السلام عليكم ورحمة الله وبركاته
عيدكم مبارك..تقبل الله منا ومنكم صالح الأعمال
بادخل في الموضوع بدون مقدمات
السنه هذي يا بنات صعقت والله صعقت !!
تخيلوا داخله أسلم على الموجودات في البيت الكبير يوم العيد
الا وش أشوووووف؟؟
ثياب ..... ثياااب...:35:
تشبه قمصان النوم
قصييير +سيووور+الصدر عاري ما بقى الا ....
قلت في نفسي (طبعا الضحية اول وحده قابلتها..ما دريت انهم يتنافسون من أجرأ في اللبس)::
يالله صباح خير ..شكلها مضيعة غرفة نومها خخخ
وادخل المجلس الا وانا في حلم ..معقولة أختي فلانة العاقلة تلبس كذا؟؟انا واياها نشتري مع بعض إيه..نشتري بناطيل وقصير بس لبيوتنا..ما نقابل بها أحد..((عشان ما تظنون اني معقده مثل ما قالت لي وحده منهم))
لكن وش خلاها تلبسه هنا؟؟
((هذا اللي في السوق))هذا عذرها!!
أمي يا حياااتي ما تدري وش تقول..كانت مضرب المثل في التربية
وضبط الأبناء..والآن حست انها مقصره جدا في تربيتها..
تقول::وين كلامي لكم (كل حاجة بتسوينها شوفي من بيكتبها؟؟
اللي عن يمينك والا اللي عن يسارك؟؟والا هي تراها مكتوبه مكتوبه.)
(البسي لزوجك اللي تبين لكن لا تجيني به ولا تستقبلين به الا زوجك)
ايييه..واكمل دخولي وسلامي وانا في شبه غيبوبه من هول ما أرى
مييين؟؟
فلانه وفلانه((باختصار بنات اخوي !!العاقل الملتزم؟؟))
و و و و و
باقول لكم اللي لابسين طويل أسهل ::أنا كم وحده ما نجي 11 وحده من مجموع 36 _40 وحده.
كأني أشوف فيديو كليب!!
المستحيه فيهم لابسه ستريتش تحت فستانها القصير
والا مطوله بلوزتها فوق بنطلونها
لكن اللي مسويه فيها وجه ابن فهره لاا والله الا ماخذه راحتها
على الآخر قصييير والصدرمكشوف ..الله يعافيهم ولا يبتلينا
قمت طلعت بقرار شخصي وأعلنته قدامهم::
هذا ماهو شكر النعمه اللي أمركم بها الله.
ربي ما أمركم تتعرون عندنا..اللي مضيعة غرفة نومها ندلها..
تذكروا وش كنتوا تقولون عن المذيعات اللي تشوفونهم؟؟
(الله ياخذهم وش خلوا لغرفهم؟؟)
واليوم انتم اللي وش خليتوا لازواجكم؟؟
ومثل ما كنتوا تقرفون منهم (المذيعات) ترانا نقرف منكم وانتم قدامنا بهالشكل..
وقراري((اني اتعيد السنه الجايه في بيتي ))
باروح ان شاء الله ..ان كان لي عمر ..لمصلى العيد
وارجع أسلم على كبار السن فقط وأطلع لبيتي أحسن من كسب الذنوب +ان بنتي بتشوف هالمناظر وتتربى عليها:(
من تؤيدني ومن عندها طريقه أفضل للعيد النظيف؟؟
جزاك الله خير