السلام عليكم ورحمة الله وبركاته
اهلين اختي يسرى وكل عام وانتي بخير وسلامة
اختي في البدايه اقولك ان موضوع سفر زوجك عادي باذن الله ومافيه اي اشكاليه؛؛
لكن من ناحية المشكلات الي بينكم صدقيني اختي بيدك تغيرينها وبيدك كمان حتى تغيرين طبع زوجك وتخلينه يعزك
مثل قبل وازود وذلك بطاعته واهم شي لا تقعدين تحطين راسك براسه حتى لو جاب سالفة الزواج او غيرها من الامور
خلي كل شي طبيعي يعني يمكن زوجك عنده ضغوط عمل او ضايقه ماليه او غيرها فاتكون حالت زوجك النفسيه مش ولا بد
وماتدرين اختي يمكن لانه شايل الهم انه راح يسافر ويتركم ويتصرف بهذا الشكل بشكل غير مباشر ومن غير مايحس
وتصير في النهايه مشكله كبيرة مالها حل وانتي تقعدين تفكرين انه ماعاد يعزك مثل زمان ؛؛؛؛؛؛
تدرين اخت يسرى اذا كان زوجي معصب واحيانا تكون مثلا اغراض البيت ناقصه واقوله جيبها معاك ويقول ماهو وقته
او خليها يوم ثاني ولا ليش ماقلتيلي من امس وطبعا يقولها وهو معصب يجي عاد دوري بكل برود واقوله براحتك سوي الي يعجبك او ماارد واخرج من الغرفه صدقيني هو يخجل من نفسه ويبدا يحترمك ويقدرك
وحكاية الشات اختي والله ماانتي مستفيدة منها الا بتزيدك هم فوق همك واي شي او مشكلة واجهتك صدقيني البنات في المنتدى مابيقصرون معاك مثل اخواتك ؛؛؛؛
وحاولي توفرين لزوجك الراحه جددي في البيت مو شرط بالاثاث بتغيير بسيط وانتي كمان لا تنسين نفسك ترى اذا تجملتي لزوجك بتلفتين نظرة وبيقول( ماكان عندي نظر)
واطفالك كمان نبهيهم اذا جاء ابوكم لا تزعجونه على طاري الاطفال بنتي الله يحرسها عمرها3 سنوات لكن تجنن ابوها
وتقولة بابا لاتقرأ العب معاي وتفتح باب غرفة المكتب وماتخليه يقرأ فاصرت اضطر اصحيها من نومها بدي علشان تنام بدي ويكون البيت هادي يقرأ براحته ؛؛؛؛؛اعملي لزوجك حلااااااوقاتووووه عصير طازا وقدميه له وهو منهمك في القرأه راح تكبرين في عينه ،،،،،
معليش عزيزتي طولت عليك لكن اتمنى انك تكونين استفدتي من تجربتي البسيطه ولو بالقليل اليسير ؛؛؛؛
واسال الله القدير ان يفرج كربتك ويزيل همك عاجلا غر اجل

اختي بنت آدم مرحبا فيك و انا انتظر اقتراحك .مشكوره.
اختي العصر الحجري مشكوره و جزاك الله خير على مشاركتك و الله انا تركة الوظيفه و العمل في اي مجال لاركز في اهتمامي في البيت و زوجي و اطفالي على العلم ان معي الشهاده الجامعيه و كل الذين اعرفهم يستغربون اني لم اقدم على مكتب التوظيف و ذلك لان عندي قناعه انا بيتي و زوجي و اطفالي بحاجه لي و لكن الان اتندم على كل الفتره السابقه اذا كان زوجي يقول ان يريد ان يتزوج علي و الله اثرة في لدرجة اني جالسه ابكي الان و انا اكتب المشاركه حسره على السنوات الي فاتات . و بنسبه لطلعات زوجي له فتره مايطلع معانا اللهم يوصلنا المكان الي نريد ان نذهب له و بس و هنا انا اطلع لوحدي انا و اطفالي بالقطار او الباص او تاكسي و على هذا كله انا انسانه ما ادعم لا حول الله.
اختي Beloved مشكوره حياتي على المشاركه و جزاك الله خير . بنسبه لعمل زوجي صعب جدا دراسه و عمل و العمل يتطلب منه السفر باستمرار هوا الان مسافر و بكره راجع . و ان اعلم انه عنده ضغوط و صعوبات لكن المشكله انه ما عد صاير يتحمل لا اطفالي و لا سوالفي معاه بس ابعدوا عني و انا برتاح و عندك على الانتر نت طول الوقت . مشاء الله ثلاث ساعات اربع ساعات عادي على النت . و الله يا اخوات اطلب ساعات نطلع نغير جو و يرفض بحكم البحوث و الدراسه و هاتك اتهام انتي ماتدعمين انتي و انتي و في اليوم الثاني احد من اصحابه يكلم يالله نطلع مانشستر على العلم تبعد هنى ساعه ما عنده اي مشكله و مايرجع الا اخر الليل و يويلك تفتحين فمك ااااه ه ه الحمد الله على كل حال . و جزاكم الله الف خير

طيب يسرى خليه لا تحتكي معاه كثير.......بس.....وهل هو جاد في حكايه الزواج او انه يهوشك ............وحاولي تفكرين يمكن فيه شي ناقصه.................نصيحه حاولي في ساعه صفا تعرفي ايش معني الدعم الي يقصده يمكن له معني ثاني غير اهتمامك بالعيال والبيت وبه هو شخصيا اما بالنسبه للعمل انا زيك مخلصه جامعه وقدمت وظيفه وما حصلت
بس هذا مايمنع انك مثلا اذا تحبي تساعديه تقدمي مره ثانيه اذا رجعتي او تدوري وظيفه في المجال الخاص اذا كان هذا هو الدعم الي يبغاه زوجك

مرحبا اختي العصر الحجري . زوجي اصلا هوا الي شجعني اني ما اشتغل و بلعكس مره مبسوط من هذي الناحيه على العلم ان زوجي منصبه في العمل ممتاز و الحمد الله و ليس بحاجه لدعمي المادي هو يحتاج دعم معنوي على قولته من يوم ما يدخل البيت يبغى كل شي على سنجة عشره لا ازعاج و لا طلبات ولا سواليف او طرح مواضبع طيب انا افكر ان كل الناس عندهم اطفال و ازعاج و طلبات اجل ليش الواحد يتزوج علشان يجلس لوحده كان ماتزوج من الاساس انا عندي مشكله ان زوجي ما يتحمل اي شي في البيت حياته عمل و اصحاب و انترنت وبس لكن الله يعين انشاء الله

طيب يسري وصلنا انه يبغى الهدوء اكيد عنده مشاكل في عمله ..................اليك طريقتي اصحي الاولاد بدري وطول اليوم يلعبون واحاول ماانيمهم في النهار والساعه 7 المسي يكونون نايمين............يجي من الدوام الساعه 6 ويصير البيت هدوء يقدر يقرا براحته ويسوي بحوث ويجلس ع النت براحته ماتتصورين صار يقولي لاتنيمينهم خليهم ................... والاهم ياحبيبتي اولادك لاتحسسينهم بالمشاكل مع زوجك
الدعاء في جوف الليل والصلاه تريح القلب اسال الله العظيم رب العرش الكريم انه يفرج همك صدقيني حاسه فيك بس خليك قويه احساسك بالقوه من جواتك رح يصبرك