الصمونه الفرنسيه بخلطة الدجاج اللذيذه

جربوها وماراح تندمون.....

المقادير:

صمونتين بريوش (العجفه الكبيره)
دجاجه مقطعه الى شاورما
الخضار كلها مقطعه الى قطع طويله وضعيفه
جزر
ملفوف
فلفل اخضر بارد
بصل
ومشروم مقطع جاهز
وذرة الرجل الأخضر المستويه عشان تكون جاهزة
كريمه انا استخدم (كي دي دي العلبه الحمرا) انتو كيفكم على حسب الماركه اللي تفضلونها
صلصة صويا
بهارات وملح وفلفل اسود
جبن قلاص كرافت
جبن برميزان الايطاليه المبشوره

الطريقة

يوضع قليلا من الزيت ويوضع البصل والبهارات والفلفل الأسود ويحمس جيدا ثم يوضع عليه الدجاج ويقلب حتى يستوي.
توضع جميع الخضار والمشروم ما عدا الذره ويوضع صلصة الصويا وتقلب جيدا
توضع الكريمه على حسب مقدارج لا تكون كثيره مثل المرق وجبن القلاص وجبنة برميزان وقليلا من الملح على حسب المذاق.
وتغطى وتترك قليلا على نار هادئة حتى تسوي الخضار.
يوضع اخيرا الذرة ويخلط جيدا ويترك قليلا والقدر مفتوح حتى تنشف الصلصة قليلا.

تفتح الصمونه على حسب العجفه لا تقصينها وتخربينها ديري بالك بس مجرد فتح وشيلي العجين اللي داخل وبعدين حشيها وسكريها مثل ما كانت أول ما شريتيها بنفس طريقتها.

وقت الأكل قطعيها وقدميها طبعا ما تنمسك لازم تاكلينها بشوكه :o

انا كنت اسويها بأيام رمضان أهلي ادمنو عليها كل يوم اسويها وكانت تطوفني المسلسلات :(

بس كنا نستمتع وحنا ناكلها

وبالهناء والشفاء واللي تجربها تقول لي عن رايها