اللي هو الذبيحة اللي يحطونها في المسجد واذكر كانت الله يعطيها العافية تجهز من الليل له
وفي الحوش تستعد وتحضر العدة <<الله على ذيك الريحة لافاحت ريحة خروف العيد
وبعد صلاة العيد نكشخ وتبدا الطرارة قصدي المعايدة على بيبان الحارة
وطقطقطق
عطوني عيدي عادتك عليكم
الله يخليكم ويعيده عليكم
وتنفتح البيبان بس موب كلها واللي يعطيتس ريال واللي فصفص واللي حلاو ابو علك
واللي حلاو عسل مدري تذكرونها ذيك اللي قرطاستها ذهبي على اصفر على برتقالي
وعليها صورة نحله واللي يعطيك مكسرات ومخلطات العيد من حمص وحلاو بيض الصعو
خخخخخخخخخخخخ حلو اسمه اكشخ من باتشي يشبه حلاو مكه اللي يجيبونه الحجاج
او حلاو بقر انتي وحظتس وان كانتس جيده ذاك اليوم عايدتس احد بخمسة ريال
وبعد ما نخلص معايده نعود ادراجنا والشمس قد فوحت روسنا ودخنا نخمد الين العصر
ونستانف الطرارة عفوا المعايدة يمكن فيه بيت مافتحوا لنا مايصير لازم يفتحون بالغصب
هذا كله بعيد الفطر لكن بعيد الاضحى محد يعطينا وجه يقولون عيد اللحم
واذكر في مرة طقينا وجهينا ورحنا نطقطق على الناس بعيد ضحية الا ويطلع لنا
ذاك الولد عمره يعني على 17 حولها اذكره الى هالحين خخخخخخخخ ولما جينا نعايد
عطوني عيدي عادت عليكم
الله يخليكم ويعيده عليكم
قال اصبروا شوي ويدخل ويرجع لنا معه كيس شحم الا نتفشل ونضف وجهينا
ونحس على دمنا ونترك هالمهنة الشريفة لغيرنا :huh:
وبعد ماكبرنا شوي وتغطينا صار يوم العيد يوم حزن نقوم من الصبح ونكرف ونتعب علشان الضيوف اللي يجون عند الوالد الله يغفر له ويرحمه ومانحس
باي طعم للعيدمانصدق يجي المغرب نروح لاعمامي نعايد عليهم وغالبا اعمامي كلهم يسافرون على العيد ومايبقى الا حنا
نعد الجدران واذا الله قدر علينا بعد كم يوم يودينا واحد من اخواني للملاهي وبس
وكنت في ذيك الحقبه من الزمن كل صبح عيد اردد ابيات المتنبي
عيد باية حال عدت ياعيد
ابما مضى ام لامر فيك تجديد
وصرنا انا وخواتي نتعايد بها صبح العيد بدال مانقول كل عام وانتي بخير
نردد هالابيات خخخخخخخخخخخخخخخخ
وبس انتهى عيد ايام الابيض والاسود
هالحين ودي اعرف من فيكم عاشت تلك الحقبه من الزمن <<علقت وعاصرت ايام المعايدات
في الشوارع وبزران الحارة والطقطقه على البيبان
واللي ماعاصرتها تقول لنا كيف اختلف عيدها اول عن هالحين وش احسن ؟؟
لا احنا يوم كنا صغار اذا قالوا بكره العيد نطرر
اما العيد الحمد لله اللحين احنا مانكرف لان طول العيد ننتقل من بيت البيت لخوالي وعماني واخر شي ننقعد عند خوالي لان النوم سلطان