العدل بين البنت والولد 👧🏻=👦🏻

مرحباً بنات، لما أروح السوق أو عزايم أشوف مواقف تزعجني مِن التفرقة بين البنت والولد والموضوع يسبب لي غصة، كيف أم واعية وفاهمة بهالزمن تفضل طفل من أطفالها على الثاني عشان جنسه؟ التفرقة تجي من ناحية الاهتمام والحب والاحترام وتلبية الرغبات، وحتى تجارب الحياة.. أشوفهم مخلين الولد ينطلق ويسوي اللي يبي ويخطئ ويتعلم ويتطور، والبنت محبوسة بحجة ضعيفة إننا خايفين عليها وعلى عذريتها????? اللي يربي تربية سليمة مايخاف من الغلط، بعدين رب العالمين عدل بين الذكر والأنثى في الواجبات والثواب والعقاب، كيف نجي حنا يالبشر ونفرق بينهم؟
صور ثانية للتفرقة هي إجبار البنات على خدمة الأولاد، وأشوف الولد يضرب أخته ويستقوي عليها والأم تشوف وساكته?? إذا كبرو كيف راح يحبون بعض وهم من صغرهم مب متربين صح؟ الولد جني والبنت مسكينة منعقدة نفسياً.


أولادنا وبناتنا أغلى ماعندنا، والمساواة والاحترام أساس كل شي.