الحمد لله والشكر ليش م اطبخ وانظف طيب ان مسؤوله عنه وعن بيته ونظافته وليش ماخذته من الأساس اذا مو قد المسؤوليه واذا كان متعود ع طبخ بيت ونظافه خصوصآ اذا م يشتهي الا طبخك ويمدح فيه  ..حنا ساكنين ب بيت اهل زوجي ومعه اخوانه ثنين مع حريمهم ونظامنا كل وحده عليها يوم تنظيف ومطبخ وم يجيني الشغل الا بعد يومين يعني اريح يومين واشتغل يوم وبث

شوفي عني كانسانه ما احس اني راعية بيتي ومهتمه فيه الا اذا طبخت ماشاء الله لاقوة الا بالله

لكن تنظيف - غسيل - كرف

لو تجي شغاله تسويها عني ما قلت لا

هذي شغلتها

وانا اربي عيالي واهتم في زوجي واشوف رغباته واللي يحبه

ومثل ما قلتي حسب المادة


اذا يقدر يجيب شغاله ليه اوفر عليه
واجلس اكرف

واذا ما يقدر عاد اشوف اذا يستاهل ويقدر عطيته عيوني واذا والله مايشوفني شي ما اشوفه شي

كلامك صحيح بس انا بالنسبه لي يعتمد علي الرجال في رجال والله لو تغسلين رجلينه كل يوم ماتوفينه حقه وفي رجال مهما تسوين عنده ولا كانك سويتي شي انا اعطيم اكبر مثال عندي بنت خالتي ما شاء الله عليها طباخه درجه اولي ومره سوت عزومه كبيره لاهل زوجها بس الحلا من بره وكل شي عليها تقول لي جلست اجهز من 9 الصباح لين المغرب ويوم جو وتعشو قامو يمدحو طباخها وبعدين الحبيب زوجها جاي يقول فشلتيني المكرونه بالبشميل مالحه شوي قالت له طيب مامدحت بباقي الاطباق ماقلت كفيتي ووفيتي ماقلت رفعتي راسي عن جماعتي مادققت الا علي المكرونه لا ونام زعلان
وفي وحده ثانيه من تصير زوجه واحد من الاهل واللله ليل ونهار يتشكي كسوله وماتعرف تطبخ وحتي ملابسه ماتغسلهم ونوم وتلفزيون ومن كلام اخت الرجال تقول كل يوم ينزل عندنا يتشكي وفوق هذا يتعشي ويتغدي عندنا ونغسل له ثيابه وشبه ليليا يوديا سوق او مجمع يتعشون هذا غير الورد والهدايا تقول والله امره عجيب اذا هو يتشكي منها ويسوي كذا اجل لو دايم يمدحها ممكن يعبدها استغفر الله من جد الرجال عجيبين مره

انا انا
فعلا فعلا كلامك صح الي تلف و تدور و تتأفف من الشغل و تخلق الف حجة و حجة تلاقيها زينة عند زوجها و يتعاطف معها زوجها من كثر ما تجلس تشكي من الشغل و و و
و الي تشتغل بضمير في بيتها تجاه زوجها و أولادها هادي تكون مش تمام أو يدوبك تمام عند الزوج و يطلع فيها العيوب الي ما تبانش

انا مع الوسط ماحب اني أكرف طول الوقت ولا اني ما أسوي شي ولا أدري عن البيت وعن زوجي


أحب اخذ حقي من الراحه اذا كنت تعبانه أو مالي خلق ما طبخت بس بقيه الايام الحمدلله قايمه بشغلي


ومو عناته الي تطبخ وقايمه ببيتها يعني ماتكشخ وما تلبس الحمدلله نسوي كل شي بوسطيه وحتى لبس نلبس