الغدة الدرقية ومعاناتي والسر كيف تعالجت ونحفت10 كيلو

دلع الصبا • 11 سنة

ماشاء الله عليك
الله يعيننا انا بعد معي كسل في الغده ونقص فيتامين د شديد وفقر دم اشد منه وعندي حالات اجهاض ماني عارفه ليه والحين يوم قريت الموضوع وسوست والمشكله الحميه هذي مره صعبه صعب نبتعد عن السكريات والحبوب والزيوت هي اساس أكلنا بس بحاول واحاول اني اخفف منها قد ما قدر
الله يوفقك ياداليا ويجزاك خير

داليا-74 • 11 سنة

14352014 :

يعطيك العافية اخت داليا و فعلا كلامك صحيح ١٠٠ ٪ و انت جربتي الحمية في الغدة الدرقية والعضوة للمستقبل نور جربتها في فشل المبايض المبكر و انا حاولت لكن كانت صعبه جداً بس اتبعت حمية قللت فيها السكريات و النشويات لكن مازالت الغدة كسلانه و انا عندي الأجسام المضادة Ana إيجابية و هي بتهاجم أعضاء الجسم عشان كذا الغدة الدرقية كسلانه

يعطيك العافية اخت داليا و فعلا كلامك صحيح ١٠٠ ٪ و انت جربتي الحمية في الغدة الدرقية والعضوة...

سلامتك حبيبتي اذا الحمية صعبة بتقدري تاكلي من السكريات الفواكه اللي سكرياتها قليلة ومن النشويات كلي رز بس ابعدي عن الاشياء الباقية اللي بالممنوعات وجسمك باذن الله حيرجع سليم كانك عمرك ما مرضتي ان شاء رب العباد

هي الحمية صعبة اول اسبوع بعدين لما تحسي بالنشاط والحيوية وبعقلك رجع يشتغل كانك اينشتاين من حالك لحالك حتستمري

داليا-74 • 11 سنة

قرقورة :

هلا اخت داليا انا صار لي سنين اعاني من نشاط بالغدة الدرقيه عندي TSH 0,28 فاصلة ثمانية وعشرين وعندي تضخم كبير بالفص الايمن حجمه حوالي 8 سم بحجم البيضة الكبيرة وواضج جدا وبكل العيادات نصحوني بالبداية اشيل نص الغدة بس الحين اتوقع ممكن يشيلوها كلها لان الورم اتعدى النص عندي تسااااقط شديد بالشعر شعري اتغير 180 درجه اتغير من شعر لاااامع طويل كثيف جدا وقوي الي شعر هش ومكسر ومقصف وضعيف جدا وذااايب وفراغات بفروة الراس الحمدلله على كل حال حجم الوجه اصبح كبير وصارحجم الرقبة مقارب للوجه والغريب مع النشاط يزيد وزني اعطاني الدكتور حبوب PROPRNOLOL يقول اانها تقلل من ضربات القلب وبالتالي يقل نشاط الغدة الصراحه اخذتها اقل من شهر مع فيتامينات للشعر زاد وزني 6 كيلو صراحة وقفتها مع العلم اني اتحجمت مرتين وانا استخدم القسط الهندي من عدة سنوات يوميا بس متغير شي استخدمت مكمل غذائي اسمه KELP كبسولات وهي عبارة عن اعشاب بحرية غنية باليود بس مااستمريت وقال الطبيب اللي عنده نشاط معناه ماعنده يود اصلا واتذكرت اني كنت استخدم الملح الخالي من اليود بالطعام مع العلم اني مااشرب االمشروبات الغازيه ولا ااكل الوجبات السريعه واكلي كله معتمد على زيت الزيون بالطبخ والتغميس واغلب اللي اكله من السنه النبويه واخذ السنا مكي شهريا والحمدلله هل يوجد علاج للغده غير العملية ؟ وشكرا

هلا اخت داليا انا صار لي سنين اعاني من نشاط بالغدة الدرقيه عندي TSH 0,28 فاصلة ثمانية...

حبيبتي اول شي وقفي الطحالب فورا كانك عم بتحطي بنزين على النار اوعك تاخدي منه .. انا عندي كسل غدة واخدته فترة بسيطة صارت اعراضي اعراض نشاط الغدة ضربات قلب سريعة وكل شي صار عندي سيء ... وقفي اليود تماما .. المسموح فيه بس اليود الموجود بالماكولات البحرية لانها بتكون خفيفة بس اكتر من هيك لا وانا جربتها قبلك وصار TSH 0.012 يعني اقل منك واقل من للي عندهم نشاط الغدة ولما وقفته رجع الوضع طبيعي وحتى الملح بس جيبي الملح البحري الطبيعي اللي مو مضيوف عليه يود زي ما كنتي تستخدمي.. اتفقنا على هاي النقطة

بالنسبة للحمية بتعالج الغدة عندك وبتوقف الاجسام المضادة وبتخليها في حالة سكون ومرة على مرة بتبطل تهاجم الغدة وبترجع لوضعها الطبيعي وبالنسبة للسمنة عادي في نسبة من الناس على الرغم من انه عندهم نشاط غدة بس بيسمنو مو كلهم بينحفو وفي ناس عندهم كسل غدة بس بينحفو وهدول نسبة قليلة فما تقلقي من هاي النقطة بالمرة هاد شي طبيعي

بالنسبة لضربات القلب والدواء احكي لدكتورك انك اذا بتقدري تاخدي انزيم CoQ10 بدل الدواء اللي اعطاكي اياه لانه هاد بينظم ضربات القلب وانا اخدته وبديت فيه لما نزل عندي TSH ومن دكتور القلب وبعدين من دكتورتي الغدة قالولي اخده وبالفعل انتظمت ضربات قلبي واحسن من اي دواء لانه هاد انزيم بالجسم عادة كل ما نكبر بالعمر بقل وفي حالة المرض متل مرضنا او اي مرض مناعي بقل بشكل اكبر وفعلا رائع وهاد واحد من ضمن فوايده للجسم انه بنظم ضربات القلب وموجود بالصيدليات كمكمل غذائي جيبي عيار 120 جم ماشي وخدي حبة واحدة باليوم مع فيتامين E لانه بساعد على امتصاصه اسرع بالجسم واسالي دكتورك حيحكيلك انه فعلا منظم لضربات القلب وانه انزيم موجود بجسمنا .. يعني متل فيتامين ب 12 موجود بالجسم طبيعي ولما ينقص بالجسم بصير مشاكل ما الها اول ولا اخر ومجرد ما تاخديه بتتحسني ونفس الشي هاد الانزيم ضروري للجسم ومو بس لمرضى الغدة الدرقية هاد الانزيم لكل انسان ولكل مرضى امراض مناعية والكل يسال دكاترتهم حيحكيلهم انه مفيد لانه حتى الدماغ بحاجة اله لمرضى التصلب المتعدد وغيرها من امراض

وامشي على الحمية وكوني قوية وعندك ارادة وعلى فكرة لما تكوني قوية اهلك حيوقفو جنبك ولما تتحسني باذن الله حيصير كل اهلك وعيلتك يمشو على نفس الحمية .. انا لما بديتها كنت لحالي بعدين اختي قلدتني وهلا كل عيلتي حتى على مستوى بنات عمتي وعماتي صارو يمشو عليها وخاصة عنا مرض السرطان والقلب والضغط والسكري وراثة وهاي الحمية مو بس بتعالج كمان بتحمي من الامراض الوراثية .. اول اسبوع صعب بس بعدين حتحسي بالفرق وانت فعلا من حالك لحالك حتقوى ارادتك

والسنامكي هلا ما تاخديه لانه عندك حرق عالي وسريع والمفروض اول باول بتطلعي على الحمام الا اذا عندك امساك مزمن في هاي الحالة خدي كاسة او حبتين سنامكي واذا بتطلعي طبيعي على الحمام وقتها استني بعد شهر من الحمية وبلشي خدي كاسة كل يوم لمدة شهر بتاخديها لما تخلصي كل الاكل اللي اكلتيه بهاد اليوم يعني اشربي كاسة بالمساويات

بالنسبة للقسط الهندي انا جربته وتحسنت ببطء شديد عليه اللي نزل من اعداد الاجسام المضادة من استخدامي للقسط الهندي كتير قليل خلال السنة تقريبا 20 من المجموع الكلي مقارنة بالنسبة للحمية لمدة شهر تقريبا نزل من الاعداد 70 طبعا فرق واضح زي ماحكيت قبل كان 150 تقريبا ووصل بعد استخدامي للقسط الهندي 130 او اقل شوي بس مع الحمية نزل باول اسبوعين 70 ولما كملت الشهر صار 53 ... فنصيحتي اعملي الحمية احسنلك واسرعلك للشفاء وابعدي عن الزيوت لانها سبب مرضنا وسبب مرض السرطان وبعد انتشار الزيوت النباتية والسمنة والزبدة النباتية زادت الامراض بشكل كتير كبير لدرجة انه بكل عيلة في مرض وغير كمان الجلوتين هدول اهم عنصرين تبعدي عنهم .. انا متلك كنت معتمدة على الزيوت النباتية لانه متلي متل كل الناس مفكرة انها صحية وما بتسبب اي مرض بس للاسف طلعت الدراسات بتحكي غير هاد الحكي وللاسف احنا لهلا دكاترتنا بتنصحنا فيهم بس الحمد لله انا اكتشفت الحقيقة ووصلتها لاكبر عدد بقدر وان شاء الله تبعدي عنه خاصة اذا في سرطان عندكم بالعيلة يعني عندك الجينات نفسها يعني مع اكلك القديم حتصيري تحكي يا محلاك يا مرض الغدة

بالنسبة تزيلي نص الغدة يا ريت ما تردي على الدكاترة بس من اليوم ابدئي بالحمية وشوفي بعد شهر الدكاترة حيتفاجئو انه الغدة عندك بلشت ترجع طبيعية ... وبعدين ما تتحسفي على الاكل لانه كل ا لاكل جربناه ودقنا طعمه وما حيتغير شي فيه غير انه حيزيد مرضنا فاذا بتحبي حالك ما تاكلي الاكل اللي بضرك وابعدي عنه وهاي الحمية الصارمة بسرعة حتزبطلك الغدة وترجعها طبيعية وما حتحتاجي باذن الله لعملية

داليا-74 • 11 سنة

الوهج11 :

موضوعك جاء ع الجرح انا اعاني من نقص الغدة الدرقية ولا سبب ظاهر فقط مفاجئ لي .. اكثر ظاهره اعاني منها التشعر انجرح كثير من هالشيء وكمان الجفاف .. هل لاحظتي تشعر ؟

موضوعك جاء ع الجرح انا اعاني من نقص الغدة الدرقية ولا سبب ظاهر فقط مفاجئ لي .. اكثر ظاهره اعاني...

حبيبتي وهج مرات الغدة بتيجي وراثة ومرات من فيروس كتير قوي طول بالجسم وما تعالج بالجسم متل جرثومة المعدة لانها بتعشش اشهر اوسنين لتكتشفيها وتعالجيها ومرات من صدمة من موقف محزن فيمكن واحد من هدول التلات اسباب اللي سببت المرض بالغدة بس عمومات الجينات كانت موجودة عندك فعشان هيك صابك هاد الكسل

بالنسبة لاعراض الغدة كتيرة كتير بس جفاف الجسم او بالاجرى الجلد شي طبيعي لمرضى الغدة وبتصير سماكة بالجلد ومهما حطيتي كريمات بتحسي هي وقلتها واحد بس انا ما فهمت التشعر شو قصدك فيه

اذا قصدك ظهور الشعر بكثافة فهاد السبب لانه الغدة بتخربط الهرمونات
اما اذا قصدك تشعر يعني متل ضعف بالعظام ويسبب شعورها مو كسرها هاد برضه شي طبيعي لانه فيتامين د وكالسيوم والمغنيسيوم وفيتامين ك ضعيفة وقليلة عنا فبتضعف عنا

بس بالحمية حيرجع الوضع طبيعي عندك زي كانك عمرك ما مرضتي وكل الاعراض سواء اذا فهمتها صح او لا حتتحسن عندك وفي منها حتختفي وفي منها حتروح شوي شوي المهم من هون لشهر وضعك حيكون ممتاز باذن رب العباد

داليا-74 • 11 سنة

دلع الصبا :

ماشاء الله عليك الله يعيننا انا بعد معي كسل في الغده ونقص فيتامين د شديد وفقر دم اشد منه وعندي حالات اجهاض ماني عارفه ليه والحين يوم قريت الموضوع وسوست والمشكله الحميه هذي مره صعبه صعب نبتعد عن السكريات والحبوب والزيوت هي اساس أكلنا بس بحاول واحاول اني اخفف منها قد ما قدر الله يوفقك ياداليا ويجزاك خير

ماشاء الله عليك الله يعيننا انا بعد معي كسل في الغده ونقص فيتامين د شديد وفقر دم اشد منه وعندي...

وعد مني والله العظيم والله العظيم اذا مشيتي على هاي الحمية بعد ست شهور لتمان شهور باذن الله حتحملي وما حتجهضي باذن الله

في بنت كاتبة قصتها عندها مرض كسل الغدة هاشيموتو وكانت معتمدة باكلها على نفس طريقة اكلك السكريات والحبوب والزيوت لراحت لعند دكتور اعطاها نفس حميتي والها 12 سنة متزوجة وما عم بتجيب ولاد وبتجهض اذا حملت بعد ثمان شهور حملت والحمد لله خلفت ورزقها ربنا بولد وحطت صورته من فرحتها فيه

اكلنا الغلط هو اللي بمرضنا وحطي ببالك ما نفسك بايبي يركض وراكي ويحكيلك ماما ؟؟؟ لازم تضحي شوي وهاد عشان صحتك انتي قبل كل شي وحتشوفي كيف صحتك حتتحسن وكيف مبايضك حتقوى وكيف كل شي حيتغير وحتى لما تحملي ما ترجعي لنفس الاكل لانه مرضى الغدة عندهم مشكلة انه اذا حملو وكان نفس الاكل الغلط عم ياكلوه فمعرض الجنين ينولد عنده توحد او وزنه كتير قليل او كتير شقي وحيكون غبي وكسلان بالمدرسة وهاد مرض يعني ما تفكري الاولاد الاشقياء هدول مو متربيين صح .. هاد مرض بدماغ بخليهم كتير هايبر ما بقدرو يقعدو هاديين واشقياء جدا ولما يكبرو اذا ما اكلو نفس حميتنا حيطلعو فاشلين بالدراسة فليه تعرضي ابنك او بنتك لهاد الشي وهمن برحمك حيتغذو منك ومن الاكل اللي بتاكليه فلازم تاكلي اشياء صحية عشان يكون طبيعي 100% باذن الله

اول اسبوع هو الصعب بس بعدين حتصيري تتعلمي شو تطبخي وشو تعملي وكيف تجهزي امورك متلي انا عمري ما طبخت شي دايما بس باكل اللي قدامي صرت ارجع من شغلي واجهز اكلي بطريقة صحية واكله حتى لو راجعة ميتة جوع بستنى لاعمل اكل صحي

السكريات عليكي بالفواكه... كل ما تشتهي سكر كلي فاكهه لانها مفيدة جدا مو متل كيتكات والا سنيكرز واذا اشتهيتي شوكولاته كلي شوكولاته دارك تكون 70% كاكاو هي الشوكلاتة بتعالج مو بس للرفاهية ومن غير شيبس وصودا وغيرها

الجلوتين بدمر جسمنا وبدمر هرمونات الجسم وبساعد على خراب الغدة لانه نسخة طبق الاصل من انسجة الغدة فكل ما تاكليه كل ما حيزيد عدد الاجسام المضادة اللي حتهاجم انسجة الغدة واللي حتهاجم الجلوتين اللي نزل بامعائنا بالجهتين حيكون في هجوم .. ما في مشكلة اذا حابة تاكلي رز اذا مو قادرة تبعدي عن الحبوب ما في مشكلة كلي الرز لانه ما بيحتوي على الجلوتين ... بس ابعدي عن الجلوتين وشبيه الجلوتين اللي موجودة بباقي الحبوب والزيوت بعرف اديه طيبة وبتشهي بس مرة على مرة بتنسيه واستبدليه بالزبدة الحيوانية او بزيت الزيتون .. طول عمر جدودنا بياكلو السمنة والزبدة وزيت الزيتون وما سمعنا عندهم سرطانات ولا كوليسترول ولا اي مصيبة تانية بس من عند ابهاتنا وامهاتنا صرنا نسمع لانو بعصرهم طلعت هاي الزيوت اما قبل كله كان موت بسبب كبر عمر

امشي عليها والله العظيم تمان شهور بالكتير حتحملي باذن الله وحيجيك طفل صحي ما بيشكي من مرض باذن الله