العريكه اكلت اجدادنا واهالينا صّحيه وزينه وماشاء الله
البعض تكون عندهم وجبه اساسيه يوميه تشوفون حتى الاطفال صحتهم وعظامهم قوي <<< تف تف ماشاء الله :)
هذي العريكه مسويتها للوالد فديته وهذي العريكه المعروفه عندنا بعسير لان لاحظت ناس يسوونها بس بطريقه مختلفه !
المهم طريقتها
دقيق بر يعجن بمويه تفركينها زين بيدك عشان ما يصير فيه حبيبات
نحطها في طاوه او صينيه في الفرن
لين تستوي من فوق وتحت
تطلعينها وتحطيها بتبسي كبير عشان تعركينها
تلبسين يدك قفاز القطن حق المطبخ معروف وتلبسين فوقه
كيس نظيف وتبدأين تعركين القرص بيدك لين يصير
زي العجين يعني مايطلع فيه تكتلات او حبيبيات يكون زي القطن
ثم تحطينها بحافظة او زبدية عميقه وتحفرين بوسطها حفــره وتصبين
السمن والعسل بوسطها او السمن لحاله
هنا سويتها وزينتها بالتمر لان عادي تاكلينها بتمر او عسل حسب المزاج
ادعوا لي ان ربي ييسر لي اموري فانا معلقة عند اهلي من 8 اشهر :(