الضغط الاجتماعي على الفتاة

السلام عليكم ورحمة الله ببدا بالموضوع بدون مقدمات انا عزباء عمري27 اللي بعمري والاصغر تزوجوا اختي واخوي الاصغر برضو اواجه ضغوطات قوية من اللي حولي في اني تاخرت او تلمييحات اني عانس او يخبون عني امور زواج وحمل وسفر من حولي خوف العين فانا المحرومة او تلميحات ان في موضوع مخببيته عنك مراعاة لمشاعرك شوفيني انا الطيبة!!!وضغوطات اخرى ماقدر اذكرها .....حاليا متسلطة علي وحدة توها متزوجة ضغطتني مرررررره تتعمد تغايرني وتقص لي سواليفها الخاصة!!!واذا جلسوا البنات سوا يسولفون بهالمواضيع قالت اسكتوا فيه سماهر مايصير ماتزوجت!!!!غير اللي يتعمد يدعي لك قدام الناس وكاني اشحذها دعوه تبين تدعين ادعي بخفاء مو قدامي!!والله امور كثيرة اواجها تزيد غبنتي غير رغبتي الطبيعية وجحيم الوحدة اللي اعيشه وضغوطات الاهل ......جربت مواقع زواج وكلهم كذابين ونصابين استغلاليين يدورون صور وطلعات!!وكأن البنت جالسة تدور الحرام مو الحلال ....جربت خطابات تويتر فقط تاخذ بياناتك وتعرضها واذا ابديتي رغبتك ببيانات شخص نزلتها ماترد عليك أبد وهالكلامم مو مع وحدة أو ثنتين مع كثير تعبت مرة واستهلكت مشاعري كثير وتعلقت وجربت أقسى الخيبات فكرت أجرب خطابات في الواقع بس ماحصلت تعبت مرة مرة تعبت الضغوطات ماراح تخلص وصبري ينفذ ومشاعري تتشوه واذا كتبت باي مكان كمجهول عن رغبتي كلن هاوشني وانتي همك الزواج اي عندك مانع همي الزواج انا والله مارحت ادور حرام يومك واقفتلي تعايريني ومالك دخل بهمي ورغبتي!!!!حتى الفضفضه حشرونا عليهاواالا اذا جتك متزوجة ومعيله وقالت وش تبين بالزواج والقرف واللقلق تراك زي ماعشتي هالتجربة انا ابي اعيشها انا بشرية والله عندي رغبة وعندي مشاعر وعندي احتياج وميول فطري للرجل خفوا علينا ياخلق خافوا الله فينا