الصيف جانااوالمناسبات بدأت تهل علينا..ادخلوا واتحملوني وجاوبوني الله يسعدكم

السلام عليكم ورحمة الله وبركاته

بنات وحريم عالم حوااااء

كيفكم يا حلوات؟؟
عساكم بخير يارب انتو واللي يعز عليكم

دحين بدأت الاجازة وطبعا يا كتر المناسبات
الله يكتر الأفراح والليالي الملاح
اللهم آمين

طيب نفسي أعرف أنا لوحدي اللي أشيل هم الزواجات والمناسبات ولا في غيري
أنا بصراحة اشيل هم>>>>>:04:

والله على قد ما أفرح اني حاروح وأغير جو وانبسط وطبعا في الأول اني أقوم بالواجب مع الناس
لكن :44: أشيل همهم
والله اني بيتوتيه وأطفالي عندي بالدنيا
كل شي اسويلهم هو بيدي
ما احب احد ياكلهم ويغير لهم الا انا او اخواتي
يعني ما اتركهم لشغاله لو ايش يسير
مااااااااااااا أقدر

احس في المناسبات الاطفال يا حرام ينظلموا الام تكون حاايسة في نفسها
يعني في البداية نروح المشغل وما أدراك مالمشغل

مع اني أحاول اروح من بدري عشان الزحمة بس برضو
ما أطيق الانتظار وأكون على أعصابي وما احب اخد ولدي معايا لسه صغير عمره ستة شهور
وهناك روايح قوية واسبري واصوات الاستشوارات غير الزحمة
مسكين أحسه ينظلم فأخليه عند أهلي
وتضطر وحده من اخواتي الله يخليهم لي تقعد معاهواشيل همه
يمكن بيبكي يمكن يدور علي يمكن يبغى يرضع
أختي حتعرف له ولا لا
أدري اني موسوسة بس ايش اسوي
كل شويه اتصل وافضل قلقااانه
واذا رحت السهرة يكمل مسلسل القلق وأحاول انومه بعدين اروح وطبعا وحده من اخواتي تقعد معاه
والمشكلة اذا انعزمنا في كلنا انا والوالدة واخواتي
فهنا ما اروح
حتى لو اللي عازمتني قالت لي جيبيه عادي
احس ليش اروح واطفش الناس اذا بكي ولا سوا لي عمايله

وعاد ما احلاي وانا باغير له الله يكرمكم ولا بارضع ما اقعد في بيتي احسن لي
وحتى زوجي من النوع الموسوس :35:
وكل ما انعزمت>>خلاص ماله داعي تروحي اقعدي مع اولادك احسن وكفاية اهلك يسووا الواجب عنك
بس لييييييييييش يا عالم يعني اللي مولدت وخلفت خلاص ما تروح ولاتجي
ولا تسهر ييا اما تقعد يا اما تاخد عيالها معاها:icon33::icon33:

معليش طولتها بس من جد كنت محتاجة افضفض
وعندي سؤال يرمي نفسه بقوة:hahaha:
انتو لمن تنعزموا في مناسبة ايش بتسووا طبعا في حالة اذا عندكم اطفال صغار اقل من سنة يعني
لانه انا بنتي ما اشيل همها دحين بس الصغير ربي يخلي لي هو عشان الرضاعة وهو ما ياخد رضاعة صناعيه
وأنا اذا كنت رايحة لازم ارضعه وانومه بس اخاف يصحى ويدور علي
طبعا حتى المناسبات اللي باروحها بارجع بدري يعني غااااااالبا البوفيه انسوا اني اشم ريحته واحيانا حتى الزفه اشوف بدايتها وأجري <<<سندريلا على غفلة
وزوجي طبعا يقولي لا تتاخري عشان لا يبكي :44:
بس طبعا احمد ربي انه اهلي معايا في نفس المدينة
يعني اللي اهلها بعيد ايش بتسوي؟؟
عالعموم يا ريت كل وحده تحط لنا خلاصة تجاربها وتدبيرها في يوم المناسبة
وكمان مواقفكم الحلوة في دا الموضوع
ورأيكم انو الوحده بلاش تخرج وتزور الا لمن عيالها يكبروا شويتين ؟؟
ولا عادي تعيش حياتها وطالما ما بتقصر باقي الايام هو يوم ويعدي والمفروض انها ما تحس بالذنب والقلق:icon33:
أتمنى أشوف تفاعلكم يا عسل انتي وهيه وهيه