تسلمين ام عبوود وانااستفدت منك كثير الله يجزاك خير هذا تطبيقي للكابلي اليوم

ماشالله سلمت يدينك

عالم الطبخ ممتع للي حابته اما وحده مالها طوله باال لاتحطم غيرها مافي مثل طبخ البيت انظف ويكون صحي اذا قللنا الدهوون اللي فيه بالنسبه للبهارات انا ماافضل اسناد لكل الطبخات مره الثوم فيها طالع ف استخدامي لها للصواني اما الكبسات بهارات معتمدتها من محل عندنا

ماشاء الله عليك استمري كل مره تعلمي طبق جديد ومع الوقت بتصيرين ملمه بكل شي وبيكون عندك ذوق خاص وطريقتك الخاصه في البهارات والمذاق .
جربي صواني الخضار المقليه مع دجاج او لحم مفروم بصلصة حمراء او بشاميل او جبن وقشطه .
او صواني التوست بحشوة اللحم او الدجاج او الخضار مع صلصة قشطة وجبن .


بعطيك نبذه عنهم وحاولي تجربين
صواني الخضار
اختاري اي خضار نوعين او ثلاثه وقطعيها مكعبات رشي عليها شوي ملح واقليها بزيت على حراره متوسطه

سواء بطاطس باذنجان كوسا قرنبيط بروكولي جزر ..
جهزي لحم او دجاج مفروم وطريقته سهله
بصل مفروم مع شوي زيت بمقلايه او قدر شوحيه الى ان يذبل واضيفي فلفل بارد مقطع وثوم اذا حبيتي

واضيفي له بهارات مشكله وفلفل اسود ورشة قرفه ناعمه وحركيه ثم اضيفي له اللحم او الدجاج المفروم وحركيه دقايق وتقدرين تضيفين فوقه طماط مقطع صغير ثم رشة ملح وحركيه وعشان ماينشف تقدرين تضيفين ربع كوب مويه وغطيه 5 دقايق الى ان ينضج ... طبعاً اللحم تقدرين تضيفين له ملعقه معجون طماطم حسب ذوقك ورغبتك .
بعد هذي المرحله اخلطي الخضار المقليه مع بعض وافرديها بصينية للفرن وحطي فوقه اللحم او الدجاج المطبوخ
جيبي علبة قشطة واضيفي لها ملعقتين او اربعه جبن سايل اخلطيها ثم صبيها على وجه صينية الخضار واللحم
وحسب ذوقك ترشين فوقه شوي جبن مشور او تقطعين شرايح طماطم وفلفل بارد وتحطينه على الوجه او تدخلين الصينيه مباشرة للفرن بعد القشطه والجبن على حرارة متوسطه تحت وفوق الى ان يشقر الوجه ثم قدميها .



-----


اما صواني التوست

اعملي اي حشوه تناسبك سواء لحم مفروم مطبوخ مع جزر وبطاطس مقلي وبقدونس مفروم
او صدور دجاج مقطعه مكعبات صغيره نفس طريقة اللحم المفروم بصل وثوم وفلفل بارد وبهارات مشكله ورشة قرفه وزنجبيل بودره وفلفل اسود تشوحينه دقايق ثم تضيفين الدجاج المقطع وتحركينه وترشين ملح وربع كوب مويه وغطيه دقايق ينضج على نار هاديه ، في ناس يحبون يضيفون معه جزر مبشور في هذي المرحله ويغطونه ينضج .
خذي التوست وشيلي اطراف التوست ورصي طبقه توست بصينية الفرن المدهونه بزيت او زبده خفيف

ثم حطي طبقه من حشوة اللحم او الدجاج ثم رصي طبقه من التوست منزوع الحواف

واذا تحبين الجبن اضيفي فوق الحشوه رشة جبن شيدر مبشور وتقدرين تستغنين عنه .. كذلك تقدرين تضيفين بطاطس مقلي او تستغنين عنه كله يرجع لذوقك واللي متوفر عندك .

ثم ادهني وجه التوست بصلصة القشطة مع جبن سايل ودخليه الفرن من تحت وفوق الى ان يشقر ثم قدميه .

كبسه الزربيان بالنسبه لي ألذ كبسه ودايما اعملها بالعزايم
وهذه طريقتها إذا ماتبغيها باللحم سويها بالدجاج في عضوات طبقوها اعجبتهم
https://www.hawaaworld.com/sho...