( شهر مفتوح ) .. واقعد اقرى .. وبعض الاحيان ينقطع الاشتراك علي السبب سابك والموضوع ما خلص ( مثل موضوعك هذا ) ..
فا اتمنى انك تخلي الاعضاء .. لا يكثرون البربره والسوالف .. ويدخلون في صلب الموضوع ..


يا اختي .. الظاهر انك ما قد سمعتي اختراع .. اسمه افصلي النت قبل ما تقرين ..
على العموم انتي افصلي النت واقعدي اقري الموضوع .. الين تحسين ان شعر سكسوكتك طلع ..
وبعدها أشبكي وردي ..


ـــــــــــــــــــــــــــــــــــــــــــ


معليش يا شباب .. ويا شابات .. وقت المحاظرة انتهى .. تعرفون ما خذين القاعة لمدة ساعتين ..
وحنا هالحين طبقنا الساعتين ونص .. والقطة بيني وبينكم .. فـ شكلنا بنرتب القاعة ونغسل فرشتها ..
مقابل هالنص ساعة الزيادة ..

هاع هاع هاع هاع

**حصـــــرياً في الاسواق **

محاضرة الصرقعه على اشرطة فيديو وسيدي وصالك وديف دي ماستر

:26: :26: :26: :26: