المسألة وما فيها أن بعض الرجال يبان فيهم المعروف ويعرف يرد الجميل لزوجته بالكلام والأفعال وليس بالكلام فقط
وبعض الرجال لو توقفين على رجولك الشهر بطوله يبخل بكلمة مدح مو بالهدية عاد
عشان كذه يا ستات
لا إفراط ولا تفريط
تخلصي عملك لله
وكوني خادمة لنفسك وعيالك وزوجك
لا يستغلك بكثرة ضيوفه اوقفيه عند حده إذا تعدى حدوده ولا يذلك
خاصة أن كان من النوع الثاني والي هو موجود بكثرة في بلدي الحبيب

مايصح الا الصحيح

والله عاد حسب الرجال

زوجك على ما تعودينه 

يعني اعرف وحدة توها معرسه قاعدة تطبخ لزوجها طيب نطري توك عروس وتقولي ما استانست بدايه زواجي كنت انظف واطبخ لازم يعرف اني اعرف اسوي كل شي وطاح ع راسها صار لازم اطبخ له تقولي حتى اول يوم دورة لي ما اقدر انحرك من الالم وهو ما يقدر لازم اطبخ ،،، هالشي وايد غلط لازم الوحدة بعد تحسس ريلها انها كانت مرفهه عند اهلها مثل الملكات عشان لا يقول عند اهلها كانت مثل الخدامة وعندي تدلع بعد الوحدة منا من حقها ترتاح الزواج مو طبخ ونفخ وتنظيف هي بعد لازم تعتني بنفسها 
وبالنسبه لي الحمدلله يوم ما اطبخ طبخة دسمة يقولي لازم ترتاحين والغدا من برا بكرة .. مرات والله اسبوع ما اطبخ وهو ما بقول شي يقولي اهم شي راحتج  حتى ايام الخطبه افهمه انه انا ما اسوي شي ف البيت الا نادرا عشان لا يقعد يتحلطم عقب بس منو اللي ناشبلي امه واااااااه من امه تخيلو يوم ما اروح عندها يكون غدانا من برا انا وريلي تسالني شنو طابخة طبعا انا وزوجي نكون متفقين انه طبخت له الطبخة  الفلانيه وايد تحشر عمرها بس شسوي مدام ولدها زين وياي ومو مقصر عني اقول بسيطه والحمدلله ،،،، المشكله نادرا ما تحصلين ريل وامه زينيين وياج لازم واحد منهم زين 
الله كريم 

بس ترا انا خوش طباخة وتنظيفي يمدحونه 


هع 

إللي ماتطبخ بيحس إنها ناقصة عن غيرها

بإمكانها تنظم وقتها وقت للطبخ ووقت لنفسها

المبالغة في كل شي مو زينه بعضهم تلاقينها تبالغ في الطبخ وبعضهم تبالغ في تزيين شكلها ، كل يوم ميك اب والـ ميك اب وكأنها رايحه لزواج

كل يوم مكياج بيصير شكلها معتاد عليه ، مكياج خفيف يكفي

خليك مميزة في كل شي في طبخك في لبسك في مكياجك في عطوراتك في تعاملك مع زوجك ،، لاتقولون تقديس الرجل ،، الزوج له فضل عظيم ومن ماتت وزوجها راضي عنها دخلت الجنة