نور لازم يكون بوفيه؟
بس اذا بدك مشان عزيمة وشي مرتب انا مطعمي المفضل اماسي
على شارع هورانتاريو مع دندس جنب بلازا اللي فيها حكيم ابتكال..
اكلهم طيب خدمتهم ممتازة زوق والقعده كتير رايقه

عندك كمان مطعم البراماونت
بعتقد عراقي
المطعم اكله كتير طيب بس خدمتهم متل الزفت

مطعم علاء الدين ولا تفكري تدوسيه لأنه البيئة فيه قرف الله يكفينا شره

واذا بدكم بوفيه لازم في مندرين فيه مأكولات بحريه وكتير البوفيه رائع واكله لذيذ بس بدكم تنتبهو شو تاكلو يعني تقرو كويس قبل ماتاكلو لانه عندهم كتير اصناف
وانا برشح مندرين بالدرجه الاولى كبوفيه لأنه كتير زوق واسعاره تقريبا متل اماسي بس على الاقل بوفيه

كمان في مطعم تاني ايطالي بوفيه وسعره كتير معقول بس ناسيه شو اسمه ان شاءالله بجيب لك ياه وبقولك عليه هو في منطقة هارت لاند شارع بريتانيا مع ميفيس..

:)

و الله المندرين مع احترامي انو قرف ما شوفتو الخنزير الكامل اللي محطوط و مع راسه و عالباربيكيو كلو بنشوا مع بعض و عالبوفيه يا سلام كلو خلط بلط اكتر الأشياء فيها هام
الواحد شو ضمنو جد انو شي بزوف المعده
انا لما اجو دار سلفي رحنا و الله كان قرف و فشله الواحد شو ضمنو هدول ما الهم دين ولا ضمير و الله كل ما اتذكر شكل الخنزير بقرف الله يعافينا

مشكورة رنيم كلك ذووووق يا قلبي
لا مو لازم بوفيه بس بفضلو أكتر لأن برمضان حلو التنويع
ومنيح قلتيلي هيك عن علاء الدين حتى شيلو من القائمة
أنا كنت مرشحة باراماونت وأماسي بس أماسي أغلى نوعاً ما
أما مندرين فأنا الصراحة بخاف آكل بمطاعم مو حلال ، خصوصا هدول الصين بيحطو بأكلهن الواين
بس كتير بسمع أنه أكله ظريف وقعدته حلوة كمان
يسلمو إيديك يا رنوم
على فكرة احزري ايمتى اجا زوجي اليوم 9 وربع كنت كتير متمنية اجي على الإسنا وصلي كمان
الله كريم بركي الأسبوع الجاية

اهلين فيكم
بالنسبه لمندرين انا قلت المأكولات البحريه منه ماجبت سيرةشي تاني :)
ومن ناحية الشوي نحنا سائلينهم وقالو انو مستحيل يشو البحري مع اللحوم التانيه لأنه طعمها بيتغير بتعرفي لحوم السمك طعمها مختلف تمااما عن اللحوم التانيه كل واحد اله قرل لحاله
بس متل ما قلتو دام الواحد في عنده محلات حلال ومسلمه يفضل انه يشجعهم ويروحهم ..
:)

وانا بشوف انه البارامونت مناسب اكتر اشي بس بصراحه انا اهمممممممم شي عندي الخدمه يعني بحب انه لما اطلب يكون الناس محترمتني وبيردو علي على طول مو اجلس استنى ساعتين لكل شغله
مشان هيك بقترح انه تحددو شو بدكم قبل بوقت وتقولوهم
بعدين بعد ماخلصنا اكل يعني كان بدنا انه نضلنا قاعدين نتحلى وهيك وطلبنا منهم انه يشيلو الصحون وضلو ساعتين وما اجو فاطضرينا نترك طاولتنا ونروح طاولة تانيه! من جد يعني مافي زوق


اماسي بصراحه عليهم خدمه رهيبه ولسان حلو مابتلاقيهم مكشرين لما كان عمي هون رحنا عليه وحجزنا اللونج كله مع طاولة تانيه وعمي كتير انبسط وقال انه هاد فعلا مطعم ذوق ولانه كنا جمعه كبيره وطلبنا كتير شغلات صاحب المطعم ضيفنا الفواكه على حسابه وكان شي مرتب كتير مقطع ومنظم وفعلا ببيض الوش ..

على فكرة في مطعم للدجاج المشوي ممتاااااااااااااااااااااااااز اسمه ناندو والفرع تبع ميسساجا القعده فيه رايقه وحلوة هادا موقعهم بس هادا (حد نار) يعني اطلبو مايلد مايلد حتى تاكلو هههه
http://www.nandoscanada.com/

كمان في عندك مطعم حمدي
هادا المطعم صومالي بس اكله لذيييييييييييييييييذ بيشبه الاكل الخليجي وفعلا فعلا ببيض الوش المطعم في اوتوبيكو يعني بعيد شوي
18 Rexdale Blvd.
Toronto, ON
M9W 5Z3
بس صراحه بيستااااااااااااهل شي فعلا لذيذ من اطيب المطاعم اللي رحتلها في كندا ورغم انه المطعم صغير بس القعده فيه جدا رايقه واسعاره معقوله واهم من هاد كله انه بالفعل اكله طيب ..
4167457888

رنووووم وأنا قصدي كمان مأكولات بحرية سمعت بيحطو معها أحيانا wine
على فكرة أنا ما بحب الـ sea food إطلاقاً للأسف :)
ويسلمو إيديك يا رب بجد تعبتك معي الله يجزيك الخير ويوفقك
وحكيك مضبوط عن الباراماونت مليون بالمية
وأماسي كانوا ماسكينو لبنانية هلأ عراقية انت جربت أكلهن بعد التغيير؟؟؟؟؟