العمليه القيصريه والرياضه

والله هو حلو انك تسوين بس ما تجهدين نفسك ...
انا دكتورتي كل ولادتها عمليات تقول انها في البداية تعمل رياضة بس مو تجهد نفسها بعدين تزيد شوي شوي

عادي انا صار لي 2 عندي ولاده قيصريه و الحين على اخر ولاده كانت قبل سنه والحين اسوي رياضه و كل شي الحمدالله ما كو شى للحين .....

كلام الناس ما يخلص من التخويف يليتك تشوفيني في النفاس من كلامهم
(حسيت نفسي من الاموات)

خليك من كلام الناس ... والله لو ابي امشي على كلام الناس
كان ما تحركت من بيتي ...
انا ولاداتي 3 وكلها زيك عمليه قيصريه ... وعلا كلام الدكتوره انه من ثاني شهر اقدر امشي على السير .... ومن الشهر السادس
ممكن اسوي الرياضه اللي ابغاها .. مو بس عاد اموت نفسي .. لكن بأنتظام .. لانه حتى الانسان الطبيعي مو زين يجهد نفسه بالرياضه مره
وحنا عندنا اعتقاد خاطئ انه كلما اجهدنا انفسنا وتصبصبنا عرق ننزل بسرعه .. وطبعا هذا خطأ .. لانه الرياضه السليمه هي اللي تكون منتظمه
ومريحه بنفس الوقت وتكون على المدى الطويل ...
يعني مثلا حطي جدول ... انك تمشين خمس او اربع مرات بالاسبوع لمدة ساعه ... صدقيني اذا استمريتي على المشي والله كرشك راح تختفي .. اسأليني انا ...
وممكن اذا بغيتي تبدي برياضة شد البطن بعدد بسيط وبالتدريج تزودي ...
يعني مو مره وحده تهجمي على الرياضه .... ( كأني بديت اتفلسف )

انشالله حبيبتي تستفيدين من تجربتي ...


..............................................................

الله يعطيكم العافيه تصدقون اعطيتوني دافع اني بس اتوكل على الله وابداء بالرياضه حتى انه زوجي يقول وش ذا الجسم الي مافيه ولا لياقه واذا قال سوي كذا حركه رياضيه والله ينفجر من الضحك لانه ولا بعمري لعبت رياضه بس اكل وتدحراج وتلفزيون والمشي لاتقولون اتعب بسرعه على انه ماعندي الوزن الي زايد مره بس كرشه بارزه والي يشوفني يقول حامل بثلاث شهور والله تعقدت كله من نفسي والحريم الي نصايح تخوف فعلشان كذا والله يالعمليه ماتروح من بالي يوم وسلامتكم