ولا يهمك حبيبتي

حطي بأذن طينة والثانية عجينة:28:

مرة أنا رحت لزواج ولبست فستان عادي
(علشان زوجي كان مضغوط ماديا في هالفترة)

تدرين وش صرت

:eek:





؟؟





؟


:bkh: جيزانية:bkh:

وسمعت حريم يقولن كانت من أول كنها من عارضات الأزياء:7_18_2:
والحين قلبت لجيزانية:surprised


ههههههههه

حريم عقولهن فاضية:11retcher

ماقول غير ما شاءالله عليج والله يثبتج... حبيبتي خليج على حالج لا تتغيرين لا العروس و لا البهرجة راح تنفعج يوم الحساب! خليج من غير اغاني او مكياج او لبس فاخر او ... او... او... و اللي يزعل بيزعل يوم و لا اثنين هم ماراح يشيلون الذنب و لا راح يتعذبون مكانا!

مرحبا ..

اختي .. العيب مو في تدينج .. العيب انج مو قادره اتفرقين بين الصح والغلط..

اذا انتي مهمله نفسج .. فاشلون باجر اذا اتزوجتي ان شاءالله ؟؟ اشلون راح اتعرفين تتزينيين حق زوجج..؟؟
تبين تقعدين مثل الحريم الكبار .. مو معتنيه ابجسمج ولا في بشرتج؟؟ وبعدين الرسول عليه الصلاة والسلام قال"ان لبدنك عليك حق" والله سبحانه يحب يشوف أثر النعمه على عبده ..

اعرف وايد بنات ملتزمات ومتدينات وبره البيت محد يشوف شي فيهم .. بس بالحفلات وفي البيت قمه في الجمال والاعتناء بالمظهر .. لانه هذا بمثابة تحدي بينهم وبين أنفسهم .. لانهم يقولون ان احجابي ما يعوقني اني اكون جميله .. والله اشوفهم بالحفلات قمه في الجمال والاناقه .. مو يعني متدينه يعني تهمل نفسها بل على العكس تهتم ابجمالها لانه الله سبحانه ما قالنا نهمل انفسنا .. يعني اذا الوحده متينه اتسوي ريجيم و اللي بشرتها تعبانه اتعالجها دايما ..

أتمنى انج تهتمين ابنفسج لانج بنت .. والحمدلله انه رؤيتج لهالبنات أثارت غيرتج .. وبعدين الانسانه اللي ايمانها قوي ما اعتقد زياره وحده للحفله ورؤيتها للبنات بتضعف من ايمانها الا اذا كان ايمانها مو ابذيج القوة .. انا انصحج اهتمي ابنفسج .. وجمالج .. وشعرج لانه كلها نعم من الله لا تهملينها..

احمدي ربك على حالك غيرك يدورونها ولا تياسي

كلام أم عمر هو بيت القصيد , كفت و وفت .

((حبيبتي صديقة دمعات العيون

اولا احب ان اهنئك على عزيمتك الجبارة للثبات على طاعة الله فيما ان جميع من حولك من اهلك وقريباتك ناس اصحاب دنيا..

انا لا الومك على طاعتك لله.. ولكن الومك بانك لا تجعلين حولك الصحبة الصالحة التي تعينك وتثبتك..

معقولة مافي معاك اخوات في الله كل همهم هو طاعته والعمل على مرضاته؟؟

اعلمي انك ايش ما سويتي وايش ما التزمت.. حييجي يوم وتنزلقي.. لكن الصحبة الصالحة هي التي تشدك من يدك وترفعك الى فووووق من جديد..

العرس اللي حضرتيه كان منزلق.. ووالله لولا عهدك مع الله والتزامك من قبل لكان الوقع اشد عليك.. !!

ولكن.....

لااااااازم يكون لك اخوات في الله حواليك.. مو شرط قرايب.. يثبتوك.. ويذكروك بالله..

والله انا كنت في بلد عايشة فيه حتى خلصت الثانوية.. وكنت احضر محاضرات وملتزمة وحتى تنقبت فترة و و و و ......
وبعدين لما تغربت.. لقيت الدنيا غير الدنيا.. والفتن غير الفتن.. وفعلا صرنا زي اللي قابض ايديه على الجمررررر...

ووالله.. ما ثبتني غير جمعات مع اخواتي في الله.. اتفقنا عليها كل اسبوع.. وكان حوالينا اطفالنا وصغارنا.. ومرات في الشتاء الدنيا ثلج والشوارع مسكرة.. لكن والله كان كل شيء على قلبنا زي العسل.. ما ان نجتمع حتى نبدا الحديث الجميل.. كل وحدة محضرة موضوع من الكتب لديها او من الاشرطة او من الانترنت.. ونحفظ قرآن.. وناكل مع بعض.. وننبسط..

وبعدين نطلع من الجلسة مشحونين للاسبوع القادم..

فيا اختي.. لازم يكون عندك صحبة تشحنك كل فترة واخرى.. فلن تستطيعي الثبات والبقاء في الاعلى وكل من حولك يشدك للاسفل..

جعلك الله فيمن قال عنهم الرسول ان اعمالهم بأجر اعمال خمسين من الصحابة!!!))