هلا اختي gaamra

اذا كان زوجج راتبه يكفيكم وتحسينه قادر انه يوفر لكم كل شي تحتاجونه بدون ما ياخذ دين مره ثانيه لا تفكرين بالوظيفه والله ما تستاهل انج تهملين بيتج وعيالج على سبت الشغل .. والله انه الشغل مشاااااااااااكل ودوشة راس على ولاشي وترجعين من الدوام هلكانه مالج خلق ان حد يكلمج واليوم يضيع بين مشاكل الشغل ومشاكل البيت بدون ما تكسبين شي واذا على الفلوس والله انها ما تساوي التعب اللي تتعبينه علشانها ولا تساوي لحظه تقعدينها مع عيالج تشوفينهم وتشوفين همومهم ايش بتنفع الوظيفة اذا ما قدرتي انج تعطين عيالج وزوجج حقوقهم

اما اذا كنتي مثلي فانا زوجي بعد عليه ديون و قاعدين نبني بيت العمر وهذا الشي اللي مخليه متكلف على نفسه وايد لان كل اللي يوفره يحطه في البيت غير مصروفنا الشخصي وغير مصروف الشغاله اللي اظطرينا ان نجيبها بعد ما توظفت

يعني ما يجي 10 الشهر الا وهو ما عنده شي وما ابي زوجي ياخذ قرض مره ثانيه وهذا اللي خلاني اتوظف علشان زوجي ما ياخذ دين ثاني يعني انا اشتغل بشكل مؤقت لين الله يفرجها

والله يعينا على سداد الدين الاول ويفكني من هم الشغل علشان اقدر اعتني بعيالي وببيتي ..

مشكوره اختي همس الجراح والله يجزاك خير ويعينك على وضعك وبصراحه انا وزوجي على وشك نبني هالايام علشان كذا فكرت اتوظف لمساعدته ..
الله يوفقنا وياكم وييسر لنا كل صعب ويفتحها علينا
اللهم اكفنا بحلالك عن حرامك واغننا بفضلك عمن سواك

الافضل انك تتفرغين لبيتك :26:
hatha rayi :27:

أخواتي ..
اسمحوا لي ان أشارككم الموضوع بهذا الطرح المتواضع :

http://forum.hawaaworld.com/showthread.php?threadid=225440

إن شاء الله فيه الفائدة :26: