العين ماراحت ؟والا مرض نفسي ؟

السلام عليكم ورحمه الله وبركاته
مريت بأيام سوداإااااااااا حسبي الله ونعم الوكيل
بغيت حتى افقد عقلي فيها لا متهنيه في نوم ولامتهنيه في اكل ولا في طلعه مووووووتتتتت بطييييييييييييء ووسواس ان احبابي بيصير لهم اشياء سيئه وانه اخر يوم اشوفهم فيه واذا دافعته يقول ماتستحقين الحياه اصلا ومكانك القبر !!!!!
(((((( هالبلاء جاني من دوامي )))))))
لييش طيييب ؟ انا وش سويت ؟؟ صحيح اني متفوقه بس قسم بالله ان اي وحده تحتاج شغله سواء اعرفها او لا اخدمها وامشي معها لين اقضي لها حاجتها والله حتى بدون مقابل ولا قد ضريت احد وفي حالي دايماا!!
حلفت بعدها اني احرقه بالبقره يوميا لاني تأكدت انها عين وحسد وقد لفيت المستشفيات وسويت كل شي وقالو لي سليمه استمريت عالبقره يوميا ولله الحمد كثير من الاعراض خفت وارتحت من الاحلام والترويع اللي يجيني والغثيان والاستفراغ الله يكرمكم والغلقه اللي في صدري والكآبه بدت تنفك بفضل الله بس باقي فيني توتر وقلق وخوف وكله بسبب دوامي اذا كان عندي دوام القولون العصبي يبدا يتحرك وتنسد نفسي عن الاكل والوساوس شغاله ان الحاله القديمه بترجع وغيابي صار كثير ونحفت من كثر التفكير وقل شعري وصرت ماهتم حتى بنفسي خايفه اخسر نفسي ودوامي ..
وش معنى هالشي اللي يصير لي ؟؟ يعني العين باقي ماراحت والا لا ؟؟؟ هالاسبوع ماقريت البقره بس انفث ع نفسي بالمعوذات واقول اعوذ بعزه الله وقدرته من شر ماجد واحاذر وجتني 3 كدمات في رجولي !!!!
والا على قوله صديقتي انه مرض نفسي نتيجه لكثره التفكير والخوف وعطيت الدوام اكبر من حجمه وزودها ان ابلليس لقى مدخل يدخل علي منه بالوساوس وذكرني بالماضي عشان كذا انا صرت حزينه عشان كذا القولون العصبي يتحرك اذا وقت دوام واذا اجازه لاا عادي
الاختبارات الاسبوع الجاي والوساوس شغاله اسحب ولا اروح لان قد حصل لي موقف وقت الاختبار وارتعت منه اخذت الورقه ويوم جيت بحل انمسح كل شي من راسي مع ان الماده تافهه والاختبار اتفه يحله الطفل وطولت لين الله فتح علي وحليتومن عقبها وانا ارتاع من الاختبارات واللي زود الطين بله رحت اسوي تحاليل روتينيه عاديه قالت لي الدكتوره التحاليل تقول ان فيه مؤشر ع وجود ورم في المخ !!!!!!!!!!!
لاحول ولا قوه الا بالله سلمت امري لله وتابعت في مراجعاتي وبالرقيه والحمد لله قالت لي نسبه الورم خفت وصارت ضعيفه بفضل الله .
طب انا وين اروح وين اولي اترك دراستي معاد بقى لي الا 5 شهور واتخرج ؟ واهجر الاجتماعات واجلس بالبيت اصك ع نفسي ؟؟؟؟؟


اعتذر عن الاطاله 💐