*الـــــــــزين غســــال إيديــــــــن*

يالله انك تحييهم وتبقيهم وتكبر كل مافيهم ..؟..

وشلونكم لاشان لونكم ..؟.. انا والله حالتي تسر اكثر منها تضر << واحد سألك عن حالك

أني شقحه الشقوح من اواحه أسلم على كل خوياتي بعالم حواء واقلهم اني بخير ونعمه << حشى بالبصره مو بحواء

خخخخخخخخخخخخخ

المهم اني ازقح وانطح واتبطح .. جمعتها لرضاكم واختاروا فيها .. << بنافس ابن فطيس ..؟..

ياحيهلا المهلي مايولي .. خلاص ماصارت ترحيب ببداها لكم بموضوعن لي او بالاحرى بسالفتن لي << شفتوا كلمة بالاحرى يازيني وانا اقولها كني لابسه نظاره << تقصد الدوافير

المهم..

هاك اليوم وفي مرات من المره كنت جالسه اخبص لي في باديه من فكس من كلونيا من حليب نياق من فلاش من ديتول وتايد للغسيل ..<< بنت الحلال حامصتن كبدها وتبي تصي بيضه ..

بقول لكم سالفه ليش بصير بيضه


هاك اليوم رحت لبيت عمي وهم بنات الحلال امهم لبنانيه يعني مايحتاج اقول لكم انهم لمبات يعني ماشالله لاطفينا الليت نورهم يكفي << من الهياط والله مو انا امي بدويه مردده حتى رحت افرش شجره عايله امي اشوف يارب تكون جده جده جده جده جده شاميه بس للافس طلعت صوماليه

المهم

اي اكمل وانا اجلس وامد رجلي وتعرفون ماشالله الغابه طالعه لاني ما اشير ايدي ورجلي إلا مرتين بالسنه مره عيد الفطر ومره عيد الضحيه ومرات اخرى اذا صادف عندنا حفله .. المهم

وانا امد رجلي وقام يتضحكن بنات عمي خخخ شقيح وش ذا رجل رجال مو مره عاد مسكتها بقلبي محسوبتكم بعير وطالعهم بحقد ما اخذت معي خمس دقايق الا انا ناسيه ولا قوم بنت عمي تلبس لها ثوب قصير قصو رقبتها ولا اشوف هاك الرجل اللي بيضتن على حمار انا صطحت كبده أأأأأأأأ ابي اصير بيضه

نرجع لمحورنا وانا اخلط من هالفلاش وهالديتول ومعي سيم حق جدور بفرك خشتي هاك الساعه ناويه اطلع بيضه

ولا تدخل علي جدتي حفضها الله ورعاهاا ..؟...

جدتي: تزرى علي : اخت صالح عرض وطول وش تسوين
انا.. واقلدها: اخت العيال بصير بيضه
جدتي: وتحطين هالفلاش على وجههك جعل وجهك مايشوف البياض
انا: يحول ياجده
جدتي: تعالي تعالي بقول لتس علمن ينفعك ابرك من هالللي تسويينه
انا: وشهو يالغاليه
جدتي: ترى يابنتيتي الزين غسال ايدين
انا: يعني وشو
جدتي: يعني الزين مصيره يروح مثل الحمره لا حطيتيها اولها يجنن لكن اخرها رايح هذا هو الحال بس وانا امك الضفر مامثله
انا: والله اني ظفره اني مسويه الغداا وخامه البيت
جدتي: انا ادري انك ظفره بس ولا يهمك من هالبياض بكرى لاعرستي
انا.. قمت حبيت راسهاا : من فمك لباب السمااء
جدتي:لا عرستي رجالك بيمل من زينك لكن شين وحيد ماهو مالن منه
انا.. وبقق عيوني يعنني بقتنص المعلومه عدل : وشهي ياجده
جدتي: الجيد ولطيب والسناعه كان فيه ولا في اهله
انا : اي والله يان نصيحتك تنشرى يابعيدي
جدتي: انا مابي من وراها شي انا ابي بس تصلحين لي دله
انا: وابي اثبت لها اني جيده

رحت طيران سويت لها قهوه يوم اني جيت ولا اشوفها ماسكه الباديه واتدهن منها ..

انا: وشهو جده مو توك تقولين الزين غسال ايدين
جدتي: اي بس يابعيي الكبر شين
انا:ههههههههههههههههههههههههه جده ترى هالخلطه سويتها من تأليفي يعني ماني حاطتها بقوم اكتها
جدتي: تهبين .. وتقوم بالعصا تلعن مترسي

انا هالخلطه بالصحيح كنت بسويها واحطها بعلبه خلطة شمه للجسم .خخخخخخخخخخ ناويه اسوي فيها مقلب خخخخخخخخخ بعمها اي مقلب خخخخخ .. بس إي العصا ياهي رسمت خرايط علي .. اي والله ان من حفر فرتن لخيه قع فيهاا .. لان جدتي غرقتني فيهاا .؟؟

المراد استيفيدوا من خبالي وكثروا من خبال ومقالب على خواتكم << عزوبيات ماعلينا شرهه << ترفع العلم الاحمر ومرسوم فيه مرهه مبرقعه طاقتن عيونها حول ..؟..

وسل العاده بلوتوسات اعبجتني بس قولن رايتس فيها .. اوك

ياني فصلت على هالشايب الفصله ههههههههههههه هبل بالضب خخخخخخخخخ ذكرني بورع اختي عمير اللي مايرتاح الا والضب في مخباته ..
http://www.abunawaf.com/filesplus/2008-03/item-xyKWBVr3tJ.3gp

هالورع شكله مذي أهله انا رجال وانا رجال شوفوا ابوه وش سوى بوه << بس والله حرام كسر رجولته ..
http://www.abunawaf.com/filesplus/2008-03/item-qVgUoC0Ua7.3gp

ولد يحب الكفوف خخخخخخ وابوه ماصدق على الله
http://www.abunawaf.com/filesplus/2008-01/itemsmall-aa-DNvE9hW.jpg

وجاااااااااااااااااو جااااااااااااااااااااااو