..::..العالم بعيون سعودية..::..

<<< تسني بكم تقولون العنوان لاطشته


في اول ايام الدراسه ..رحنا وخذنا الجدول

صفرنا ذالك اليوم الى الساعه 9 ونص ..... توكلنا ورحنا ،،

خذنا الجدول .. وكعادة كل طالبه سعوديه تافله العافيه .. ضعيفة طينه ... قلبنا ام اللي جاب الجدول .. حسناه ودسناه
وكل ذلك في سبيل ان نطلع بيوم واحد .. اوف

<<<< ياليتنا ناخذ من دفارة المصاريا شوي ياعالم

قضينا ..:32:. طلعنا برا المبنى وحنا نقول .. شرهتكم على اللي بيقفي عليكم هالاسبوع
نراكم السبت الجاي والوجه من الوجه ابيض

والوجهه الى شارع من شوراع هالجامعه العريقه


الى كل طالبه تخاف على نفسها وصحتها ،،
ننصحك عزيزتي بالتاكد من سلامة مقاعد الجامعه
وذلك بالضغط بيدك الكريمه على الكرسي .. قبل ما تقعدين .. حتى لا تصير فضيحتك بجلاجل
والله ان عندنا ناس يدورون على هالمواقف تدوير .. يعني انتبهي

... ماعلينا ...

جلسنا ... طقينا الحنك مع البارد وفلة حجاج ( ما قلت لكم عرابجه )

لفت نظري .. زباله خضراء جنبنا (تكرمون) <<< قاعدين عند الزباله .. الله من الخياس بعد

المراد في هالموضوع .. هالزباله على فكره

لفت نظري شي في هالزباله .. يعني من جد ادور اللون الاخضر في هالزباله .. ماحصلت
كلها ملطخه باوراق وستيكرات .. مخليه الزباله بيضاء من هالاوراق

وش في هالاوراق ؟؟ صور لشارون وبوش ( تكرمون )
وكاتبين عليها .. على من يجدهم الرجاء الاتصال على ادارة حديقة الحيوانات( الواقعه بالملز) فورا
<<< والله مناب سهلين

عجبتي من جد حركتنا حنا يالبنات .. يعني حسيت اننا رجاله

<< اللي يسمعها يقول شاكه هالاوراق معهم .. ياشين اللي يقط وجهه غلط

شوي ما درينا الا عمتنا جايه .. وقومي واقشعي هالاوراق مع الفرّاشات
ليه ؟؟ ان ابو فلان ( اييييه خوينا ماغيره ) مكلمن قبل شوي يوم درا عن هالاوراق وامر بقشع كل الاوراق المخالفه
انا >> ليه يعني ؟؟ عاجبته حركات شارون والطلي بوش اجل
هي >> لا بس قايل لي ان بوش مهدده ان ما فكيتنا من حركات شعبك السعودي
المهم ان عمتنا قشعت كل هالاوراق ومضت

السؤال هو :

ليه يا قماعه ربعنا ما تجوز لهم هالحركات... وخاصه اذا كان شي ضد الحبيب بوش

بيقولون عشان علاقاتنا تكون دبلوماسيه ( لا باتشي ) .. << على طاري الحلويات ..مدهرين هاليومين عشان اختي.... ..بقره مهيب ادميه دخلت العاشر وما ولدت

..ماعلينـــا ..

لكن الدبلوماسيه شي ... و الواقع الحين شي ثاني

اجل الدبلوماسيه .. انك تقبض على واحد من اهل ديرتك (وحطوا على اهل ديرتك مليون خط .. يعني مواطن سعودي يا جماعه مهوب تايلندي )
وبكل برود تعطيه بوش ..
وتقوله .. امسكه هذا مشتبه فيه في احداثكم

وليه كل هذا ؟؟ عشان العلاقات اللي بين الدولتين تكون تمام

والضربه تجي فينا حنا :32:<< الا الضربه والله اعلم بتجي في راسك يام حسين:25:



في اثناء شرود الذهن (يمديكم على شرود الذهن:30: ) جابوا البنات البارد .. وقعدنا نقحن الى ما طقت الساعه الحدعش ونص
فتحوا البوابات وكلن توكل

اختكم في الله ما صبرت وهي بالجامعه:13:.. جابت الدفتر والقلم ..وشكت اللي في قلبها وهي قاعده تقحن
والبنات كلن راح في سبيله

والوضع مستقر .. والامن مستتب .. والجامعه فاضيه .. واحتري الشوفير


رسايل عاجله ،،،،


ابو فلان ......
ياكامل الاوصاف .. الزين مايكمل
مذهب وخلق وافي ... بس لو تخلي بوش على جنب اصرف
دينا ووطنا اجل .. والله ما حولك احد


يوري مرقدي .....
كلمات اغانيك عربيه بحته + شكلك غربي ولد كلب
= نحتاج مدرس رياضيات يحل لنا هالمعادله المتناقضه !! :07:


هاله سرحان .....
سؤال يسدح عمره .. كم سطل بويه تحطينه في وجهتس كل يوم ؟؟


الى كافة الاعضاء ......
الحين المصيبه مهيب بالمواضيع المنقوله ..
الا المصيبه لين جينا نمدح بالموضوع بزعم انه هو اللي كاتبه .. وبالاخير حنا اللي ما عندنا سالفه
تحسون انهم يستغفلونا من جد ،،


رساله الى اسرة برنامج على الهوا سوا اللي بدريم.....
يعنني مسوين كنكم برنامج دردشات اللي في زين الفرق شاسع ياقماعه



واخيرا .. رساله الى الاعلام العربي ......
فيه اشياء اجدر انكم تسوونها .. بدال برامج الرومانسيه على ضحايا 11 سبتمبر ..وبوش وطقته



كلمتين اخيره ،،

*العالم كله عارفه ومقره ان امريكا تستحق هاللي جاها
الا هو وش جاها ؟؟؟ 3000 واحد مات وعفسونا


*المبادره اللي طلعنا بها ...امريكا تقولنا .. بلوها واشربوا مويتها
لان الواحد لين جاء في راسه شر .. ماعاد يقتنع بشي ثاني



تابعوا ببرنامج صدى الملاعب.. بعد كمن يوم

ماذا قال عبدالرحمن بن سعود عن ام حسين
وكيف تم له العقد معها للطق في عرس ولده
وما موقف ام حسين منه عندما لم يسلمها باقي المبلغ نتيجه لطفارة الانديه السعوديه
وكيف تم القبض عليها اخيرا من قبل ابو فلان (وش خلينا للارهابين )
وكيف تم تسليمها لبوش من قبل ابو فلان .. بعد الاشتباه بها في احداث 11 سبتمبر

وكيف كان حال ام حسين وهي في سجون امريكا

وما الكلمه التي قالتها ام حسين في التصريح .. والتي ضجت العالم باسره << مهيب عاقله محمد الدره

وما موقف باقي عبندة فرقة الشاطئ وعلى راسهم زبيده بعد اللي صار لام حسين.. ( والله عبنده فيهم خير )

8

8

8

وهذا حالنا كل يوم .. مسكوا واحد .. ومشتبهين في عشره ........ الخ


اعداد وموونتاج
محدثتكم بونيةالبنوتات/ ام حسين
تلفزيون الترفيهية... جامعة علشيه:25: