داليا-74 :

وعد مني والله العظيم والله العظيم اذا مشيتي على هاي الحمية بعد ست شهور لتمان شهور باذن الله حتحملي وما حتجهضي باذن الله في بنت كاتبة قصتها عندها مرض كسل الغدة هاشيموتو وكانت معتمدة باكلها على نفس طريقة اكلك السكريات والحبوب والزيوت لراحت لعند دكتور اعطاها نفس حميتي والها 12 سنة متزوجة وما عم بتجيب ولاد وبتجهض اذا حملت بعد ثمان شهور حملت والحمد لله خلفت ورزقها ربنا بولد وحطت صورته من فرحتها فيه اكلنا الغلط هو اللي بمرضنا وحطي ببالك ما نفسك بايبي يركض وراكي ويحكيلك ماما ؟؟؟ لازم تضحي شوي وهاد عشان صحتك انتي قبل كل شي وحتشوفي كيف صحتك حتتحسن وكيف مبايضك حتقوى وكيف كل شي حيتغير وحتى لما تحملي ما ترجعي لنفس الاكل لانه مرضى الغدة عندهم مشكلة انه اذا حملو وكان نفس الاكل الغلط عم ياكلوه فمعرض الجنين ينولد عنده توحد او وزنه كتير قليل او كتير شقي وحيكون غبي وكسلان بالمدرسة وهاد مرض يعني ما تفكري الاولاد الاشقياء هدول مو متربيين صح .. هاد مرض بدماغ بخليهم كتير هايبر ما بقدرو يقعدو هاديين واشقياء جدا ولما يكبرو اذا ما اكلو نفس حميتنا حيطلعو فاشلين بالدراسة فليه تعرضي ابنك او بنتك لهاد الشي وهمن برحمك حيتغذو منك ومن الاكل اللي بتاكليه فلازم تاكلي اشياء صحية عشان يكون طبيعي 100% باذن الله اول اسبوع هو الصعب بس بعدين حتصيري تتعلمي شو تطبخي وشو تعملي وكيف تجهزي امورك متلي انا عمري ما طبخت شي دايما بس باكل اللي قدامي صرت ارجع من شغلي واجهز اكلي بطريقة صحية واكله حتى لو راجعة ميتة جوع بستنى لاعمل اكل صحي السكريات عليكي بالفواكه... كل ما تشتهي سكر كلي فاكهه لانها مفيدة جدا مو متل كيتكات والا سنيكرز واذا اشتهيتي شوكولاته كلي شوكولاته دارك تكون 70% كاكاو هي الشوكلاتة بتعالج مو بس للرفاهية ومن غير شيبس وصودا وغيرها الجلوتين بدمر جسمنا وبدمر هرمونات الجسم وبساعد على خراب الغدة لانه نسخة طبق الاصل من انسجة الغدة فكل ما تاكليه كل ما حيزيد عدد الاجسام المضادة اللي حتهاجم انسجة الغدة واللي حتهاجم الجلوتين اللي نزل بامعائنا بالجهتين حيكون في هجوم .. ما في مشكلة اذا حابة تاكلي رز اذا مو قادرة تبعدي عن الحبوب ما في مشكلة كلي الرز لانه ما بيحتوي على الجلوتين ... بس ابعدي عن الجلوتين وشبيه الجلوتين اللي موجودة بباقي الحبوب والزيوت بعرف اديه طيبة وبتشهي بس مرة على مرة بتنسيه واستبدليه بالزبدة الحيوانية او بزيت الزيتون .. طول عمر جدودنا بياكلو السمنة والزبدة وزيت الزيتون وما سمعنا عندهم سرطانات ولا كوليسترول ولا اي مصيبة تانية بس من عند ابهاتنا وامهاتنا صرنا نسمع لانو بعصرهم طلعت هاي الزيوت اما قبل كله كان موت بسبب كبر عمر امشي عليها والله العظيم تمان شهور بالكتير حتحملي باذن الله وحيجيك طفل صحي ما بيشكي من مرض باذن الله

وعد مني والله العظيم والله العظيم اذا مشيتي على هاي الحمية بعد ست شهور لتمان شهور باذن الله...

داليا-74 :

حبيبتي ام ملوذي معدن الكروم زيه زي اي فيتامين (فيتامين د وأ و سي وب وغيرهم ) او معدن (كالسيوم وزنك والحديد وسلينيوم وكروم وغيرهم) حتى عنا بالاردن بيعتبروه دواء علاجي لمرض السكر نوع التاني مو مكمل غذائي زي بقية المعادن متل الزنك والسيلينيوم هدول بيعتبروهم مكمل غذائي لان الكروم مفعوله زي تقريبا مفعول جلوكوفاج بس الفرق الكروم مفيد جدا للجسم وموجود في الجسم اما الجلوكوفاج بيصنعوه صناعة.. الكروم طبعا بيتبع لفئة المعادن واشتريه من الصيدلية واشتري حبوب بذور العنب ضروري مرضى الغدة ياخدوهم الاتنين مع بعض وححكيلك السبب وهاد الشي بس بينطبق على مرضى كسل الغدة الدرقية اما باقي الامراض ما بعرف بصراحة جهاز المناعي بالنسبة للغدة الدرقية بيتكون من نوعين من T-Helper cells همن : TH1 و TH2 ولازم يكونو متوازنين وطبعا كل واحد اله دور واغلب مرضى الغدة بيعانو من مشكلة سيطرة TH1 يعني الاعداد بتكون اكبر بكتير من TH2 فبزيد عنا المرض ولازم عشان نرفع من TH2 ونخفض من TH1 ويتوازنو نشرب شاي اخضر (انا استعملت كبسولات الشاي الاخضر) هاي النقطة الاولى النقطة التانية اكتشفو نوع جديد اهم من اللي ذكرتهم فوق وبيحكو عنه الطفل الجديد لهاي المعادلة الجديدة هو TH17 طبعا هاد النوع ا لجديد هو المسؤول عن اصدار الاوامر للنوعين اللي ذكرتهم عشان يهاجمو الغدة (قبل مرضنا كانو مسؤولين عن اصدار اوامر ومهاجمة الفيروسات والميكروبات) وعشان نسيطر على النوع الجديد لازم نستخدم معدن الكروم + بذور العنب ولازم يكون مكتوب على علبة بذور العنب Resveratrol لانها هاي هي المادة اللي بدنا اياها من بذور العنب وفعلا انا من بعد ما استخدمتهم بفترة بسيطة بطلت الغدة توجعني واستغنيت عن كبسولات الشاي الاخضر وصرت اشربه شرب ضروري تجيبي المكملات التالية على الاقل اول شهر وانتي عم تعملي الحمية اوميغا 3 هاد لطول عمرك تاخديه زنك اول شهر بعدين بتقدري تاخديه من الاكل سيلينيوم + فيتامين سي لانه هاد الفيتامين بساعد على امتصاص ا لسيلينيوم (بتقدري تاخديهم من الاكل بعد الشهر) بي كومبلكس استمري عليه اكتر من شهر يعني انا لهلا باخد منه واهم واحد هو فيتامين د لازم دايما تاخديه وكل يوم حبة وخدي متلي 5000 لانه احنا جسمنا ما بيمتص شي من الفيتامينات والمعادن وهدول اهم شي لمرضنا انا مثلا باخد CoQ10 + فيتامين اي (CoQ10 هاد انزيم واحد من مهامه تنظيم ضربات القلب لانه كان عندي مشكلة بضربات القلب على اي مجهود تافه يصير ضربات قلبي كتير قوية والحمد لله رجعلي ضربات قلبي طبيعية) باخد مثلا حبوب الثوم ممتاز جدا سواء لتطهير الامعاء او عشان الكوليسترول ما يرتفع وغيرها من اسباب لانه ما بقدر اكلهه عادي ساعتها حيفصلوني من الريحة :) اول شهر لازم تاخدي امينو اسيد ودايجستيف انزايمز وبروبيوتيكس هدول مهمين جدا لتقوية الجهاز الهضمي وذكرتهم قبل خاصة البروبيتكس اللي هي عبارة عن كبسولات بكتيريا نافعة عشان تكتريهم بسرعة ويساعدوكي بعلاجك وبامتصاص الفوائد بالاكل والفيتامينات والمعادن وامشي على هاي الحمية وخلال شهر حترجعي زي ما كنتي قبل المرض وحتى احسن وحتى ان شاء الله مناعتك حتكون اقوى فعلا صغرتني كتير والحمدلله

حبيبتي ام ملوذي معدن الكروم زيه زي اي فيتامين (فيتامين د وأ و سي وب وغيرهم ) او معدن (كالسيوم...

داليا-74 :

كيفكم صبايا اليوم حنحكي بعد مرور شهر من الحمية كيف طريقة ترجيع الاكل وكيف تعرفي اذا مناسب والا لا .. هلا خلصنا شهر الحمية وصار الوقت مناسب نرجع الاكل اللي بنحبه واللي هو فعليا صحي بس ابتعدنا عنه لمدة شهر لانه ممكن يهيج القولون والجهاز الهضمي بشكل عام .. اختاري اكتر شي بتحبيه طبعا انا اخترت الحليب ومشتقاته طبعا عملية الفحص هي تلات اسابيع ولانه الحليب عادة بسبب الغازات والنفخة بينما اللبنة والجبنة لا الا في حالة حساسية لاكتوز فاول اسبوع شربت فيه الحليب طبعا ما بحبه لحاله فكنت اضيف عليه شوكولا وشربته لمدة اسبوع وانا اراقب في بطني فيها نفخة والا لا؟ في وجع وتقلصات والا لا؟؟ في غازات والا لا؟؟ في امساك او اسهال والا لا؟؟ طبعا كانت الحمد لله ما في شي والوضع تمام التمام وتاكدت انه ما في عندي حساسية لاكتوز استمريت لمدة كمان اسبوعين اشرب الحليب بس بالاضافة للحليب دخلت الاجبان والالبان واكلت منهم وراقبت جسمي كيف الوضع زي ما حكيتلكم فوق واستمر الوضع طبيعي ورجعته لحياتي طبيعي بعد ما خلصت تلات اسابيع بديت بالباذنجانيات واول فصيلة هي البندورة لانه احنا بناكلها فرش وبناكلها رب البندورة وبناكلها كاتشاب وجربت جميع الطرق اللي صار معي لما كنت اكل البندورة بالسلطة معدتي تتقبلها عادي بس لما كنت اكلها كطبخ متل استعمال رب البندورة كانت معدتي تضايقني وتوجعني فبطلت اكلها غير بالسلطة والكاتشاب اصلا ما بحبه وعموما بيضيفو عليه سكريات وعلى ما اتوقع زيوت نباتية وعلى فكرة ما احتاجت معي البندورة اكتر من اسبوع لاكتشاف شو اللي بيصلح لجسمي وشو اللي ما بيصلح وبعدين استلمت الباذنجان على الرغم اني كنت ما اطيقه بس صرت اكله لانه كتير مفيد وجربته بكل الطرق وما تضايقت معدتي وبرضه ما احتاج معي اكتر من اسبوع لاكتشف (وعلى فكرة البندورة والحليب ومنتجاته ما وقفتهم عشان اكتشف الباذنجان مناسب لجسمي والا لا لانه خلاص عملت تجربة عليهم وكانو مناسبين وصرت اضيفهم على الحمية مع الاشياء الجديدة اللي عم بتناسب جسمي) ونفس الشي الفلفل والبهارات ما وجعتلي معدتي ولا ضايقتني ودخلتهم طبيعي (هاد النوع هو الغذاء المناسب للبكتيريا النافعة بتحب الاكل اللي بيحرق وكل ما اكلتي كل ما زادت ومعلومة صغيرة لما يكترو عندك كتير حيصير عندك غازات فما تقلقو لان صار عددهم كفاية بجهازكم الهضمي وبتقدري تخففي من الاكل الحريف والمخللات والكفير) اما المكسرات والبذور هدول ما بيعملو شي بالجسم وصحيين ومافي حدا بيتآذى منهم (على فكرة فول السوداني مو من المكسرات هو بروتين زي الصويا بس سيئين للجسم المريض متل امراضنا والافضل الابتعاد عنهم نهائي وخاصة مرضى الغدة الدرقية لانه فول السوداني متله متل الخضار الصليبية بيعمل بلوك على هرمونات الغدة الدرقية وحتى الناس الطبيعين بحاجة لغدتهم تقوم بعملها على اكمل وجه فعشان هيك ابعدو عنهم احسن) اما الممنوعات النهائية واللي لطول العمر حتضل لطول العمر خاصة اذا كان المرض كتير خطير متل السرطان او تصلب المتعدد وزهايمر وغيرها على الاقل ليرجع وضعهم طبيعي اما متل مرضي اذا بحبو يمشو على طريقة الغش ما في مشكلة بس يحاولو يقللو من هاي الطريقة واللي هي وجبة واحدة بالاسبوع ياكلو فيها جلوتين بس كمية جدا قليلة ومحدودة يعني مثلا قطعة بيتزا واحدة او قطعة كيكة واحدة او معجنات واحدة وبهاي الطريقة بغشو بس بكمية قليلة وبعد ما يخلصو على طول حبتين سنامكي بس ما يعتمدو هاي الطريقة بشكل دائم عشان ما يرجعلهم المرض وانا اولتها مشيت على الغش بس ندمت لاني كنت اتعب وتاني يوم انام فترة اطول واصحى مو نشيطة وكسلانة وخي بدى يتعب فبعدت عن الجلوتين وعن طريقة الغش بس باكل رز (الرز ضيفوه على الاكل من اول يوم بس ابوس ايدكم من غير شعيرية لانه جلوتين والبرغل والفريكه برضه فيهم جلوتين ماشي) وهيك خلصنا طرية الحمية كاملة والمرة الجاي حعطيكم طريقة الصحية عشان تعالجي مقاومة الانسولين ومقومة الليبتين وترجعيهم طبيعيين وهدول سبب مرض السمنة اللي منتشر في العالم مع شرح مبسط عن كل هرمون باذن الله

كيفكم صبايا اليوم حنحكي بعد مرور شهر من الحمية كيف طريقة ترجيع الاكل وكيف تعرفي اذا مناسب والا لا...