الله يعنيك .. أسال الله العظيم رب العرش العظيم ان يفرج همك
ادعي في جوف الليل انه ربي يهدي زوجك ويهدي سره

أختي يسرى

الله يرفع الضر عنكم ويزيل الغمة من بيتكم ويسخر قلب زوجك لك ويسخر قلبك له

من كل قلبي أدعيلك....اتصبري يا أختي..بعض الرجال تركيبتهم هكذا..من يدخل البيت ما يبغى يسمع فيه أي شي ولا ايش شكوى ولا اي نقاش..ولا كأنه هو عايش لوحده

بس انتي لا تستسلمي وتتعودي ترى لو ما اتصرفتي بايجابية خلاص بيصير هذا منوال حياتكم...هو متوقع منك السكوت دايما وفصل الحياة الأسرية عنه..وهو بس يشتغل ويجي البيت يبغا ينشال على كفوف الراحة..

حاولي بهودي تتكلمي معاه اشرحيله انكم مشتركين مع بعض في الحياة الزوجية..وانه راع ومسئول عن رعيته..قوليله بطريقة محببة احنا مين لنا غيرك بعد الله...واذا انت ما فضفضت لك واتكلمت معاك وأولادي جو جلسوا معاك نروح لمين؟؟ هل تحب حياتنا الشخصية أحكيها للغرباء وانت موجود؟؟؟

انت لما يجي البيت لا تجلسي على النت عشان يحس انك متفرغتله..مبدئيا..حاولي تدعيله لما يخرج من البيت الله يوفقك..الله لا يحرمنا منك..لا تكوني متشائمة ومضايقة..وادعي الله دايما يشرح صدره ويهديه..

ان شاء الله ما عليكي بأس وبريطانيا أمان عموما..حاولي تشتري كل اللي ناقصك وهو موجود..ولما يسافر غيري في البيت..غيري في نفسك..اصبغي شعرك..لما يكلمك بينيله قد ايش مشتاقتله وانك ما تقدري تستغني عنه عشان يتحمس يرجعلكم بسرعة

الله يعينك ويساعدك :26:

حبيبتي يسرى ..
زوجك شكله من النوع اللي يحب يتدلع .. ومو عاطفي لاطفاله ..
انا ماادري ايش طبيعة عمل زوجك ..ومتى يطلع من دوامه ..لكن ليش ماتدخلين عيالك دي كير ..ماادري ايش يسمونها البريطانيين ..يعني روضه ..حظانه..
انت حاولي تخلين البيت هادئ نوعا ما ..لكن ماتكتمينه .. لانه راح يجي وقت مع تقدم العمر بالزواج تحسين انك ضحيتي بزياده .. وممكن هو يبدأ يشتاق للحياة الاسريه..
لازم تستغلين اوقات الصفاء .. وتبينين انك تبذلين جهدك علشانه ..لكن ماتعرفين وش يبي بالظبط
وصدقيني الرجال اذا اشبعتيه عاطفيا وجنسيا .. يلين
خاصة انهم في بلد فتن .. احيانا مع الفتن يكون الواحد معصب ومشدود
حاولي تدرسين .. احيانا الرجال يبون يشوفون زوجاتهم زي السكرتيات او الدكتورات
في رجال يقدرون للمرأة تفانيها ..وخدمتها ..
وفيه رجال يحبون يشوفون زوجاتهم مثقفات او ( فيها شوفة نفس شوي او انشغال بدراسه.. )
انا ماقدرت اوصل لك المعلومه هذي .. فيه رجال يحبون المرأة العمليه اللي تسترجل بفكرها لكنها بنفس الوقت ظابطه البيت .. وشكلها بكامل انوثتها ..ومعاه غنج ..كذا ممكن يحس انك اقرب له
والبنات الله يجزاهم خير وفوا وكفوا .. لكن ترا الزوجين يمر عليهم اوقات عصيبه .. ويجي طاري العرس .. وما يهتم فينا وما نسوى عنده



اخيرا فرج الله همك وهمه والله يسخر لبنات حواء اولاد ادم
:24:

اختي العصر الحجري جزاك الله خير على مشاركاتك ودعمك لي . و انا سويت مثل ماقلتي هوا يجي الساعه سبعه و الساعه ثمانيه اخذ اطفالي فوق اغيرلهم و البسهم و انومهم و بعدين انزل . و لكن الي يبغاه عدم فتح مواضيع مايبغى اي طلب حتى لوكان مجرد موضوع او فكره اطرحها مايبغي و الله انا قررة انشاء الله اني ما راح اتكلم معاه ابدا الافي شي يكون يحتاجه و بس علشان ارتاح من المشاكل و وجع الراس و جزاك الله خير.
اختي س في بلاد العجائب جزاك الله خير على مشاركتك .
اختي **بشايـــــــر**الله يعطيك العافيه على المشاركه . المشكله ان زوجي ينظر الى انه موفر كل شي لي من الناحيه الماديه اذا خلاص مايبغى اي طلبات او مناقشات او اي موضوع يكون فيه مشاركه . و بنسبه لجلستي على الانتر ما اجلس نهائيا و هوا موجود لانه يتضايق اذا شافني جالسه عليه و جزاك الله الف خير.
اختي سيريلاك جزاك الله خير على المشاركه و انا انشاء الله راح احاول اطبق الامور الي قلتيها و الله يسهل انشاء الله .
تحياتي لكم جميعا

والله البنات الله يجزاهم خير ماقصروا
ومااقول الا الله يعينك ويفرج كربتك
ويسخر زوجك لك ويلين فلبه عليك
ويجعل ايامك كلها سعاده وهنا

والله الله بالدعاء