888
المماليح اللي فوق صقيقاتي شقوحه وأم القنص جعل عيني ماتبكيهن
يبن يفرحن الوراعين وسون لهم فلم كرتوني من بطولتهن00الحقوا على الكميه قبل تستنفذ
الموووووووهيم مو هذآ موضوعنآ
الله يخسك يابليس
يوم بغيت اكتب المقدمه الي مجهزتها بعد شق الانفس نسيتها يالله وش السواة الحين شكلي
ابدخل في السالفه بدون مقدمه00أعوذبالله من الخبث والخبائث>>>>مضيعه الأخت
لكن السؤال الشباصات بيرضون(أكيد يالعنقريزيه
بيرضون) 00قولي ليش00 من غير ليش لان قلوبهن طيبه ويعفون عن زلات الواحد اكتبي ياسحليه
اكتبي بيسامحونك)خلاص على مسؤليتك........
(ابدا وخلصينا تكفين يا نجيب محفوظ)
دامهم بيرضون أنا طالبه الفزعه وطالبه القرب>>>>لازم تدخل العرس بالموضوع
ابيكم تخيلون معي ان كل وحده لها رتبه مثلن أنا ضابط>>>>جندي ويخب عليتس
وشقيح لواء>>>>>>>عزالله راح أمن الدوله
وقنوصه عشانها تحب البر وصبور جندي>>>>>بهذي صدقتي
واللي ملازم ورقيب وهلم جرا>>>>>ترى ماكتبت الموضوع الا عشان هلم جرا
أنا حرمة شفت عالم واجد وحريم واجدات بس
صراحه كثرنا يالحريم لو يجندونا صرنا نينقا
تخيلواتصير صدق وندخل الجيش وصار لازم كل عائله بناتها يروحون تجنيد
ويخلونا نروح ونجتمع في مكان واحد ونتعلم أصول الدفاع عن النفس
************************************************************
>>>>>>>>>>>>حركآآآآت كل هذا وتقول نسيت المقدمه
صحيت من النوم كشتي طايره وقالب لون شعري من كثر ماأهوجس
وكالعاده متمده يبي لي نص ساعه بالكثير عشان أروق وأقوم000الا وتجي امي تنفضني وتطير هواجيسي 000قومي العالم شابه برا وانتي عايشه بعالم ثاني0000رحت للصاله وقلبي يطربق وش صاير00 الحاره كلها مجتمعين ببيتنا أخواني وأخواتي وجيراننا واللي واللي أعرفهم واللي ما أعرفهم
وأنا اللي أسألهم وش فيكم؟؟
ويقولون من بكره تجنيد اجباري
وأشوف شرارات تطلع من عيون البرذرات>>>> تقصد اخوانها
ويحجروني في الكورنر اذا اجبروتس لاتوافقين
طيب بس فكوني
لله ويدق التلفون حق البيت وانا اللي ارتجف واصارخ << قلت بيجروني الحين
وأرد الا وصوت شقيح تقول سمعتي الخبر وأخيرا تحقق الحلم اللي طول عمري أحلم فيه بصير لواء
الله وأنا ضابط 0000يالمصرقعه فرحانه انتي تعرفين وش التجنيد يعني بتنحرمين من كل شي حلو حتى لذة النوم بتمنينها
مامداني أسكر من شقيح الا وتدق أم القنص قنوصه
أنا:دريت كانهم يبشرونكم بزيادة خمس بالميه مو تجنيد
وهي تقول الله يالعنقريزيه بيودونا للبر وأقنص والله أوعدتس هناك اني لأصيد لتس أكبر ضب
أنا لا أبي جربوع>>>>>>جازت لها السآلفه
سكرت السماعه
وجهزت شنيطتي وحطيت فازلين>>> عشان بيشب فيني المشق وهو شاب فيني خلقه
ودقت الساعه 6 وانا اللي اقوم واطالع بوجيه امي وهي تضمني وانا اقولها حتوحشيني ياماما<<< قلبت مصريه
وأروح للمعسكر وأدخل وأشوف بنات أشكال وألوان اللي رقيقه مره>>هاذي أكيد مهيب سعوديه فيها عرق بس دوروه
وأسمع صوت وحده طربآآآآآنه 00الصوت مو غريب علي وأدخل وألقى شقيح ماده كراعينها ولابسه خط البلده الأخت فاضيه تحط حنه على شعرهآ ويوم شافتني الا وتخمني وتلطخني بالحنه
حتى وجهي اسبوع وهو صابغ حناوي>>>>>>لون الحنه يقال انه برتقالي على ذوي الخط الأبيض و أحمر داكن على ذوي الخط الأسود
عادانتم حددوا أي خط أنا؟
ومادريت الا وحده طبت علي طبه من ورا وتسكر عيوني بكل قوتها وأنا أقول مايحتاج عرفتس من يدينس الحرشه000
اللي وعدتس جبته لتس
وتوريني ضب وش كبره كانه ورل ينعن خيرتس وشلون طلعتيه من جحره هذا
,ويدخل علينا هاك الضابط اللي كرشته كانها كرشة وحده بالتاسع ياحيل الله حتى الضباط ماسلموا من الكروش
ونفخ علينآ ذيك النفخه اللي خلتنا نضرب له تحيه من فوق خشومنا ويقعد يسب ويشتم
انتم جايين تجنيد والا منتزه00يبيلكن حبس انفرادي من أولها
رئيس المديريه بيجتمع بالمجندات 000امشن قدامي جعل رجليكن للكسر 00ياهب ياكرشته ماخلى دعوه مادعاها علينا
وأنا اللي أقول أم الفزعات القنص تكفين هدي الضب عليه خليه يوريه شغل الله فيه
ونروح لمقر الاجتماع
ويمشي علينا بالدور يتفكر في خلق الله ويوم وصل لي
قال لي تكفين طلبتس تكفي بكله واحده في الشعر عشرطعش بكله مايحتاج
ويمر من عند شقيح ويخزها من فوق لتحت وهي عصاقيلها تصافق ويقولها ليه ماكملتيها وجبتي المره والديرم معتس
ويمر من عند قنوصه ويدقها دقه قويه انتي بنخليتس حق القنص ومطارد الضبان
ويعطينا التعليمات ويتوعد اللي ماتنفذها بتجني على نفسها
ويجي الليل وتروح كل وحده لغرفتها
طبعا مقسمين الغرف كل بنت على حسب رقتها طبعا انا وقنوصه وشقيح مع الناس الرقه>>>>>أما عاد هذي
وفيه وحده من جينا المعسكر وهي لحالها وكاشخه بالنظارات الشمسيه بانهار والليل 00السماعات بأذانها 00تشوفنا ولا شي عندها الظاهر اننا من كوكب ثاني
ويوم قمنا لقينا أشكالنا مسطره ومغيره اشباهنا لدرجه أتحدى امي تعرفني
الا بالكويه تحت علباي
رت ترت ترا ترت ترت ترات >>دقة الجيش
وأقعد اصفصف شويشتي المحسحسه
وقال أنتي تدربي علي الحبال0000وشقيح على الدبابات>>>>صكيتها عين
وقنوصه على الرمايه
************************************
راحت كل وحده على مهمتها ورجليني يتزلطن تزلط ماعاد ينفع بهن الفازلين
وتمر من عندي شقيح تفحط بالدبابه
مبسوووووووطه 000ياااااااااااااااااااااو يالعنقريزيه
والله مجديين فيتس
مبسوطه تشمتين 000الا ليش ماتركبيني معتس ونفلها
قالت يله ونركب أنا وياها وتجي الزاحفه قنوصه
وتركب معنا ونفحط فيها حسنا الميدان
ونرج المعسكر رج ويجون الضباط كلهم ويلاحقونا وتطلع راسها شقيح وتطلع لسانها عليهم >>بيجيها طق الله يعلم به
حجزونا يوم كامل انفرادي
*******************************************************
جاء الصبح المحرق ويوم اربعاء قالوا عشانه ربوع لازم تتعودون على حياة البريه>>يعني اللي عايشين في الخضرة
ويقردني الله في القرعه مع وحده رقيقه اسمها عنود2007 تلبس لثمه ولامحدثتكم صاقعه البرقع الصقر
وأنا أشوف صديقاتي الصدوقات يناقزن ويطاردن ورى جرابيع يصيدونها وتقوطر سعيبيلاتي مامعي إلا ذا الرقيقه جايبه جوال تهريب وتلعب به لعبة الثعبان
وأنا اللي أقوم وأسمي على ذريتي وأصطرها على جبهتها وألعب
xo
بمناكيرها على خشتها
وأروح أركض وألقى ذيك الحرمه العجوزه الغجريه>>عاد انتم افهموها
وأشوف التمروالاقط والمعزات والبعرورات وأقعد أخمها من الفرح
تصرعت من ريحتي وتعطيني عيشه وتقول روحي لاتذبحين حلالي بريحتس الخايسه
وأرجع أدراجي وألقى ذا الرقيقه مع الهت فون وتسمع الأماكن منطربه وأقوم وأكمل عليها قلت رحمتس الله أنتس تسمعين أبو نوره ولا لوتس تسمعين تامر حسني كان نهايتس على يديني
وأرجع المعسكر
وألقى صديقاتي فيه ونايمات >>من قدهن مجربعات ومضبضبات>>تسمع بالصيد
وقمت من النوم تعبآآآآآآآنه ومالقيت أحد 000وين رآآحوآآآ البنآآت لايكون رجعوا للديره وخلوني 000وأطلع الا صوت ردح وتصفيق000
الصفآفه من غيرهآ شقيحآآن أطربت حتى الضباط
مسوين حفل ختآآآمي للمعسكر0000
كلهم يردحون حتى أم النظارات الشمسيه 000وشقيح تغني بصوت عآآالي
تخاويت انا والذيب سرحان = ودعيته بامان الله وجاني
خوي خاوني ماضي افنان = واليا شرف المرقب شفاني
عقرت السمينه له بصفطان = وعطيته مواثيقي واماني
وانا في خويي ما آخذ اثمان = الا بنفس ذباحه بياني
ضربته بشلفا فعلها بان = وهي من كف غمر صبير ماني
ويا البيض شومن لبن ضبان = وكبن مهاوات الهداني
هلا هلآآآآآ 000أيوووووووووووووووووووووووووه عاشاوآآآآآآآآآآآآآآآآآآآآآآآآآآآآ
ويجي نهاية المعسكر وفرحانه أحس أني أبنجح
وتجي عنود بلثمتها قدامي وانزرها وأنغزها قلت يله بس
مانجح الا أنتي وأي وألله وينادون أسمها وينجحونهاويسقطوني وهاذا وأنا مسويه مأكشنه
بعدهاومادريت الا زنوبه مقاس 40 بوجهي آثريهم اخواني يتضاربون وقوموني من الكابوس اللي كنت أحلم فيه
***نتقبل النقد الهادف 888
888888
نجي للاكتشافات 000اكتشفت ان البنات ينقسمون الى 3 أقسام:
الأول
اللي تلبس لثمه فهي أنسانه رقيقه وكاش وتلقونها تسوق في المملكة والفيصليه وباريس قاليري وممنوع تحارشينها
ودايم تنجح حتى لو أنها مفهيه وتاخذ شهاده الدكتواره بلاش
النوع الثاني
طبعا كاشفه وجهها و تلبس نظارات شمسيه سعرها رقم مميز
هاذي تضرب لها سلام ولقونها دايم في الشانزليه
النوع الثالث
تلبس برقع 000النعومه بجهه وهي بجهه تحب البر اخت رجال وراعية فزعات تحطينها على يمناتس
بآآآي و أتمنى لكم أوقآت سعيده كآنت معكم من خلف الكيبورد
بنت الجود و الزين الوايليه.. التي تقطع بنت بولند حليمه.. و تقطهآ قطه مستديمه
الا على فكره ماجاكن مشق من هالسالفه؟!؟
تقبلي مروري؟