صباح الخير
كيفكم سلطانات ...
والله انا مو بخير تعبت من طبينتي
ماعرف ادعي عليها والا اسوي نفس سواتها
بس مشكلتي ماحب المشاكل
وغيرت رقم جوالي بسببها عشان ماتراسلني في الوتس
وامس رسلت لي صورها هي و زوجي يبوسو بعض
ورسلت لي كلام انه عيد زواجها بكره وصرفي نفسك انتي وولدك وو ...حظرتها بالوتس
وكلمت زوجي عنها وعصب بس ماعرف
وش سوا معاها ...
المهم انا مليت منها ومن مشاكلها وكلامها التافه ...
وش السواة معاها ماحب المشاكل وربي ...
حسبي الله عليها ونعم الوكيل

استغل وقتك بذكر الله وكثرة الاستغفار

وقال صلى الله عليه وسلم "من قال حين يُصبح وحين يُمسي: سبحان الله وبحمده مائة مرة؛ لم يأْتِ أحد يوم القيامة بأفضلَ مما جاء به، إلا أحد قال مثل ما قال، أو زاد عليه"

الكيد المبالغ فيه اللي يوصل للدرجة الحاق الضرر بالجاره وظلمها والتلذذ بظلمها والتسلط عليها


100% من صالح المظلومه لان زوجك معاه حق انجذاب الرجل للمراه الضعيفه الصابره


لانها برايه ماهي ( فحله) وتتصرف تصرفات شياطين فضعفها وصبرها واحساسها بالظلم


يغمسها في قلبه تغميس وهذا الكلام من وحده كبيره بالسن تقول الرجال قلبه مع الضعيفه وبياخذ له وقت


ثمن ينصرها نصر باين واصلا الطرف الثاني المتسلط خسران مهما لوح براسه مثل الافعى


مصيره يموت بغيظه وعلى قول المثل( من عاش بالحيله مات من القهر) وكل اللي تسويه راجع على راسها


يوم ولوو طااال لان الرجال ماسوى الا حقه وشرع الله ..


اما مقولة (يرجع لك) اكيد القصد انها تنتهي فترة الطيران :35: ههههههههههههه الشراعي على قولهم


بس انا اقول طربته بالجديده تبدا تهدا ويبدا التوازن ويبدا يرجع لطبيعه (البعض) يقصد كذا


والبعض يقصد انه خلااااص يندم على الزواج الثاني ويروح يبكي يقاله ( روميو) والا خوسيه ههههههههههه

والقول الثاني اكيددد باطل لانه من كيد الرجال ولو انه صادق كان طلق ببساطه بس عبر الرجال ..


الله يسخر لكل مظلومه من ينصرها ..





لو كان مرخص فيها صدق ماخلاها على ذمته لهالوقت بس والله وقولوا ام طيف قالت انه بيجي يوم


وتبشرنا زهوره بنصرها اعرف كيد الرجال ومخططاتهم هو يرخي لهذيك الحبل الين تغلط


وياخذه ضدها زهوووووووووووره


لا لا لا لا لا تطلبين الطلاق وتقربي من زوجك وتوددي له اضعاف مضاعفه وبتشوفين .



ياحبيبتي والله ان المراه السليطه العبيطه انها شؤم يشوفه الرجال في وجهها احظريها من الواتس


واحظريها من هاتفك كله وخليها تلعلع الين ينشق حلقها مثلها ما بترتاح الين تجيب العيد


خليها تدابل على عمرها الين تلقاها بوجهها مايجوز لها تتصور وترسلها تدرين لو انها شاكه


باخلاقك ما ارسلت صورتها بس تدري انك خلوقه وبنت رجال ادعي ربك وماخاب من دعاه


وهي طنشيها قاعده تحفر قبرها بايدها وبتوقع قريب المهم زوجك حااافظي عليه اذا انك شاريه خلقه ودينه


وطيب معاك واجودي فتمسكي فيه بيدينك واسنانك وقولي له اتفهم وضعها والمهم عندي راحتك ورضاك


عليه وانتظري فرج ربك منها



الله يسخر لكل مظلومه ايا كانت من ينصرها نصر حاااار عاجلا غير اجل اللهم كل من نامت وبصدرها


لوعة الم انك تبشرها بالفرج ومحبة ورضا ربها وزوجها ايا كانت اولى والا ثانيه والا غيرهم

الحيااااااااااااااااااه مع الله

يابنات الصبر ثم الصبرررر كم من حرمه نامت على غبنه وكان بين جنوبها جمره تنغص عليها منامها


كم من حرمه نامت ودمعتها على خدها سنييين من تسلط وظلم الزوج والا اهله والا زوجة اب


وغيركم من طردت من بيتها ومن تنضرب ومن ياكل الهم والنكد معاها غداها وعشاها وصبرت والعاقبه ظفررررر


ونصر خلاها تحمد ربي على البلاء وتسجد شكر ليل نهااار فلا يضيع عند الله شي وستشرق شمس النصر يوم


ولو طااال جاي لامحاله وعاقبة الظالم يشوفها في نفسه وفي صحته وفي اولاده


اقسم بالله اللي خلقني ورزقني اني اعرف معرفة شخصيه عز المعرفه زوجه ثانيه لرجال من جماعتنا ذاقت من ضرتها


اشكال وانواع العذاب لدرجة طلقها زوجها طلقه وبعد طلاقها صامت زوجته الاولى شهر كامل !! نذر


لانها نذرت ان يطلقها عذبتها وعذبت ولدها تسلطت عليهم نغصت عيشتهم


وبعد طلاق الثانيه سنيييييين طلقها وولدها صغير ومارجعها الا قد الولد بسادس او خامس كبر


رجع الثانيه وشرط لها ابوها بيت بعيد عن الاولى واستاجر لها بيت


جابت الاولى ولد معاق اول مارجعت الثانيه لزوجها ولدت الاولى وجابت ولد معاق وعندها من اول خمسه اولاد


منهم ولد باولى ابتدائي هذاك الوقت ويوم دخل المتوسط جاته حراره وتشنجات ومرض المهم انه مرض فتره


طوويله وبعدها تعوق هو الثاني اقسم بالله ان خالتي ساكنه بجنبهم تحلف ان ولد الثانيه الكبير الان صار عمره بالثلاثين


كانت زوجه ابوه تحرش ابوه عليه تحلف انه يضربه الين يصب ظهره دم


طغت وتجبرت الين مرضوا اولادها وانشغلت بهم والثانيه جابت بنتين ومن بعدهم ثلاثه اولاد


الان عيال الثانيه عايشين والبنات متزوجات ومخلفين ومتوفقين


وعيال الاوله بنتها تزوج زوجها عليها وولدها الكبير تزوج وصارت عليه قصه وتبهذل بحياته


وولدين معاقين وبنت صغيره ماعليها عايشه بخير ماعندها خلاف


الاوله تعترف وتستغفر وطلبت ذيك تسامحها بس الثانيه راحت مع ولدها يوم تزوج وقعدت عنده يجي زوجها


ياخذها عيت حكم الله عليها قام الاخ تزوج الثالثه من جنسيه عربيه وجلس معاها تخيلوا الثانيه مع ولدها


والاولى بالبيت الطويل العريض لحالها مع عيالها وتدعي على زوجها ليل نهار


وهو مع الثالثه حتى مو بنفس المنطقه فالمقصد ان الظلم عاقبته شينه على نفس الواحد وعلى ولده وصحته


واسال الله ان يرفع عن عيالها ويغفر ذنبها ولا يسلط علينا ظالم ولا يسلطنا على احد ...