كوبونات الراقية تسجيل الدخول

um sa3oodi
um sa3oodi •
الله يعينج يا كات ويسر لج

خبرينا يوم تفضي بالتفاصيل والالوان والاشكال... حبيبتي انتي
أم صهوبي
أم صهوبي •
um sa3oodi um sa3oodi :
صباح الخير يا بناااات يا غاليات... والناس اللي شاده الهمة والناس الرشيقة آآآآآآآآآآآآآآآآآه سمعت خبر مو حلو؟؟؟ ليش كتكوووووت زعلانه منا؟؟ ما عاش من يزعلج يا قمر... ام صهوبي والله الطيارة طايرة بحسج يا عسل نونو... يا حظج بتحظرين الملجة... يا ريت كنت اقدر فتفوووت... مشتاقيلج يا حلوه.. والله يتمم لج على خير هوى وينج يا قمر تن تووون.. انا اللي مشتاقة لج اكثر هدهووود... وينج ويالله بنوزن باجر الغلا.. ان شاء الله ينزل الوزن دبدوووبه ... هاه شو الهمه بعدها عالية ولا لا؟؟ بريئة... مشتاقة لج...
صباح الخير يا بناااات يا غاليات... والناس اللي شاده الهمة والناس الرشيقة آآآآآآآآآآآآآآآآآه...
ام سعودي
يالله مساعدت نايب احسن من مظيفة هههههه
كات
انا الحمد لله بخير انا والعيال ههههه
لايسمعك خطيبك تسألين عن العيال هههههه

بالله يابنات ادخلو على موضوع الاخت كورن فلكس وقولولي وش رايكم بالتمارين إلي حطتها الاخت ام سارة ... خصوصا التمرين الثالث.
um sa3oodi
um sa3oodi •
احداث الاسبوع الماضي من بيتي

ليله الجمعة على السبت... ولدي كان عنده زواع واسهال... كنت طول الليل معاه في طواري
السبت.. كان الولد شوي احسن يمكن عشان الخدامة تساعد شوي

ليله السبت على الاحد .. والولد حرارته مرتفعة وما تنزل عن 40...
الاحد... استأذنت وديته العياده... قالوا التهاب في الصدر وعطونا دويات

الاثنين.. بعدها الحرارة ما تنزل... استأذنت وطلعت للولد..... على المساء كنت انا اللي مريضة وولدي الصغير... انا يتني حمة وبارده... وما كنت اقدر اتحرك عظامي كلها تعورني...
خليت الخدامة تبات معاي عشان تساعدني مع الاولاد لانه الحرارة ما تنزل وانا هلكانه من التعب...

الثلاثاء... داومت ساعتين لانه عندي اشغال لازم اسلمها ... وبعدين روحت البيت
الاربعاء .. رجعنا العياده مرة ثانية لانه الحرارة ما ترضى تروح من الاولاد.. وعطوه ابرة في العضل عشان المضاد
الخميس راشد اشوى شوي... سعيد بعده حراره
الجمعة ... الحراره راحت من راشد بس الكحة ذابحة صدرة... سعيد عليه حراره خفيفه

ليله الجمعة على السبت... الحمد لله رقدوا العيال زين وما تعبنا فليل

السبت ... الحمد لله داومنا ونحن بصحة وعافية

الله لا يجيب مرض لاي حد... والله يشافي الجميع

من التعب مع العيال... الدورة نزلت مع انها باقلها اسبوع... بس ما نقول إلا الله يعين
أم صهوبي
أم صهوبي •
um sa3oodi um sa3oodi :
الله يسرلج يا غالية
الله يسرلج يا غالية
ام سعودي
الحمد لله على سلامت ولدك وماتشوفون شر
والله إني كنت حاسة ان عندك مريض
الله يعينك .
hadhoood
صباح الخير، انا الحمد لله بخير
انا كمان المنتدى احيان مايفتح معاية . بس الايام الاخيرة كأنه تحسن شوي.
um sa3oodi
um sa3oodi •
هلا هدهووود... مشتاقيلج يا غالية

اليوم الحمد لله احسن... بس على رايج.. ما في اصعب من تعب الليل... تكونين تبين ترقدين والعيال مريضين والصبح دوام

بس الله يعين