والله ياهمس الجراح ضربت على الوجع

أنا موظفة طول عمري موظفة من خلصت الجامعة واشتغلت وتزوجت وانا في الوظيفة وجبت عيالي الثلاثة وانا في الوظيفة. وكانت عندي الوظيفة مهمة جدا وتأتي بالمرتبة الأولى اذا ليش درست وتعبت وتعلمت. ولكن باختصار مستحيل او الواحدة توفق بين زوجها وبيتها وأولادها ونفسها صعب انها تمسك بكل الخيوط مرة واحدة وممكن تعطي الكل بس على حساب نفسها وتظل بصراع وتأنيب ضمير بين البيت والعمل.


أنا راح أقول لك السلبيات والايجابيات:

أبدأ يومي من الساعة الخامسة والنصف في الطبخ وتجيهز الافطار والساندويشات للأولاد للمدرسة ويعدين البس واخرج. واولادي بيرجعو قبلي للبيت ومابنتغدي مع بعض وأرجع مع العصر لأبدأ في الرحلة الثانية من اليوم تدريس الأولاد وتجهيز العشاء وأشوف البيت وش حاست الشغالة فيه .. الخ الساعة 9 أنيم الأولاد وأروح عشرة على الفراش علشان أنام زي الجثة الهامدة.

بالنسبة للحياة الاجتماعية صفرلأني ماني فاضة لأحد حتى الخميس والجمعة أخليه علشان أراجع دروس الأولاد مرة أخرى لو كان عندهم امتحانات وللتسوق واحيانا اطبخ كم طبخة واحط بالفريزز او معجنات. أو أنظف من ورا الشغالة وأطلع بلاوي من وراها لأنك لما تكوني خارج البيت هي طبيعي انها راح تهمل مو مثل وانت مراقبتيها.

زوجي اشوفه احيانا ساعتين او اقل باليوم الأشياء المهمة نتبادلها على التليفون .

أولادي أعتني بهم جيدا ولاأهمل أبدا بأي موضوع يخصهم (حاليا كلهم في المدارس) بس كله على حساب نفسي وراحتي

عصبية وأثور لأتفه الأسباب. لبسي وترتيبي وسط. بيتي نظيف ومرتب بس ممكن يكون أفضل وأرتب من الوضع الحالي.

في السنوات الأولى قدرت الى حد ما اني اوفق بين الوظيفة والبيت بس حاليا وبعد ماكبروا الأولاد بدأت أتعب واحس اني بحاجة للبيت ومثل ماقالت الأخت شانار اللي شتتغل تفوت عليها أشياء كثيرة منها الحياة الاجتماعية والآستمتاع بالهدوء لما يكون الزوج في العمل والأولاد في البيت حتى ماأدري ايش نزل على السوق من لبس وموضة لأني ماأروح الا لو محتاجة شي محدد. مافي وقت للأعتناء بنفسك عدا النوم اللي شطبته من قاموس حياتي.

الشغل رائع للبنت قبل ماتتزوج والى حد ما المتزوجة بدون أطفال أو للسيدة اللي كبروا أولادها وصاروا بالثانويات والجامعات ممكن تسلي حالها بس في مرحلة معينة لازم انها تكون الزوجة في البيت

سلبية أخرى أيضا انك تدلعي أولادك زيادة عن اللزوم حتى تعوضيهم عن النقص بسبب غيابك عنهم فترات طويلة.

الايجابيات:

هو المردود المادي طبعا بالدرجة الأولى تبني نفسك انت وزوجك خطوة خطوة والايجابية الثانية ان عقلك في تطور ومواكبة دائمة للعصر طبعا يكون غير عن ست البيت.

ولكن بعد التجربة لأ البيت أفضل للزوجة مية مرة واللي مامحتاجة الوظيفة بصورة ملحة تجلس في البيت أفضل.

بس بسأل الأخت رسيل بعد ماجربت الوظيفة والبيت ايش افتقدت من الوظيفة لما تركتيها؟ وماتملي أبدا من جلسة البيت؟

التوفيق للجميع

سبحان اللة اللي خلق الزوجة للبيت
انا موظفة كل حياتي لكن راتبي عالي ولا اقدر اترك وظيفتى لانى اتعودت احاول اوفق وارضع طفلى طبيعي واهتم بالبيت احيانا اكثر من بعض الغير موظفات ولكن على حساب راحتى شوي والمسالة تحتاج تنظيم وقت
زوجى متفهم لوضعى فيشلركنى المسئولية بكل شى ومشاكل العمل عندنا كلنا حديث مشترك دائم بيننا
جربت اجازة استثنائى فيها راحة لكن ملل شوى------اشتاق للبيت --والجلسة فية ---لكن مافية امل:44:

أنا أشتغل من يوم يومي !!!

وما أطيق جلسة البيت ومرتبي عالي ولا استطيع الاستغناء عنه احس حالي بأمان ووضعي مستقر لأني بصراحة ما أتخيل نفسي أطلب من زوجي كذا ألف أشتري شي لنفسي أو هدايا وأضطر اتزين لزوجي وأوريه الوجه الملائكي حتى يعطيني فلوس زيادة !!

يعني الزوج بيصرف على البيت لكن بيعطيكي نصف مرتبه الشهري ؟؟؟ طبعا لأ !!! والوحدة محتاجة لأشياء كثيرة !!!
وبصراحة الشخصية تتكامل وتتنامى بالعمل !!!

ومرات أقول ممكن أجلس بالبيت لكن كيف بصرف ؟؟؟؟؟؟؟؟؟؟؟؟؟ وممكن الجالسات في البيوت طلباتهم تختلف .؟؟؟؟
أنا الخميس والجمعة ما أطيق جلسة البيت كيف كل يوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخواتي الموظفات هل تأيدوني اتوظف بالنسبه لي زوجي راتبه حلو بس عليه ديون هل اتوظف ولا اقعد في بيتي لعيالي وخصوصا ماعندي شغاله ولا ابيها وش رايكم ؟؟؟؟؟؟؟؟؟؟؟؟

همس الجراح ، أنا موظفة قبل ما اتزوج بصراحة كان الموضوع عادي مع أن دوامي طويل لين الساعة 4:30 العصر ، لأن ما عندي أي إلتزامات ، بس يوم تزوجت بصراحة استثقلت الدوام و بديت أحس أن طويل جدا، تخيلي زوجي يرجع قبلي يتغدى و ينام و العصر أشرف أنا ، يعني الحال انقلب الريال ايي قبل الحرمة ، ويوم يانا نصووري ازداد الطين بله ، بس أحاول أرتب يومي على حسابي راحتي ، مب مهم المهم أن ما اقصر على زوجي و على نصووري ، نصووري من الساعة 4:30 لين 10:00 و أنومه ، و بو ناصر الليل كله ، والله يعيني على هالدوام.